IBRI 6:1 - AMÜSÜH HÜM CL Bible (BSI)

¹ Jumonü isanü Khrista dünkheak akhuhbe thsangyukhi bahbah, ashekhi rhimo chingnü mulong müthrikhi tüsho Thrünpuh kinkhi khimtan müthsülode azorü kamde yüanü;

IBRI 6:1 Iomraidhean Croise

MÜCHITMUDU 4:18

Tüshe alungki tsahpung ju ani akhiukde animuro alü yinde atahkhi nangde lah.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

MATHI 21:29

Tüsho apinü alo, ‘I a muh’; tüshe ju dunglim lümlobah yü.

MATHI 21:32

Tümüde thiyuro-lungki limro ching Johan nüsa kilim arü, tüsho nüsanü api kheak akin müla, tüshe ruk-threrübo tüsho müzammüramrübonü api kheak akin la; tüsho nüsanü ha ngü dunglim she nüsa mulong mümüthri tüsho api kheak mükin.

MATHI 3:2

tüsho tha, “Mulong müthriang, tümüde yinmi kiulongthsü thüninde lah!”

MATHI 4:17

Ju kim chingnü Jisunü thsangyuthsangrapü tankih, “Mulong müthriang, tümüde yinmi kiulongthsü thüninde lah.”

MATHI 5:48

Jumonü yinmi ching nüsa Abuh khiukdahkhi nangde nüsa khiukdahde laang.

MATHI 7:25

Tsüng arü, ayungbo düchi arü, apungbo yün, tüsho ju yam kheak nim; tütüshe ju mükeam, tümütüsho ju khimtan lung kheak lakheah.

MARK 1:1

Ha Thrünpuh tsührü Jisu Khrista thiyusheak atsü atankih.

MARK 6:12

Jumonü arünü wukhiuk tüsho mihtsürübonü mulong müthripü thsangyuthsangra.

LUKNÜ ATHRÜTKHI THIYUSHEAK-ATSÜ HUHTANYU 6:48

api ju sükde kiubah lungmi kheak khimtanbah thüyam thsükhi mihtsürü kiphahlah; küyimki düchi arübah ju yam kheak zünkheanü ju majan, tümütüsho ju düküngde thsüa lakheah.

JOHAN 12:44

Judüki Jisunü zhide tha, “Shepünü I kheak kinchonü, I yungde I thiyibuh kheak kinchoh.

JOHAN 14:1

“Nüsa mulong düthsümünim, nüsanü Thrünpuh kheak kinang, tüsho I kheak she kinang.

JOHAN 5:24

Atsütsü inü nüsa ki thachoh, shepünü I yu anicho tüsho I thiyibuh kheak kinchonü akheam müla rhangdung lah, tüsho mahkhap ching marü, tüshe ashe chingnü hode rhangdung lim yüdo.

YUNIRÜBO RHIMO 11:18

Küyimki arünü ha sokheanü zhikde kamabah. Tüsho arünü Thrünpuh müretahde tha, “Judüasho khiungkerü kilim she Thrünpuhnü rhangdung lapü mulong müthrishihpü mülüjih-a lah.”

YUNIRÜBO RHIMO 17:30

Mümükheahkhi kimbo Thrünpuhnü amümürang thsüdo, tüshe kheaküa lüpdükhi ching mihtsürü alala ki mulong müthripü thiyukhüm jihdo,

YUNIRÜBO RHIMO 2:38

Tüsho Peternü arü ki tha, “Nüsa mihbüm abannü nüsa neak bahpü thsungkheak Jisu Khrista mung chingnü mulong müthriang tüsho baptiang; tüsho nüsanü Amüsüh Me thsambah leangkhibah.

YUNIRÜBO RHIMO 20:21

mulong müthride Thrünpuh kilim rholopü tüsho isa Atungpuh Jisu kheak akin lashihpü Jihudarü tüsho Greekrü chido ki inü thiyumütsan thsü.

YUNIRÜBO RHIMO 26:20

tüshe akhuhde Damaska ching larü ki, jushu Jirusalem le Judea lomi alala ching, tüsho khiungkerü ki arünü mulong müthride Thrünpuh kilim rholobah ju thülünde rhimo rhimopü thsüde thsangyuthsangra.

YUNIRÜBO RHIMO 3:19

Jumonü mulong müthriang, tüsho rholoang, junangde nüsa neakbo nankhita bahbah Atungpuh kilimnü me düküngpü kimbo arübah,

1 KORINT 13:10

Tüshe küyimki khiukdahkhi arübanü, mukhiukdahkhi ju hode tsoabahbah.

