IBRI 5:5 - AMÜSÜH HÜM CL Bible (BSI)

⁵ Junangde Khrista she achangbe amükeamrü thsüpü nihbuh küdahnü ashuhkihkhi yung, tüshe Thrünpuhnü api ki tha, “Nü I tsührü ah, khihni I nü Buh kamdo.”

IBRI 5:5 Iomraidhean Croise

MUNGSHIKHÜN 2:7

Inü Atungpuh yakzan zhiyukbah: Apinü I ki tha, “Nü I tsührü ah. Khihni I nü buh kamdo.

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

JOHAN 3:16

“Tümütüsho Thrünpuhnü alomiküp muzhokhinü api tsührü lapkhiung jih, junangde shepünü api kheak kinbanü müdükheak tüshe akheam müla rhangdung labah.

JOHAN 7:18

Shepünü nihbuh kilimnü asukchonü nihbuh müretah yimchoh; tüshe shepünü I thiyibuh müretah yimchonü thiyuro, tüsho thiyuro mulungkikhi tümü müla.

JOHAN 8:54

Jisunü alo, “Inü I küdahnü wüntresho, I wüntrekhi tümü müla. Nüsanü shepü nüsa Thrünpuh ah de thachonü, I Buhnü I wüntre jihchoh.

YUNIRÜBO RHIMO 13:33

apinü ha ju arü tsührübo isa thsungkheak Jisu arhang kamloshihde dünjishih; ha mungshikhün mahnepü ching she thrüta lah, ‘Nü I tsührü, khihni I nü buh kamdo.’

ROMRÜ KILIM PAULNÜ ATHRÜTKHI KIHÜM HUHTANYU 8:3

Tümüde mihnü yiuhyiuhde akamshihkhi hode yakzannü müthsükhukkhi, neak kingaün jihpü neak larü nangde api tsührü thiyide, neak bahyukpü Thrünpuhnü rhimo,

IBRI 1:1

Adüso kim tüsho limro ahihdo chingnü wukihrübo hode Thrünpuhnü isa jipürü ki asuk;

IBRI 1:5

Tümüde Thrünpuhnü yunirü she ki she ha ruk mütha, “Nü I tsührü ah, khihni I nü Buh kamdo.” Yungsho kheaküshe, “I api Abuh thsübah, tüsho api I tsührü thsübah.”

IBRI 2:17

Jumonü mihtsürübo neak dün shaklopü thsüde, api ju mihmüthsüm tüsho Thrünpuh tankihpü ching thiyuro achangbe amükeamrü kampü lüpdükhi ching keoniorübo nangde apinü kam.

IBRI 3:1

Jumonü, yinmi limnü ajikhi ching shihcham lurü amüsüh keoniorübo, Jisu ju isanü alokhikhi amüsüh-thsangyurü tüsho achangbe amükeamrü de lümang.

IBRI 5:10

tüsho Melkizedek kiphahde achangbe amükeamrü thsüpü Thrünpuhnü jia zojih.