IBRI 5:7 - AMÜSÜH HÜM CL Bible (BSI)

⁷ Jisunü api rhangdung lachoki achangnü zhide tüsho chike bukde api khümkhitkhukpü labuh ki tamkhüntamnüde amushukhibo lakheah, tüsho apinü wüntre lade amushukhinü api ki sojih.

IBRI 5:7 Iomraidhean Croise

MUNGSHIKHÜN 22:24

Apinü zhochihrü mülümmuwuh yungsho arü thsünükhi amümürang müthsü; apinü arü kheaknü rholode mutso, tüshe arünü arung thsungkheak zhichoki alojihchoh.

MUNGSHIKHÜN 69:1

I khümkhitang, O Thrünpuh! Tümüde kebo I hung khiungde akihdo.

MUNGSHIKHÜN 88:1

O Atungpuh , I akhümkhit Thrünpuh, inü animung tüsho are nü ki zhido.

ISAIA 49:8

Atungpuhnü ha thachoh: Amulongkhi kim khülang ching inü nü ki alojihdo, akhümkhit nimung khülang ching inü nü rungdo; inü nü kümde zodo tüsho nü tangzüng khülang nangde lomi laloshihpü, thsümünima lakhi yamrüplurüp arünü alushihpü mihtsürübo kilim jihdo;

ISAIA 53:11

Api thsünükhi chingnü apinü ayin ngübah; api mükheahmudu hode api reangkeam ngübah. Thiyuro-lungki labuh, I yamlarünü ahihdo thiyuro-lungki kamshihbah tüsho apinü arü mülimkhibo hanbah.

ISAIA 53:3

Api ju mihtsürübonü mükhemükim tüsho bahyuk; mulong tukthsü mihtsürü tüsho thsünümih lakheah; tüshe mihtsürübonü api kheaknü miro ramabah, api mükhemükim thsü, tüsho isanü api mükheyuk.

LEVI 2:2

tüsho Aron tsührü amükeamrübo kilim lubah arüshang. Amükeambuhnü ayikangkang müyikhüh tüsho müdangke le rhümthüneabe alala lubah thiyuchihchimkhi amütsan Atungpuh kilim jihkhi kingaünpung kheaknü taka kingaünbah. Ha taka kingaünkhi rhümnü Atungpuh asühshihchoh.

MATHI 27:46

Tüsho 3 king ngüm Jisunü düsheak achangnü zhide tha, “Eloi, Eloi, lama sabakthani?” ju amütsan, “I Thrünpuh, I Thrünpuh, tümüde nünü I bahyukkhea?”

MATHI 27:50

Tüsho Jisunü adüsheak achangnü zhilobah anihbuh sheak akheam thsü.

MARK 15:34

Tüsho 3 king ching Jisunü düsheak achangnü zhide tha, “Eloi, Eloi, lama sabakthani?” ju amütsan, “I Thrünpuh, I Thrünpuh, tümüde nünü I bahyukkhea?”

MARK 15:37

Tüsho Jisunü düsheak achangnü zhibah api sheak akheam thsü.

LUKNÜ ATHRÜTKHI THIYUSHEAK-ATSÜ HUHTANYU 23:46

Jisunü düsheak achangnü zhide tha, “Abuh, nü khah ching I me zojihchoh.” Tüsho ha thabah api sheak kheamabah.

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 11:35

Jisunü trip.

JOHAN 11:42

Tüsho nünü kamruhroro I ki sojihchoh de inü mükheahlah, tüshe ha kheak zhipkhi mihtsürübonü nünü I thiyikheah de akinshihpü thsüde inü ha thachoh.”

JOHAN 17:1

Jisunü harü thabah, yinmi lim kheahde tha, “Abuh, kim arüdo. Nü tsührü müretahshang, junangde nü tsührünü she nü müretahbah,

ROMRÜ KILIM PAULNÜ ATHRÜTKHI KIHÜM HUHTANYU 8:3

Tümüde mihnü yiuhyiuhde akamshihkhi hode yakzannü müthsükhukkhi, neak kingaün jihpü neak larü nangde api tsührü thiyide, neak bahyukpü Thrünpuhnü rhimo,

GALATIA 4:4

Tüshe küyimki kimkhiukkhi arükhea, Thrünpuhnü api tsührü, aliberünü azübekhi, yakzan bukkhüp zübekhi,

1 TIMOTHI 3:16

Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.

IBRI 10:10

Tüsho ju lümkhinü Jisu Khrista pang rüpde khülangki lang ajihkhi hode isa tsangkhit.

IBRI 10:5

Jumonü küyimki Khrista alomi ching arükheanü, apinü tha, “Laksah-a jihkhi tüsho kingaünkhibo nünü mümürüh, tüshe nünü I thsungkheak pang khülang thsakhamjih;

IBRI 11:7

Akin hode Noanü adünjipü lakhi müngüyia lalashe Thrünpuhnü athakhi yande api yamkhün khümkhitpü sangkung khülang thsü; ha hode apinü alomiküp bahyuk tüsho akin hode arükhi thiyuro-lungki yamrüplurüp lurü kam.

IBRI 12:28

Jumonü isanü müniukkhukpü lakhi kiulongthsü leangkhikhi thsungkheak asühanü, tüsho junangde isanü wüntre tüsho trede Thrünpuh kilim aleangkhikhukbe kingaünanü;

IBRI 13:20

Lün tangzüng thiyih hode namfimihnu neakrü ato, Atungpuh Jisu Khrista ashe chingnü arhang kamloshihbuh Thrünpuh mungtsünü,

IBRI 2:14

Jumonü tsührübonü shih tüsho thiyih ching shihcham luchoh, junangde apinü she ashe wu lakhi, ashekhi hode amünean dükheakshihpü mihtsürü yakli ching shihcham lu,

1 JOHAN 4:3

tüshe Jisu reanglokhi me aban Thrünpuh kilimnü yung. Haju arüchoh de nüsanü asokhi Khrista azhihrü ah, tüsho kheakü ha alomi ching lah.

2 JOHAN 1:7

Jisu Khrista mihtsürü kambah arükhi müleangkhipü lakhi mihtsürübo, mülapyukrü ahihdo alomi ching wukhiukdo; hadürü ju mülapyukrü tüsho Khrista azhihrü ah.