IBRI 5:2 - AMÜSÜH HÜM CL Bible (BSI)

² Apinü tümü yak mümükheahrü tüsho atsophülaprü ki aphuayaknü arhimopü kuklah, tümütüsho api she reangmüzahkhi bukkhüp lah.

IBRI 5:2 Iomraidhean Croise

ABEKHIT 32:8

Inü arü ki thiyukhüm jihkhi chingnü nahde rholode tsodo tüsho arü thsungkheak moshipungnunu mejak khülang thsüa lah. Arünü ju miki mükhümde laksah-a kingaün tüsho tha, ‘O Israel, harü ha nüsa Ijip lomi chingnü bekhitkhi nüsa thrünpuhbo ah.’”

ISAIA 29:24

Tüsho sherünü me ching lakmih-a lanü anikhitkhi ching arübah, tüsho sherünü arhunganimchonü thsangdankhi leangkhibah.

ISAIA 30:11

limro chingnü tsoang, limtsahpung chingnü tsahhuhang, isanü kheaküa Israel yo Amüsühbuh Khülang dünkheak musonü.”

LUKNÜ ATHRÜTKHI THIYUSHEAK-ATSÜ HUHTANYU 22:32

Tüshe nü akin mayopü thsüde inü nü thsungkheak tamkhüntamnü; tüsho küyimki nü I kilim rholobanü nü keoniorü reangzahshang.”

2 KORINT 11:30

Inü kükheanganü dükhülaa, I reangmüzahde ahuhkhibo dünkheak inü kükheangbah.

2 KORINT 12:5

Hadürü mihtsürü dünkheak inü kükheangbah, tüshe I reangmüzahkhibo dünkheak düna, I dünkheak inü mükükheang.

GALATIA 4:13

pang ching thsünü lakhi hode akhuhlim inü nüsa ki thiyusheakatsü thsangyudo de nüsanü mükheahlah;

EFISIA 4:18

arü mulong müküpde arü kheak yakli mümükheahkhi lakhi hode arü lümkhi mitingde, Thrünpuhnü ajihkhi rhangdung chingnü chamkhibah lah;

1 TIMOTHI 1:13

Adüso inü api athruajide, thsümüchide, tüsho mükhemükimde lalashe, inü mümükheahde tüsho mükinyide arhimokhi hode I ki mihmüthsüm huh.

IBRI 12:13

Limro arihkhibo kheak tsahang, junangde nü jing nüpkhi müphülapkhit, tüshe athsüngubah.

IBRI 2:17

Jumonü mihtsürübo neak dün shaklopü thsüde, api ju mihmüthsüm tüsho Thrünpuh tankihpü ching thiyuro achangbe amükeamrü kampü lüpdükhi ching keoniorübo nangde apinü kam.

IBRI 2:18

Tümütüsho api thsünü tüsho rükakikhi hode sherü rükakia lanü apinü arungpü kuklah.

IBRI 4:15

Tümüde isa achangbe amükeamrü lakhi ju isa reangmüzahkhi ching mümuzhokhukbe yung, tüshe lüpdükhi ching isa nangde rükakikhi, tüshe neak mülakhi lah.

IBRI 7:28

Tümüde yakzannü achangbe amükeamrü thsüpü müthülünkhi mihtsürübo mokhit; tüshe yakzan dunglim arükhi thiyuchihchimnü lün thsungkheak thülünde akamshihkhi atsührü mokhit.

IBRI 9:7

tüshe achangbe amükeamrü lang alungbe khiungshak ching kam ching khülangki yüzah, tüsho api le mihtsürübonü mümükheahde ayihbeakkhi neak dünkheak jihkhi thiyih muludüa müyüzah.

JAKOB 5:19

I keoniorübo, nüsa bolung khürü thiyuro chingnü tsokhia labah püpürünü api belode arüsho,

1 PETER 2:25

Tümüde nüsa tsokhide alakhi namfimihnubo lakheah, tüshe kheakü nüsa me kümrü namfimihnu neakrü kilim rholodo.

MAHKHAPRÜ 2:17

Tütüshe arünü mahkhaprübo yu mani tüsho arünü püpürü thrünpuhbo kheak müzammüram thsü tüsho arü ki khukning. Arünü nahde arü bebuhrünü atsahkhi limro chingnü, Atungpuh yukhüm anikhi chingnü rholode tso; ju ruk arünü mürhimo.