1 KORINT 2:6

Tütüshe lümzorü bolung isanü lümlung yu tha, tüshe ju adükheakbe ha lün yungsho ha lün yakzanshuhrü lümlung yung.

2 KORINT 7:1

Amuzho müyamrübo, tümütüsho isa harü alokhikhibo lah, pang tüsho me müneankhi lüpdükhi chingnü isanü müsühkhitanü, tüsho Thrünpuh trekhi ching banthsangkhi amüsüh kamanü.

2 KORINT 7:10

Tümüde Thrünpuh lümkhi yande mulong tukthsükhinü akhümkhit lim bepü mulong müthri akhiukshihchoh tüsho tümü mülümalo, tüshe alomi yande mulong tukthsükhinü ashepü akhiukshihchoh.

EFISIA 2:1

Tüsho nüsa alakmihkhibo tüsho neakbo ching shea lakhi apinü arhang kamshih,

EFISIA 2:5

isanü alakmihkhi hode isa shea lachoki she Khrista lung rukhüh arhang kamshih (amüthsüm hode nüsa khümkhit),

EFISIA 4:12

tankih rhimo thsungkheak amüsührü düküngshihpü, Khrista pang zokihshihpü,

KOLOSI 1:28

Isanü mihtsürü aban Khrista ching khiukdahkhi kamshihpü mihtsürü aban lümlung alala ching dande thsangyuchoh.

KOLOSI 3:14

Tüsho harü alala kurungkheak, tsüdakde arihakokhi ching lüpdükhi rhükrukhi amuzho yihang.

KOLOSI 4:12

Nüsa borü, Jisu Khrista yamlarü Epaphranü nüsa kilim salüm jihchoh. Nüsanü Thrünpuh lümkhi ching yeanzamde azhippü tüsho khiukdahkhi mütsanpü thsüde apinü kamruhroro nüsa thsungkheak tamkhüntamnü ching keokhide lümkhitjihchoh.

1 TIMOTHI 3:16

Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.

1 TIMOTHI 6:19

hanangde arübe ching arü thsungkheak khimtan atsü thsüchoh, junangde arünü atsütsü rhangdung lakhi rhangdung kheak ramrihbah.

2 TIMOTHI 2:19

Tüshe ha amütsan bede Thrünpuh yo adüküng khimtan zhiplah: “Sherü api yoanü Atungpuhnü mükheahlah,” tüsho, “Atungpuh mung jirü abannü amülim chingnü chamkhishang.”

IBRI 11:6

Tüsho akin mübedüa Thrünpuh asühshihpü mukuk. Tümütüsho shepünü Thrünpuh thüninde yüchonü api lah tüsho api yimrü thsambahbo jihchoh de akin labeah.

IBRI 12:13

Limro arihkhibo kheak tsahang, junangde nü jing nüpkhi müphülapkhit, tüshe athsüngubah.

IBRI 7:11

Levirü amükeamrü rhimonü khiukdahde lakhülaa (tümüde ha hode mihtsürübo kilim yakzan jih), Aron kiphahde yungde, Melkizedek kiphahkhi ching tümü thsüpü amükeamrü püpü arüpü yihnüpü lakhea?

IBRI 9:14

lün lakhi Me hode areak mükihde Thrünpuh kilim anihbuh jihkhi Khrista thiyihnü ashekhi rhimo chingnü arhang Thrünpuh tankihpü nüsa lümkhi küdükhüh she atsangkhitba!

JAKOB 1:4

Tüsho nüsa tümü muzholümde, khiukdahde tüsho thülünde alapü thsüde arümkheam ju rünkhiungshang.

1 PETER 1:21

Apinü ashekhi chingnü arhang kamloshihbah müretah jihkhi api hode Thrünpuh kheak nüsa mulongram lah, junangde nüsa akin tüsho mulonglam Thrünpuh kheak lah.

1 PETER 5:10

Tüsho nüsa thsünübah anükhüh dunglim, alala amüthsüm Thrünpuh, Khrista ching api lünnü müretah lim nüsa jibuhnü nüsa laloshihbah, arünkihshihbah tüsho düküngshihbah.

1 JOHAN 4:12

Mihtsürü shenü she Thrünpuh müngüakheah; isanü khülangnü khülang muzhoachihsho, Thrünpuh isa lung lah tüsho api amuzho isa kheak banthsangde lah.