IBRI 6:4 - AMÜSÜH HÜM CL Bible (BSI)

⁴ Tümüde khülangki mulong müthribah, yinmi thsambah tsahkeakheahkhi, tüsho Amüsüh Me ching shihcham lurü thsungkheaknü amukukkhi lah;

IBRI 6:4 Iomraidhean Croise

LEVI 13:55

Jushu mü ju müsühabahbah apinü akheahbah, tüsho mübua lalashe aphü mümüthria lasho, ju kheaküshe mümüsüh; mokri akhiukkhi ju kukruk mi kheak yungsho alunglim thsüthsü nünü monü takabahang.

LEVI 14:43

Lungbo tüsho rhü mujukhi khukkhia bahbahle amuju dunglim kheaküshe tukthsü ju thüyam ching akhiuklosho,

WÜHKHE 24:3

tüsho apinü müchitpü tankih: “Beor tsührü Balaamnü müchitkhi, mük khimshuh-a lakhi mihtsürünü müchitkhi,

MATHI 12:45

Judüki apinü yübah api kheaknü alü mihbukmuyuk mebo püpü thüne anihbuh lung bebah ju ching yüzahchoh tüsho lachoh; tüsho mihtsürü kuhi ju atan kheaknü ashube amütsübe kamchoh. Junangde mihbukmuyuk lün kheak she jude alabah.”

MATHI 5:13

“Nüsa alomi thimi ah; tüshe thimi ju amüsüpbe dükheakabahsho, ju küde thsah amüsüpshihba? Ju tümü thsungkheak she atsü müla, ju abahbah tüsho mihtsürübonü ajungbah.

JOHAN 15:6

Khürünü I kheak mülasho, sangkhah nangde jipa bahchoh tüsho kungabahchoh; arünü jurü hanmukhungbah mo ching jipyukchoh, tüsho jurü aniuabahchoh.

JOHAN 3:27

Johannü alo, “Yinmi chingnü api ki müjih-a lasho mihtsürünü tümü leangkhikhukpü.”

JOHAN 4:10

Jisunü alibe ki alo, “Nünü Thrünpuh thsambah tüsho nü ki, ‘I kilim ke yungpü kü,’ de akheangbuh mükheahkhülaa, nünü api ki kheangbah, tüsho apinü nü kilim rhangdung ke jih-a labah.”

JOHAN 6:32

Judüki Jisunü arü ki tha, “Atsütsü inü nüsa ki thachoh, Mosanü yinmi chingnü nüsa kilim yikhap jihkhi yung, tüshe I Buhnü yinmi chingnü thiyuro yikhap nüsa kilim jihchoh.

YUNIRÜBO RHIMO 10:45

Tüsho Peter lung arükhi tsütabahrü bolung akinrübonü müyinsah, tümütüsho khiungkerü kheak she Amüsüh Me dungkih.

YUNIRÜBO RHIMO 11:17

Jumonü isanü Atungpuh Jisu Khrista kinchoki isa kilim jihkhi thsambah Thrünpuhnü arü kilim jih-a lasho, Thrünpuh yanlokhukpü thsüde I she lakhea?”

YUNIRÜBO RHIMO 15:8

Mulong mükheahbuh Thrünpuhnü isa ki rhimokhi nangde Amüsüh Me jihde arü leangkhikhi huh;

YUNIRÜBO RHIMO 8:20

Tüshe Peternü api ki tha, “Nü yo shotoyinchi nü lung dükheakshang, tümütüsho shonü Thrünpuh thsambah ngübah de nünü lümdo!

ROMRÜ KILIM PAULNÜ ATHRÜTKHI KIHÜM HUHTANYU 1:11

Tümüde nüsa düküngshihpü thsüde me thsambah jihpü inü nüsa shorupü mulong duklah,

2 KORINT 4:4

Thrünpuh kiphahkhi, Khrista müretah thiyusheak-atsü ayin arünü müngüshihpü ha lomi thrünpuhnü amükinrü lümkhibo yihdojih.

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

GALATIA 3:2

Inü nüsa kilimnü ha lang anikhitnelah: Nüsanü yakzan anide arhimokhinü Me leangkhikhea shi, dashi nüsanü asokhi kinkhinü a?

GALATIA 3:5

Nüsanü yakzan anide arhimokhi hode Thrünpuhnü nüsa kilim api Me jihbah nüsa bolung khinthiyinbe rhimokhea shi, dashi nüsanü asokhi kinmonü a?

EFISIA 1:18

nüsa anikhitpü mük khimshuhjihbah, junangde apinü ajikhi mulonglam, amüsührü lung api yamrüplurüp müretah lakhitbo nüsanü amükheahbah,

EFISIA 2:8

Tümüde akin hode amüthsümnü nüsa khümkhit; tüsho ha nüsa rhimo yung, ha Thrünpuh thsambah lah,

EFISIA 3:7

Api wu rhimokhinü I kilim jihkhi Thrünpuh amüthsüm thsambah yande I ha thiyusheak-atsü tankihrü kamshih.

EFISIA 4:7

Tüshe Khrista thsambah adünkhi yande isa aban kilim amüthsüm jih.

1 TIMOTHI 4:14

Azothsürübonü nü kheak arü khah nimde müchityu thachoki nü kilim jihkhi thsambah dübahyuk.

2 TIMOTHI 2:25

azhihrü ki azhihayihkhinü thsülangde alabeah. Khükijua, arü mulong müthripü Thrünpuhnü mülüjihbah tüsho thiyuro mükheahde akambah,

2 TIMOTHI 4:14

Shoto-yingkingrü Alexandernü I ki tode yuride rhimodo; api rhimobo dünkheak Atungpuhnü ajihlobah.

IBRI 10:32

Tüshe adüso nimungbo ching nüsa ayin ngü dunglim thsümütsü amüküp arümkhi lümkhitang.

IBRI 2:4

Thrünpuhnü she amütsanbo, amüyinsahbebo tüsho khinthiyinbebo aphuaphu tüsho api lümkhi yande Amüsüh Me thsambahbo ahiuhkhi hode thiyumütsan thsü.

1 JOHAN 5:16

Khürünü nihbuh keoniorü ashepü müthsüde neak yihbeakde ngüsho, apinü tamkhüntamnüjang tüsho Thrünpuhnü api kilim rhangdung jihbah. Inü ha amüshebe neak ki thachoh. Ashepü thsüde neak khülang lah. Ju dünkheak apinü tamkhüntamnübeah de inü thachoh yung.