IBRI 3:5 - AMÜSÜH HÜM CL Bible (BSI)

⁵ Kheakü Mosa a ashulim asukpü lakhi thiyumütsan thsüpü Thrünpuh yam ching tankihrü thsüde alala ching thiyuro larü lakheah,

IBRI 3:5 Iomraidhean Croise

NEHEMIA 9:14

Amunimung mümihde azopü nünü arü ki mükheahshih, tüsho nü yamlarü Mosa hode arü ki thiyukhüm, thiyuzüng tüsho yakzanbojih. @1-LINE- SP ACE=

MUNGSHIKHÜN 105:26

Apinü ayamlarü Mosa tüsho apinü mokhitkhi Aron thiyi.

ABEKHIT 14:31

Hanangde Atungpuhnü Ijip ching ato rhimokhi Israelnü ngü; jumonü mihtsürübonü Atungpuh tre tüsho Atungpuh le api yamlarü Mosa kheak kin.

ABEKHIT 40:16

Junangde Atungpuhnü api kilim thiyukhüm jihkhi nangde Mosanü alala rhimo.

WÜHKHE 12:7

I yamlarü Mosa ki a ju ruk yung; inü api Israel mihtsürü athrünkhi kurungkheak zojihlah.

MATHI 24:45

“Judüasho nihbuh putungrünü arü kilim kim dükdü ching tsühyungbe jihshihpü api yamlarübo kurungkheak zojihkhi akin-lakhi tüsho lümlung lakhi yamlarü ju she a?

MATHI 25:21

Api putungrünü anihbuh ki tha, ‘Tsüde rhimodo, thiyuro yamlarü atsü; nünü kukruk anükhüh kurungkheak thiyuro lado, inü kukruk ahihkhüh kurungkheak nü yakzanshuhrü kamshihbah. Nü putungrü asühpung ching yüzahang.’

LUKNÜ ATHRÜTKHI THIYUSHEAK-ATSÜ HUHTANYU 12:42

Tüsho Atungpuhnü tha, “Dale tüsho aputungrünü ayamkhün kurungkheak yakzanshuhrü thsüshihbah arü kilim kim dükdü ching tsühyungpü shihcham jihshihpü athülünkhi tüsho lümlung lakhi khinkihthsürü ju shepü a?

LUKNÜ ATHRÜTKHI THIYUSHEAK-ATSÜ HUHTANYU 24:27

Tüsho Mosa le wukihrübo kheaknü tankihbah amüsühyu alala ching anihbuh dünkheak ane ki thanaka huh.

LUKNÜ ATHRÜTKHI THIYUSHEAK-ATSÜ HUHTANYU 24:44

Judüki apinü arü ki tha, “Harü ha I nüsa lung lachoki inü nüsa ki, Mosa yakzan tüsho Wukihrübo le Mungshikhünbo ching I dünkheak thaa lakhi alala dünjibah de athakhibo lah.”

JOHAN 5:39

Nüsanü amüsühyubo yimchoh, tümüde jurü ching akheam müla rhangdung lah de nüsanü lümchoh; tüsho harünü I thiyumütsan thsüchoh.

YUNIRÜBO RHIMO 28:23

Arünü Paul shorupü nimung akhukhit, tüsho ahihkhüh api lapung ching arü. Yapsunü are khiungde apinü Thrünpuh kiulongthsü dünkheak thanakde arü ki zhiyuk tüsho Mosa yakzan le wukihrübo chingnü arü ki Jisu dünkheak thapü mürang.

YUNIRÜBO RHIMO 7:37

Mosa hanü Israelrü ki tha, ‘Apinü I bemusukhi nangde Thrünpuhnü nüsa thsungkheak wukihrü khülang nüsa keoniorü bolungnü akhiukshihbah.’

ROMRÜ KILIM PAULNÜ ATHRÜTKHI KIHÜM HUHTANYU 3:21

Tüshe kheakü yakzan tüsho wukihrübonü thiyumütsan thsüa lalashe, Thrünpuh thiyuro-lungki ju yakzan kheaknü büthsüde akhiukdo.

