IBRI 6:12 - AMÜSÜH HÜM CL Bible (BSI)

¹² junangde nüsa sühdukde mükam, tüshe akin tüsho arümkheam hode alokhikhi yamrüplurüp lurü kheahkhirü thsübah.

IBRI 6:12 Iomraidhean Croise

MÜCHITMUDU 12:24

Müküpde arhimokhinü nü kilim wu jihbah, tüshe yomuhyothsünkhinü nü yamlarü kamshihbah.

MÜCHITMUDU 13:4

Yomuhyothsün mihtsürünü tümükhüh künkün she apinü küyimkishe ju müngü. Mürangde arhimorü a apinü akünkhi lüpdükhi ngübah.

MÜCHITMUDU 15:19

Yomuhyothsünrü limro ju ayangbonü rhamdolah, tüshe alungkirü limtsahpung a limto ah.

MÜCHITMUDU 18:9

Shepü nihbuh rhimo ching yomuhyothsün lanü tode athsümünimrü lung keoniorü ah.

MÜCHITMUDU 2:20

junangde nü a atsü limro ching tsahbah tüsho thiyurolungki limro ching labah.

MÜCHITMUDU 26:14

Khimdopünü awuklobebo kheak rütlode ayükhi nangde, yomuhyothsünrünü nihbuh yapkiu lim alode yüchoh.

MÜCHITMUDU 28:10

Shepünü alungkirü amütsü limro ching tsoshihchonü, api a nihbuh shingkung ching yüzahbah; tüshe mungchih mülarü a yamrüplurüp atsü leangkhibah.

KHÜNBOLUNGKHÜN 1:8

Nünü mümükheahsho, O aliberü bolung atsübe, mihnu boto ru yanang, tüsho mihnu neakrü khimyambo rheang ki nü mihnu nunubo yimkipang.

JEREMIA 6:16

Atungpuhnü ha thachoh: Limbeakbo kheak zhipang tüsho kheahang, tüsho jipü limrobo keoang, küching limro atsü la; tüsho ju ching tsahang, tüsho nüsa mebo thsungkheak sühakhim ngüang. Tüshe arünü tha, “ Isanü ju ching mütsah.”

MATHI 22:32

‘I Abraham Thrünpuh, Isak Thrünpuh tüsho Jakob Thrünpuh’? Api ju asherü yo yung tüshe arhang larü Thrünpuh ah.”

MATHI 25:26

“Tüshe api putungrünü anihbuh ki tha, ‘Nü mihbukmuyuk tüsho yomuhyothsün yamlarü, inü mümükheankhi ching inü yimluchoh tüsho müjih muhiupung ching hanmukhungchoh de nünü mükheahlah.

LUKNÜ ATHRÜTKHI THIYUSHEAK-ATSÜ HUHTANYU 16:22

Kheangtsührü ju sheabah tüsho yunirübonü Abraham khüh ching bede yü. Alarü mihtsürü ju she shea kiuyukabah.

LUKNÜ ATHRÜTKHI THIYUSHEAK-ATSÜ HUHTANYU 8:15

Tüsho alo atsü ching hiuyukkhi ju, thiyu sobah mulong atsü tüsho thiyuro ching düküngde ramrihcho, tüsho arümkheamde aso asoshihrü ah.

ROMRÜ KILIM PAULNÜ ATHRÜTKHI KIHÜM HUHTANYU 12:11

Küyimkishe mükünmuthsung düthsü, Me ching düküngde Atungpuh tankihang.

ROMRÜ KILIM PAULNÜ ATHRÜTKHI KIHÜM HUHTANYU 2:7

Atsü rhimode, müretah, wüntre, tüsho amüshebe rhangdung yimrü kilim apinü lün rhangdung jihbah.

ROMRÜ KILIM PAULNÜ ATHRÜTKHI KIHÜM HUHTANYU 4:12

Tüsho api ju tsütabahrü thsungkheak lang yung tüshe api tsütamübahyichoki isa abuh Abraham akin jingshu ching tsahrü tsütabahrü abuh ah.

1 TESALONIKA 1:3

nüsa akin tüsho amuzho rhimo tüsho isa Atungpuh Jisu Khrista ching düküngde mulonglamkhi isa Thrünpuh tüsho Abuh miki lümkhitchoh.

2 TESALONIKA 1:4

Jumonü nüsanü arümde alakhi thsümüchibo tüsho küpkhukbo alala ching nüsa akin düküngkhi thsungkheak isanü Thrünpuh borübo ching nüsa dünkheaknü kükheangchoh.

IBRI 1:14

Arü alala ju akhümkhit yamrüplurüp lurü tankihrü thsüde tankihpü mebo thiyikhi yung de?

IBRI 10:36

Tümüde nüsanü arümkheampü yihnüpü lah, junangde nüsanü Thrünpuh lümkhi rhimobah tüsho alokhia lakhi leangkhibah.

IBRI 11:33

sherünü akin hode kiulongthsübo kuk, thiyuro rhimo, tüsho alokhia lakhi leangkhi, kekhüzübo mün tukloshih,

IBRI 12:1

Jumonü boto ato thiyumütsanbonü isa mükamdoa lale, isa kheak kapkihde arükhi limkhudo tüsho neak bahkhianü, tüsho mikhuh lümkihbah alihanü.

IBRI 13:7

Nüsa ki Thrünpuh yu tharü nüsa limberübo lümkhitang; arü rhangdung ching akuk ngükhi lümakheahang, tüsho arü akin kheahkhiang.

IBRI 5:11

Ha dünkheak isanü hihde athapü lah, tüshe nüsanü nahnah manikhitkhinü athanakpü chaklah.

IBRI 6:15

Hanangde arümde aleang dunglim alokhikhi ju Abrahamnü leangkhi.

JAKOB 1:3

tümüde nüsa akin rükakikhinü arümkheam akhiukshihchoh de nüsanü mükheahlah.

2 PETER 1:10

Jumonü keoniorübo, nü jikhi tüsho mokhitkhi mütsanpü alü künang, tümüde nünü ha rhimosho küyimkishe nü mülakphah.

1 JOHAN 2:25

Tüsho ha lün rhangdung apinü isa ki alokhikhi lah.

AMIKHEAKAKHIUKKHI 13:10

Khürü ramde atsopü lasho, api aramkhi ching yübah; khürü nukshangnü alaksahpü lasho, nukshangnü api laksahbah. Ha amüsührü arümkheam tüsho thiyuro lapü thsungkheak jichoh.