IBRI 4:16 - AMÜSÜH HÜM CL Bible (BSI)

¹⁶ Jumonü isanü yihnüpü kim ching mihmüthsüm leangkhipü tüsho mihmuzho ngüpü thsüde amüthsüm kiulongthsü-binkiu thüninde isanü mulongram lade yüanü.

IBRI 4:16 Iomraidhean Croise

1 KIUTHSÜYUKHEAN 28:11

Judüki Davidnü api tsührü Solomon kilim arüngyam mükü, thüyambo, rahpungbo, akube khiungshakbo, alungbe khiungshakbo, tüsho mihmüthsüm binkiu thsungkheak lümkhi jih;

ISAIA 27:11

Küyimki akhahbo muwubanü azoberübonü arübah atakpü yihchoh. Tümüde ha anikhitkhi mülakhi mihtsürü ah; jumonü arü Thrünrünü arü kheak amuzho müla, yungsho arü ki mihmüthsüm muhuh.

LEVI 16:2

apinü tha, “ Khide Amüsüh Dangpung ching zhinkhi khim miki kim yancho ching darü de nü khiung Aron ki thaang, tümüde ju tangzüng sangdan khidopü kumung amo ching I akhiukchoh. Apinü mihyumanisho, api asheshihbah.

EFISIA 2:18

tümütüsho api hode isa chido Me khülang ching Abuh kilim arüshihpü lah.

EFISIA 3:12

api kheak isa akin hode thüninde ayüpü mulong tokhi, tüsho mulongram lakheah.

IBRI 13:6

Jumonü isanü mulongram lade thachoh, “Atungpuh ju I rungrü ah, inü mütre; mihtsürünü I ki tümü thsükhukpü?”

IBRI 3:6

tüshe Khrista a tsührü thsüde Thrünpuh yam kurungkheak thiyuro larü lakheah. Tüsho isanü mulong tokhi tüsho isanü kükheangkhi mulonglam ching düküngde ramrihsho, isa ju api yam ah.

IBRI 7:19

Tümüde Mosa yakzannü tümü she khiukdahde mükamshih. Tüsho kheakü mulonglam atsübe jihkhi hode isanü Thrünpuh thüninde arükhukchoh.

IBRI 7:25

Jumonü api hode Thrünpuh thüninde arürü apinü kim alala ching arü khümkhitpü kuklah, tümütüsho arü thsungkheak mushujihpü api kamruhroro lah.

IBRI 9:5

ju kumung mihmüthsüm binkiu alamdode müretahkhi cherubim lakheah. Harü dünkheak kheakü isanü mütsanmükhide athapü mukuk.

1 PETER 2:10

Khülangki nüsa Thrünpuh mihtsürü yungde alakheah, tüshe kheaküa nüsa api mihtsürü ah; khülangki nüsanü mihmüthsüm müleangkhide alakheah tüshe kheaküa nüsanü mihmüthsüm leangkhido.