IBRI 6:10 - AMÜSÜH HÜM CL Bible (BSI)

¹⁰ Thrünpuh ju mulungkirü yung; apinü nü rhimo, api mihtsürü rungkhi tüsho mutukzhakde arü rungkhinü api ki amuzho huhkhi mihamübah.

IBRI 6:10 Iomraidhean Croise

NEHEMIA 13:22

Levirübo ki nihbuh zangrü müsühkhitpü tüsho Amuni müsühde azopü thsüde chipiripitbo aheangang de inü thiyukhüm jih. I lümkhitang, O I Thrünpuh, nü amüthsüm ato hode I kümang.

NEHEMIA 13:31

Kim dükdü ching taka kingaünshihpü thsüde atakbe sang, tüsho mihtsürübo thsungkheak hi akhuh yimlukhi le sangaso akhuh asokhi, kingaünbo jihchungshihpü tsanglungjih. O Thrünpuh, ha rhimo atsü thsungkheak I lümkhitjang.

NEHEMIA 5:19

O Thrünpuh, harü mihtsürübo thsungkheak inü atsü rhimokhi lümkhitjang de nü ki tamkhüntamnüchoh.

MUNGSHIKHÜN 20:3

Apinü nü kingaünbo alala lümkhitshang, tüsho nünü taka kingaünkhi leangkhishang.

ABEKHIT 1:20

Junangde Thrünpuhnü zübe-mütrürü kheak rhimo tüsho mihtsürübo ju alü wüh bude tüsho khide sühmüh lade kam.

MÜCHITMUDU 14:31

Shepünü zhochihrü junochonü nihbuh Thrünrü bahyukchoh, tüshe shepünü api wüntrechonü müthsümülarü kheak mihmüthsüm lah.

MÜCHITMUDU 19:17

Shepünü zhochihrü ki muzhochonü Atungpuh ki nipjihchoh, tüsho anihbuhnü tümü jihkheanü apinü ajihlobah.

T H S AN GYU T H S AN GR ARÜ 11:1

Ke kheaknü yikhap yüshang, tümüde nimung ashang dunglim nünü ju ngülobah.

JEREMIA 18:20

Atsü ju amütsünü ashakloba de? Tütüshe arünü I rhangdung thsungkheak alokhün khülang kiudo. Künangde I nü miki zhipkheanü, arü thsungkheak asukpü, arü kheaknü nü bukakhiukkhi rholode atsopü lümkhitjang.

JEREMIA 31:16

Atungpuhnü ha thachoh: Nü atripkhi düsheak chingnü tüsho mük ching chike bukkhi chingnü tukloang; tümüde nü rhimo dünkheak thsambah khülang lah, Atungpuhnü thachoh: arü riri lomi chingnü arü alodarübah;

MATHI 10:42

Tüsho sherünü harü anini bolung khülang kilim I jingyanrü thsümonü kerüng pungkhüh lang she aduhbanü, inü nüsa ki thiyuro thachoh, tsükjide api thsambah müdükheak.”

MATHI 20:7

Arünü api ki alo, ‘Tümütüsho shenü isa mümulo.’ Apinü arü ki tha, ‘Nüsa she kurungasolu ching yüang.’

MATHI 25:17

Tüsho 2000 leangkhibuhnü she 2000 alü kamshih.

MARK 9:41

Nüsa Khrista yo thsümonü shepünü nüsa kilim ke pung khülang jih-a yungshihbanü, atsütsü inü nüsa ki thachoh, küdüküdü she api thsambah müdükheak.

JOHAN 13:20

Atsütsü inü nüsa ki thachoh, shepünü inü athiyikhi leangkhichonü I leangkhichoh; tüsho shepünü I leangkhichonü I thiyibuh leangkhichoh.”

YUNIRÜBO RHIMO 10:31

tüsho tha, ‘Kornelia, Thrünpuhnü nü tamkhüntamnü sodo tüsho nünü jihchungkhi lümkhitdo.

YUNIRÜBO RHIMO 10:4

Apinü trede api kheak kheah, tüsho tha, “Ju tümü a, Atungpuh?” Tüsho apinü anihbuh ki tha, “Nü tamkhüntamnü tüsho arung-jihkhibo mümihbe thsüde Thrünpuh miki akihdo.

YUNIRÜBO RHIMO 11:29

Tüsho mihbüm aban nihbuhnü akukkhi thülün Judea ching lakhi keoniorübo rungpü yüshihpü jingyanrübonü pungkhi;

ROMRÜ KILIM PAULNÜ ATHRÜTKHI KIHÜM HUHTANYU 12:13

Amüsührü yihnüpü lakhi arung jihang, hanrü akamang.

2 KORINT 9:1

Kheakü akinrübo rungpü kingaün dünkheak inü nüsa kilim thrütpü yihnüpü müla,

GALATIA 5:13

Tümüde keoniorübo, nüsa zuzu lim jido; shihkünkhi ching nüsa zuzu dahori, tüshe amuzho hode khülangnü khülang ki yamlarü thsang.

GALATIA 5:6

Tümüde Jisu Khrista ching tsütabahkhi yungsho tsütamübahkhi thsüthsü tümü büthsüde müla, tüshe amuzho hode akinnü rhimochoh.

GALATIA 6:10

Jumonü isa kim lakhi ching, isanü mihtsürü alala ki, adungto thsüde akinrü yamkhünbo ki atsü rhimoanü.

YUZÜNGTHALO 32:4

Api ju lung, api rhimo khiukdahlah; tümüde api limro alala alungki. Athülünkhi Thrünpuh tüsho amülim mülakhi, api alungki tüsho dükde lah.

KOLOSI 3:17

Tüsho nüsanü tümüpürü rhimobeanü thiyu yungsho rhimo thsüthsü, Abuh Thrünpuh kilim api hode makshe jihde lüpdükhi Atungpuh Jisu mung chingnü rhimoang.

1 TESALONIKA 1:3

nüsa akin tüsho amuzho rhimo tüsho isa Atungpuh Jisu Khrista ching düküngde mulonglamkhi isa Thrünpuh tüsho Abuh miki lümkhitchoh.

1 TIMOTHI 6:18

Arünü atsü rhimode, atsü rhimokhi ching lakhitde, salade tüsho jihchungpü künde alabeah,

2 TIMOTHI 4:8

Kheakü Atungpuh, thiyuro-lungki mahkhapbuhnü ju nimung I kilim thsambah jihpü zowupung ching thiyuro-lungki kuthranbo zojihlah–I kilim lang yung tüshe api arüpü lakhi muzhode aleangrü alala kilim she ah.

IBRI 10:32

Tüshe adüso nimungbo ching nüsa ayin ngü dunglim thsümütsü amüküp arümkhi lümkhitang.

IBRI 13:16

Atsü rhimopü tüsho nü lakhi chamachihpü amümürang düthsü, tümüde hadürü shuhmülanga jihkhinü Thrünpuh asühshihchoh.

1 JOHAN 1:9

Isanü isa neakbo thakhitsho, api ju thiyuro tüsho alungki lah, tüsho apinü isa neakbo bahjihde thiyuro-mülungkikhi alala chingnü isa müsühjihbah.