IBRI 6:19 - AMÜSÜH HÜM CL Bible (BSI)

¹⁹ Isa ha mulonglam me thsungkheaknü, atholobe adüküng tüsho mulong tokhi lah. Ha alungbe arüngakopung ching zhindokhim dunglim yüzahchoh.

IBRI 6:19 Iomraidhean Croise

MUNGSHIKHÜN 39:7

Tüsho kheakü, Atungpuh , I tümü thsungkheak aleangba? I mulonglam nü kheak lah.

MUNGSHIKHÜN 42:11

Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

MUNGSHIKHÜN 42:5

Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

MUNGSHIKHÜN 43:5

Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

ISAIA 12:2

Tsükjide Thrünpuh a I yo akhümkhit; inü akinbah, tüsho mütre, tümüde Atungpuh ju I sühmüh tüsho khün; api I akhümkhit kamdo.

ISAIA 28:16

jumonü Atungpuh Thrünpuhnü ha thachoh, Kheahang, inü Zion ching khimtan lung khimchoh, amüzhak lung, shoto amühit-lung, mütsandakkhi khimtan: “Shepünü akinbanü müshungnim.”

LEVI 16:15

Jushu apinü mihtsürübo thsungkheak neak kingaünpü mihnu laksahbah, tüsho khim zhindokhi khüp athiyih handarübah, tüsho moshi thiyih rhaka bahkhi ruk, akhidopü kheak tüsho tangzüng sangdan mikhuh ching rhaka bahbah.

LEVI 16:2

apinü tha, “ Khide Amüsüh Dangpung ching zhinkhi khim miki kim yancho ching darü de nü khiung Aron ki thaang, tümüde ju tangzüng sangdan khidopü kumung amo ching I akhiukchoh. Apinü mihyumanisho, api asheshihbah.

ZEKARIA 9:12

Nüsa chipi lim rholoang, O mulonglamkhi aramrübo; khihni nüsa alü thsüde laloshihpü inü khipkhitchoh.

MATHI 27:51

Tüsho kheahang, arüngyam zhindokhim ju akulimnü abolim khiungde mahne thsüde thorüp; alomi niuk, tüsho lungbo lahmüzüt,

YUNIRÜBO RHIMO 23:6

Tüshe küyimki Paulnü khürü Sadukirü tüsho püpü Pharisirü de amütsankhea, apinü kiuthsü-binkiu ching zhi, “Keoniorübo, I Pharisirü tsührü Pharisi ah; mulonglam tüsho asherü arhang kamlopü dünkheaknü I mahkhap ching lah.”

YUNIRÜBO RHIMO 27:29

Lungto kheak yünü ashangpü trede arünü adunglim sangkung tholobe phüyi yüzahshih tüsho ayinkhishihpü tamkhüntamnü.

YUNIRÜBO RHIMO 27:40

Jumonü arünü sangkung tholobe yihshakbah keto ching yüzahshih, tüsho sangkung-bebe kheak chingkhi liubo trün. Jushu arünü apung lim aku lahkihbah keyean lim yüshih.

ROMRÜ KILIM PAULNÜ ATHRÜTKHI KIHÜM HUHTANYU 4:16

Jumonü alokhikhi ju akin hode arüchoh, junangde alokhikhi ju mihmüthsüm kheak labah tüsho yakzan yande alarü kilim lang yung tüshe Abraham akin ching larü api tsühsoniuso alala ki alokhibah tümüde api isa alala abuh ah.

ROMRÜ KILIM PAULNÜ ATHRÜTKHI KIHÜM HUHTANYU 4:18

Trükshih ahihdo abuh kampü thsüde mulonglam mülakhi azhihde mulonglam ching apinü kin; api ki ha thaa lakheah, “Junangde nü tsühsoniusobo labah.”

ROMRÜ KILIM PAULNÜ ATHRÜTKHI KIHÜM HUHTANYU 5:4

arümkheamkhinü yakliyakko akhiukchoh, tüsho yakliyakkonü mulonglam akhiukchoh,

1 KORINT 13:13

Tüsho kheakü harü mahsam lah: akin, mulonglam tüsho amuzho; tüshe harü bolung atobe ju amuzho.

1 KORINT 15:58

Jumonü, amuzho I keoniorübo, düküngang, daphap, kamruhroro Atungpuh rhimo ching nüsanü biriang, tümütüsho Atungpuh lung nüsa rhimokhi akeangkeang yung de nüsanü mükheahlah.

EFISIA 2:6

tüsho api lung isa asürüshih, tüsho Jisu Khrista lung yinmi kiulongthsübo ching binshih,

KOLOSI 1:27

Nüsa kheak lakhi Khrista, müretah mulonglam, ha aramyu müretah lakhit khiungkerü bolung mükheahshihpü Thrünpuhnü arü ki mulongkhit.

KOLOSI 3:1

Nü Khrista lung arhang kamlokheasho, Thrünpuh khah tsülim Khrista bina lapung, akulim kukrukbo yimang.

2 TIMOTHI 2:19

Tüshe ha amütsan bede Thrünpuh yo adüküng khimtan zhiplah: “Sherü api yoanü Atungpuhnü mükheahlah,” tüsho, “Atungpuh mung jirü abannü amülim chingnü chamkhishang.”

IBRI 4:16

Jumonü isanü yihnüpü kim ching mihmüthsüm leangkhipü tüsho mihmuzho ngüpü thsüde amüthsüm kiulongthsü-binkiu thüninde isanü mulongram lade yüanü.

IBRI 9:3

Mahnepü zhindokhim dunglim ju Khide Amüsüh Dangpung de ajikhi khiungshak khülang lakheah.

IBRI 9:7

tüshe achangbe amükeamrü lang alungbe khiungshak ching kam ching khülangki yüzah, tüsho api le mihtsürübonü mümükheahde ayihbeakkhi neak dünkheak jihkhi thiyih muludüa müyüzah.

1 PETER 1:3

Atungpuh Jisu Khrista Abuh tüsho Thrünpuh shiang! Api mihmüthsüm ato hode Jisu Khrista ashe chingnü arhang kamlokhinü alapü mulonglam ching isa aso zübeshihdo,