IBRI 5:12 - AMÜSÜH HÜM CL Bible (BSI)

¹² Kheakü hadükia nüsa ju thsangyurü thsübe laa lalashe, kheaküshe Thrünpuh yu thiyuro adungtobe nüsa ki thsangyupü thsüde khürü yihnüpü lah. Tsühyungbe amüküp yungde niuhke nüsa yihnüpü lah;

IBRI 5:12 Iomraidhean Croise

2 SAMUEL 16:23

Judüki Ahithophelnü athsunganahkhi ju Thrünpuh yu yankhi nangde lang alakheah; jumonü Ahithophelnü athsunganahkhi alala David tüsho Absalom ane chidonü leangkhi.

EZRA 7:10

Tümüde Ezranü Atungpuh yakzan yimde arhimopü tüsho api yakzan le thiyuzüngbo Israelrü ki thsangyupü mulongkhit.

MUNGSHIKHÜN 34:11

Arang, I tsührübo, I ki aniang, inü nüsa ki Atungpuh wüntrepü thsangyubah.

ISAIA 28:13

Jumonü arü kilim Atungpuh yu ha labah, “Thsangdankhi kheak thsangdankhi, thsangdankhi kheak thsangdankhi, athürün kheak athürün, athürün kheak athürün, ha ching anikhüh, ju ching anikhüh”; junangde arünü dunglim yübah angakbah, tüsho azhakbah, tüsho aphuhbah, tüsho arambah.

ISAIA 55:1

He, sherü kethürila, ke ching arang; tüsho nüsa sho mülarübo, arang, luang tüsho tsühang! Arang, yukhu tüsho niuhke adün müjihde luang.

MATHI 17:17

Jisunü alo, “O akin mülakhi tüsho lakshi lün, külokhüh I nüsa lung laba? Tüsho inü nüsa lung külokhüh arümkheamba? Api I kilim ha ching bede arang.”

MARK 9:19

Apinü arü ki alo, “O akin mülakhi lün, külokhüh I nüsa lung laba? Külokhüh inü nüsa lung arümba? I kilim bede arang.”

YUNIRÜBO RHIMO 7:38

Api ju Sinai Müzüng ching api le isa jipürü ki asukbuh yunirü bede sunglo ching amukhungrü lung lakheah; tüsho apinü isa kilim jihpü rhangdung yubo leangkhi.

ROMRÜ KILIM PAULNÜ ATHRÜTKHI KIHÜM HUHTANYU 3:2

Limro aban ching hihde lah. Akhuhde, Jihudarü ju Thrünpuh müchityu bede thiyia lah.

1 KORINT 14:19

judüalalashe, püpürü thsangdanpü thsüde, inü borü ching thiyutha chingnü thiyu chithürü thürü kheaknü a I lümnü thiyu phüngü thabah.

1 KORINT 14:20

Keoniorübo, nüsa lümzülümdo ching azürü düthsü, amütsü ching khungarü thsang, tüshe lümzülümdo ching azorü kamang.

GALATIA 4:3

Junangde küyimki isa azürü lakheanü alomi yuzüng bukkhüp lakheah.

FILIPI 3:1

Akheam ching, I keoniorübo, Atungpuh lung asühang. Nüsa kilim ju rukhüh thrütlopü I küpkhuk müla, tüsho ha nüsa kümrü lah.

KOLOSI 3:16

Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang.

IBRI 10:32

Tüshe adüso nimungbo ching nüsa ayin ngü dunglim thsümütsü amüküp arümkhi lümkhitang.

IBRI 5:11

Ha dünkheak isanü hihde athapü lah, tüshe nüsanü nahnah manikhitkhinü athanakpü chaklah.

IBRI 5:13

tümüde shepü niuhke kheaknü rhangdung lanü thiyurolungki yu ching ayeanzo yung, tümüde api khungarü ah.

IBRI 6:1

Jumonü isanü Khrista dünkheak akhuhbe thsangyukhi bahbah, ashekhi rhimo chingnü mulong müthrikhi tüsho Thrünpuh kinkhi khimtan müthsülode azorü kamde yüanü;

1 PETER 2:2

Aso zübekhi khungarübo nangde, me niuhke müthsün yungang, junü nüsa akhümkhit ching zokihbah;

1 PETER 4:11

Shepünü thachonü Thrünpuh yu thabeah; shepünü tankihchonü, Thrünpuhnü api kilim jihkhi sühmühnü atankihbeah, junangde lüpdükhi ching Jisu Khrista hode Thrünpuh müretahbah. Müretah tüsho wu lünnü lün api yo ah. Amen.