IBRI 5:3 - AMÜSÜH HÜM CL Bible (BSI)

³ Jumonü apinü anihbuh neakbo le mihtsürübo neak dünkheak shuhmülanga jihpü kamchoh.

IBRI 5:3 Iomraidhean Croise

LEVI 16:15

Jushu apinü mihtsürübo thsungkheak neak kingaünpü mihnu laksahbah, tüsho khim zhindokhi khüp athiyih handarübah, tüsho moshi thiyih rhaka bahkhi ruk, akhidopü kheak tüsho tangzüng sangdan mikhuh ching rhaka bahbah.

LEVI 16:6

Apinü anihbuh tüsho yamkhün neak dünthsükhipü moshipung khülang jihbah.

LEVI 9:7

Tüsho Mosanü Aron ki tha, “ Kingaünpung ki phünide yüliang, tüsho nüsa le mihtsürübo münean dünthsükhipü neak kingaün tüsho taka kingaünkhi jihang. ATU NGPUH NÜ thiyukhüm jihkhi nangde mihtsürübo neak dünthsükhijang.”

1 KORINT 15:3

Tümütüsho tümü inü leangkhikheanü akhuhbe adungto thsüde nüsa kilim jihdo, junangde amüsühyu yande isa neakbo dünkheak khrista shekheah,

IBRI 10:12

Tüshe küyimki Khristanü kim alala dün neakbo thsungkheak khülangki shuhmülanga jihkheanü api Thrünpuh khah tsülim bin.

IBRI 7:27

Achangbe amükeamrübo nangde apinü akhuhde nihbuh neakbo tüsho mihtsürübo neak thsungkheak nimung aban laksah-a kingaünpü yihnüpü müla, apinü anihbuh jihabahchoki khülangkinü ha rhimoabahdo.

IBRI 9:7

tüshe achangbe amükeamrü lang alungbe khiungshak ching kam ching khülangki yüzah, tüsho api le mihtsürübonü mümükheahde ayihbeakkhi neak dünkheak jihkhi thiyih muludüa müyüzah.