IBRI 3:6 - AMÜSÜH HÜM CL Bible (BSI)

⁶ tüshe Khrista a tsührü thsüde Thrünpuh yam kurungkheak thiyuro larü lakheah. Tüsho isanü mulong tokhi tüsho isanü kükheangkhi mulonglam ching düküngde ramrihsho, isa ju api yam ah.

IBRI 3:6 Iomraidhean Croise

MUNGSHIKHÜN 2:12

Ajanang tüsho api ki khukningang; jude yungsho nahde abukakhiukbah tüsho nüsa zukleangnü limro ching dükheakbah. Sherübo api kheak tsoyukchonü asühpü.

EZEKIEL 46:10

Küyimki arü azahbanü, kiulongthsüpuh ju arü lung azahbah; tüsho küyimki arü wukhiukbanü, api wukhiukbah.

MATHI 10:22

Tüsho I mung dünkheaknü alalanü nüsa thraneanbah. Tüshe shepünü akheam khiungde arümbanü akhümkhitbah.

MATHI 16:18

Tüsho nü Peter ah de inü nü ki thachoh, ha lung kheak inü I borü thrünkihbah, tüsho thsümüchipung chipiripitbonü ju mazhihkhuk.

MATHI 24:13

tüshe shepünü akheam khiungde arümbanü akhümkhitbah.

ROMRÜ KILIM PAULNÜ ATHRÜTKHI KIHÜM HUHTANYU 11:22

Jumonü Thrünpuh mihmuzho tüsho amüküpkhi mütsanang: angaka larü kilim müküplah tüsho nüsanü api amuzho ching mutuklode lasho nüsa kilim mihmuzho lah; jude yungsho nüsa she lipkhia bahbah.

ROMRÜ KILIM PAULNÜ ATHRÜTKHI KIHÜM HUHTANYU 12:12

Nüsa mulonglam ching asühachihang, thsümütsü ching arümang, mutukzhakde tamkhüntamnüang.

ROMRÜ KILIM PAULNÜ ATHRÜTKHI KIHÜM HUHTANYU 15:13

Mulonglam Thrünpuhnü api kinkhi chingnü nüsa asühachih tüsho mungtsünü mishang, junangde Amüsüh wu hode nüsa mulonglam suhdahde alabah.

ROMRÜ KILIM PAULNÜ ATHRÜTKHI KIHÜM HUHTANYU 5:2

Akin hode apinü kheakü isa zhipde alakhi amüthsüm ching isa bedarü. Tüsho Thrünpuh müretah mulonglam ching isa asühachihchoh.

1 KORINT 3:16

Nüsa ju Thrünpuh arüngyam tüsho Thrünpuh Me nüsa kheak lachoh de nüsanü mümükheah de?

1 KORINT 6:19

Nüsa pang ju Thrünpuh kilimnü arükhi nüsa kheak lakhi Amüsüh Me arüngyam ah de nüsanü mümükheah de? Nüsa ju nüsa nihbuh yo yung;

2 KORINT 6:16

Thrünpuh arüngyamnü sangthsübo kheak arihkhi tümü la? Tümüde isa ju arhang Thrünpuh arüngyam; Thrünpuhnü tha, “I arü kheak labah tüsho arü bolung tsahbah, I arü Thrünpuh thsübah tüsho arü I mihtsürü thsübah.

GALATIA 6:10

Jumonü isa kim lakhi ching, isanü mihtsürü alala ki, adungto thsüde akinrü yamkhünbo ki atsü rhimoanü.

GALATIA 6:9

Tüsho isanü atsü rhimokhi ching mükeaksahnü, tümüde isanü mahiungsho kim dükdü ching yimlubah.

EFISIA 3:12

api kheak isa akin hode thüninde ayüpü mulong tokhi, tüsho mulongram lakheah.

KOLOSI 1:23

Judüalalashe, nüsanü akin düküngkhi ching mutukzhakde tüsho mütsanmükhi khimtan labeah, tüsho nüsanü thiyusheak-atsü sobah alü thsükhi I mulonglam chingnü nüsa matrütshihbeah. I Paul, alomiküp ching alala ki thsangyuthsangrakhi ha thiyusheak-atsü tankihrü kamkheah.

