IBRI 5:14 - AMÜSÜH HÜM CL Bible (BSI)

¹⁴ Tüshe tsühyungbe amüküp ju azorü thsungkheak ah, tümüde sherünü athsükhukpü lanü amütsü chingnü atsü mütsankhitpü rhimoakheahde yeanzamdo.

IBRI 5:14 Iomraidhean Croise

THRÜNTAN 3:5

Tümütüsho küpü nimung nüsanü hoju tsühbanü nüsa mük khimshuhbah tüsho nüsa ju Thrünpuh nangde atsü tüsho amütsü mükheahbah de Thrünpuhnü mükheahlah.”

2 SAMUEL 14:17

Nü yamlaberünü lümdo, ‘I tungpuh kiulongthsüpuh yu hode I sühakhimshihbah’; tümüde I tungpuh kiulongthsüpuh a Thrünpuh yunirü nangde lah, atsü tüsho amütsü kheahkhitchoh. Atungpuh nü Thrünpuh nü lung lashang!”

1 KIULONG THSÜRÜ 3:11

Thrünpuhnü api ki tha, “Tümütüsho nünü ha kheang, tüsho nü kutsüp yungsho lakhit, yungsho nü riribo thsungkheak mükheang, tüshe nü thsungkheaknü alungki mütsankhitpü thsüde lümlung kheang,

1 KIULONG THSÜRÜ 3:9

Jumonü nü yamlarü kilim nü mihtsürü yakzan shuhpü, atsü tüsho amütsü dükeak mütsankhitkhukpü anikhitkhi lümlung jihang; tümüde shenü ha nü mihtsürü ato kurungkheak yakzan shuhkhukba?”

JOB HU H T ANYU 12:11

Münnü tsühyungbe tsühakheahkhi nangde, nükhünnü thiyubo soamükheah de?

JOB HU H T ANYU 34:3

tümüde mulonü tsühyungbe tsühakheahkhi nangde nükhünnü thiyubo rükakiakheahchoh.

JOB HU H T ANYU 6:30

Thiyuro mülakhi I mulo kheak la shi? I münnü amükekhi mümükheah düpü?

MUNGSHIKHÜN 119:103

Nü yubo küdükhüh she niungla, I mün ching mukhuke kheaknü aniungbe ah!

KHÜNBOLUNGKHÜN 1:3

nü mujube müdangke arhüm thünealah, nü mung arhüm thüneade dungkhitchoh; jumonü anünürübonü nü muzhochoh.

KHÜNBOLUNGKHÜN 2:3

Mukhiukdung khülang sangdung bolung nangde, athrününgtsüng bolung I tsübuh lah. Khide asühde inü api alamme khüp bindo, tüsho api sangaso kede tsüh.

ISAIA 7:15

Apinü amütsü reanglopü tüsho atsü mokhitpü mükheahkhi kim chingnü apinü niuhke-kingkung tüsho mukhuke tsühbah.

MATHI 5:48

Jumonü yinmi ching nüsa Abuh khiukdahkhi nangde nüsa khiukdahde laang.

ROMRÜ KILIM PAULNÜ ATHRÜTKHI KIHÜM HUHTANYU 14:1

Akin ching reangmüzahkhi mihtsürü leangkhiang, tüshe lümkhi atsangachihpü thsungkheak yung.

1 KORINT 2:6

Tütüshe lümzorü bolung isanü lümlung yu tha, tüshe ju adükheakbe ha lün yungsho ha lün yakzanshuhrü lümlung yung.

EFISIA 1:18

nüsa anikhitpü mük khimshuhjihbah, junangde apinü ajikhi mulonglam, amüsührü lung api yamrüplurüp müretah lakhitbo nüsanü amükheahbah,

EFISIA 4:13

isa alala akin arihako tüsho Thrünpuh tsührü mükheahkhi mukhiungyi khiungde, tüsho Khrista trungdung akekhitkhi ching mihzo mükamyi khiungde;

FILIPI 3:15

Isa sherü azorüanü ha lümbeah; tüsho nüsa lümkhi püpü lasho Thrünpuhnü nüsa ki mütsanjihbah.

1 TESALONIKA 5:21

tüshe lüpdükhi rükakheahang; tümü atsüanü düngde ramrihang,

1 TIMOTHI 4:7

Amükinrü tüsho khakhih yukheanbo chingnü chamkhiang; akin lim nü küdah thsüde mürangang;

IBRI 6:1

Jumonü isanü Khrista dünkheak akhuhbe thsangyukhi bahbah, ashekhi rhimo chingnü mulong müthrikhi tüsho Thrünpuh kinkhi khimtan müthsülode azorü kamde yüanü;

JAKOB 3:2

Tümüde isa alalanü hihde lakmihchoh, tüsho mihtsürü khülang apinü athakhi ching mülakmihsho api athülünkhi mihtsürü, pang she abümnü adanyukpü kukkhi lah.