IBRI 4:1 - AMÜSÜH HÜM CL Bible (BSI)

¹ Jumonü, api sühakhim ching yüzahpü alokhikhi lale, nüsa she lang she mülakphahpü thsüde isanü kümkanganü.

IBRI 4:1 Iomraidhean Croise

MÜCHITMUDU 14:16

Lümlung larü mihtsürünü trechoh tüsho amütsü chingnü chamkhichoh, tüshe makharünü mükümkang tüsho khide niokheamde rhimochoh.

MÜCHITMUDU 28:14

Shepünü kamruhroro Atungpuh trechonü müngühmühi mihtsürü, tüshe shepü nihbuh mulong müküpchonü thsümütsü ching keamyukbah.

JEREMIA 32:40

Inü arü ki küyimkishe atsü rhimokhi mutuklopü akheam müla tangzüng khülang thsübah; tüsho arü mulong ching I trepü inü ayukjihbah, junangde arübo I kheaknü müchamachih.

WÜHKHE 14:34

Nüsanü lomi zütakheahkhi nimung yirü yande nimung khülang dün kam khülang ju kam yirü, nüsa münean hanbah, tüsho inü abahyukkhi nüsanü amükheahbah.

MATHI 24:48

Tüshe ju yamlarü mihbukmuyuk lasho tüsho nihbuh küdahnü, ‘I putungrü arüpü ruhde lah’ de thasho,

YUNIRÜBO RHIMO 3:19

Jumonü mulong müthriang, tüsho rholoang, junangde nüsa neakbo nankhita bahbah Atungpuh kilimnü me düküngpü kimbo arübah,

ROMRÜ KILIM PAULNÜ ATHRÜTKHI KIHÜM HUHTANYU 11:20

Ju thiyuro. Arünü mükinmonü arübo yihshak, tüshe nüsanü akin hode düküngde zhip. Jumonü dükükheang, tüshe trede zhipang.

ROMRÜ KILIM PAULNÜ ATHRÜTKHI KIHÜM HUHTANYU 3:23

tümütüsho alalanü neak yihbeakdo tüsho Thrünpuh müretahpü thamaa lah,

1 KORINT 10:12

Jumonü shepünü zhiplah de lümchonü mulungpü thsüde kümkangang.

2 KORINT 6:1

Rukhüh Thrünpuh tankihrü thsükhinü Thrünpuh amüthsüm akeangkeang ching düleangkhi de isanü nüsa ki tuthsukchoh.

GALATIA 5:4

Nüsa shepünü yakzan hode alim thsüpü mürangchonü Khrista kheaknü limshudo; amüthsüm chingnü nü chamkhide tsodo.

2 TIMOTHI 2:13

isa thiyuro mülachoki, api a thiyuro labah, tümüde apinü aküdahnü amülim thsüpü mukuk.

IBRI 12:15

Sheshe Thrünpuh amüthsüm mülakphahpü tüsho akhüh sangrung asürübah ahihkhüh küpkhuk jihde amüneanjihpü lakhi atünadoang.

IBRI 12:25

Shepünü asukchonü, api ki müreanglopü atünadoang. Alomi ching akin yusheak jihrü ki sherünü reanglokheanü mutsokhide lado. Dale tüsho yinmi chingnü asukrü kheaknü isanü rholode tsosho isanü atsokhipü küdükhüh achak laba?

IBRI 13:7

Nüsa ki Thrünpuh yu tharü nüsa limberübo lümkhitang; arü rhangdung ching akuk ngükhi lümakheahang, tüsho arü akin kheahkhiang.

IBRI 3:11

I bukakhiukkhi ching inü thiyuchihchimkhi nangde, arübo küyimkishe I sühakhim ching müyüzah.’ ”

IBRI 4:11

Jumonü isa sheshe ju ruk mihyumanikhinü mülakphahpü thsüde ju sühakhim ching yüzahpü isanü müranganü.

IBRI 4:9

Junangde Thrünpuh mihtsürübo thsungkheak amuni sühakhim aninga lah;

1 SAMUEL 2:30

Jumonü Atungpuh Israel Thrünpuhnü thachoh: ‘Nü yamkhün tüsho nüsa jipürü yamkhün lünnü I miki yüzahbah tüsho awukhiukbah de inü thiyuchihchim thsü’; tüshe kheakü Atungpuhnü thachoh: ‘I kheaknü limshuabahang; tümüde shepünü I wüntrecho inü wüntrebah, tüsho shepünü I khenochonü junode arhimobah.