1 KORINT 4:2

Kheaküshe atoathüprübo ju thiyuro lapü yihnüpü lah.

YUZÜNGTHALO 3:24

O Atungpuh Thrünpuh, nünü nü yamlarü ki nü tokhi tüsho wu-sühmüh khah huhpü tankih, tümüde thüning yungsho alo ching lakhi tümü thrünpuhnü amüyinsahbe nü rhimo nangde arhimokhukpü?

YUZÜNGTHALO 34:5

Jumonü Atungpuh yukhüm nangde, Atungpuh yamlarü Mosa ju Moab lomi ching she.

1 TIMOTHI 1:12

Ha thsungkheak I kilim sühmüh jihbuh isa Atungpuh Jisu Khrista kilim inü makshe jihchoh, tümütüsho ha tankihpü ching I yüzahshihde apinü I thiyuro lakhi khejih.

IBRI 1:1

Adüso kim tüsho limro ahihdo chingnü wukihrübo hode Thrünpuhnü isa jipürü ki asuk;

IBRI 3:2

Api ju Mosanü Thrünpuh yam ching thiyuro lakhi nangde alakheah.

IBRI 3:4

Tümüde thüyam aban khürünü thsü, tüshe kimkethürü thsübuh ju Thrünpuh ah.

IBRI 8:5

Arünü yinmi ching lakhi arüngakopung kiphahkhi tüsho ame ching tankihchoh; tümüde Mosanü khimyam thsüpü lachoki Thrünpuhnü api ki thsangdande tha, “Inü müzüng kheak nü ki huhkhi nangde lüpdükhi rhimopü thsang.”

IBRI 9:24

Tümüde Khrista ju atsütsübe kheahkhikhi, khahnü athsükhi arüngakopung ching yungde, kheakü isa thsung thsüde Thrünpuh miki yüpü yinmi ching yüzahkheah.

JIHUSUA 1:15

Atungpuhnü Jordan aniyüzahlim lo arü le nüsa kilim jihkhi mümükühyi khiungde arü rungpü yübah, küyimki apinü Israel trükbo khümkhitba, nüsanü alode arang tüsho Jordan aniakhiuklim Atungpuh yamlarü, Mosanü nüsa kilim jihkhi lo ching laang.”

JIHUSUA 1:2

“I yamlarü Mosa sheabahdo. Kheakü thsakhamang, nü tüsho Israelrü athrünkhi Jordan hobah inü ajihkhi lomi ching yüang.

JIHUSUA 1:7

Judü lang reangzahang, mulong ato thsang; tüsho I yamlarü Mosanü ajihkhi yakzan alala anide arhimopü kümkangang. Ju chingnü tsülim yungsho huzulim danguh, ju hode küching küching yüyü she nünü akukbah.

JIHUSUA 8:31

Atungpuh yamlarü Mosanü Israelrü kilim thsangdankhi, Mosa yakzan hüm ching lakhi yande apinü rhimo: “Yinbeannü mükheankhukkhi lungnü kingaün sadam thsü.” Arünü ju kheak Atungpuh kilim taka kingaün tüsho mungtsü kingaün jih.

JIHUSUA 8:33

Israelrü tüsho arü limberübo, atorübo, mahkhaprübo tüsho arü bolung khiungkerübo she bebah Levirü amükeamrübonü hanbah atsahkhi tangzüng sangdan thrip mahne lim abinbah zhip. Chamkhüh Gerizim Awung müngüh tüsho püpü chamkhüh Ebal Wung müngüh zhip, junangde atankih Atungpuh yamlarü Mosanü thiyukhüm jihkhi nangde arünü Israel müngühjihbeah de thaa huh.

AMIKHEAKAKHIUKKHI 15:3

Tüsho arünü Thrünpuh tankihrü Mosa tüsho Namfimihnunu khün thsüde tha, “Nü rhimobo ato tüsho amüyinsahbe, O Wuto Atungpuh Thrünpuh! Nü limrobo alungki tüsho thiyuro, O lünbo kiulongthsüpuh!