1 TESALONIKA 5:16

Kamruhroro asühachihang,

2 TESALONIKA 2:16

Kheakü isa Atungpuh Jisu Khrista tüsho isa muzhobuh tüsho amüthsüm hode isa kilim lünnü sühakhim tüsho atsü jihbuhnü,

1 TIMOTHI 3:15

I ashua lasho, thiyuro dungjing tüsho aduhlobe, Thrünpuh borü, Thrünpuh yamkhün ching nüsanü künangde yakli labeanü amükheahbah.

IBRI 1:2

tüshe harü akheam nimungbo ching a api hode alomi thrünbah alala yamrüplurüp lubuh kamshihkhi atsührü hode isa ki asuk.

IBRI 10:19

Jumonü keoniorübo, Jisu thiyih hode arüngakopung ching isa yüzahpü lale,

IBRI 10:21

tüsho Thrünpuh yam kurungkheak isa amükeamrü ato lale,

IBRI 10:23

Isanü maphapde isa mulonglam alokhikhi kheak düküngde ramrihanü, tümüde shepünü alokhikheanü thiyuro lah;

IBRI 10:35

jumonü thsambah ato lakhi nüsa mulongram dübah.

IBRI 11:1

Kheakü akin ju mulonglamde alakhi mütsankhi, müngüde alakhi mütsandakkhi ah.

IBRI 3:14

Tümüde isanü akhuhbe mulongram lakhi ju akheam khiungde düküngde ramrihsho, isanü Khrista lung shihcham luchoh.

IBRI 4:11

Jumonü isa sheshe ju ruk mihyumanikhinü mülakphahpü thsüde ju sühakhim ching yüzahpü isanü müranganü.

IBRI 4:14

Jumonü yinmibo hode ayükhi Thrünpuh tsührü Jisu isa achangbe amükeamrü ato lale, isanü akinkhi kheak düküngde ramrihanü.

IBRI 4:16

Jumonü isanü yihnüpü kim ching mihmüthsüm leangkhipü tüsho mihmuzho ngüpü thsüde amüthsüm kiulongthsü-binkiu thüninde isanü mulongram lade yüanü.

IBRI 6:11

Nüsa mulonglam mütsanpü thsüde, nüsa mihbüm abannü ha ruk düshihde akheam khiungde huhshihnelah,

IBRI 6:18

junangde Thrünpuhnü akeangyu müthakhukbe, mümüthrikhukpü mungji mahne hode isa kilim jihkhi mulonglam kheak ramrihpü isa shande ayürü khide mulong toshihbah.

IBRI 7:19

Tümüde Mosa yakzannü tümü she khiukdahde mükamshih. Tüsho kheakü mulonglam atsübe jihkhi hode isanü Thrünpuh thüninde arükhukchoh.

1 PETER 1:8

Api müngüngü she nüsanü api muzhochoh; api müngüngü she nüsanü api kheak kinchoh tüsho müthakhukbe asühachihchoh.

1 PETER 2:5

tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang.

1 PETER 4:17

Tümüde Thrünpuh yamkhün chingnü mahkhap tankihpü arüdo; tüsho ju isa kheaknü tankihsho, Thrünpuh thiyusheakatsü mihyumanirü küde akheam thsüba?

AMIKHEAKAKHIUKKHI 2:18

“Tüsho Thyatira borü ching yunirü kilim thrütang: ‘Amükbo motru nangde, tüsho ajing müwayinchi phezhingzhingkhi nangde alakhi Thrünpuh tsührü yubo.

AMIKHEAKAKHIUKKHI 2:25

nüsa tümü lanü ju kheak lang I arü khiungde düküngde ramrihang.

AMIKHEAKAKHIUKKHI 2:26

Shepünü akuk ngücho tüsho akheam khiungde I yubo zochonü, inü api kilim trükshihbo kurungkheak wu jihbah,

AMIKHEAKAKHIUKKHI 3:11

I nahde arüchoh; shenü she nü kuthran mulupü thsüde nü tümü lanü düngde ramrihang.