IBRI 3:12 - AMÜSÜH HÜM CL Bible (BSI)

¹² Keoniorübo, kümkangang, jude yungsho nüsa bolung mükinkhi mulong khürünü nüsa arhang Thrünpuh kheaknü bekhide atsobah.

IBRI 3:12 Iomraidhean Croise

THRÜNTAN 8:21

Atungpuhnü arhümthüneakhi münim tüsho api mulong chingnü tha: “Mihtsürü dünkheaknü, api azükinü mulong amütsü laa lalashe, kheaküa inü alo muthrumünean müthsü. Tüsho inü arhimokhi nangde rhangdung lakhi lorilokobo küyimkishe müdükheakshih.

JOB HU H T ANYU 21:14

Arünü Thrünpuh ki thachoh, “Isa zangrü zojang! Isanü nü limrobo mükheahpü mükün.

JOB HU H T ANYU 22:17

Arünü Thrünpuh ki tha, “Isa zangrü zojang,” tüsho “Wutobuhnü isa ki tümü thsükhukpü?”

MUNGSHIKHÜN 18:21

Tümüde inü Atungpuh yakzanbo ani, tüsho mihbukmuyukde Thrünpuh kheaknü müchamachih.

MÜCHITMUDU 1:32

Arükari mümükheahrü mihtsürü ju arünü lümlung bahyukkhi hode shechoh, tüsho makharü reangkeamkhinü arü dükheakbah;

ISAIA 59:13

thsümünimde, tüsho Atungpuh reanglode, tüsho isa Thrünpuh yankhi chingnü tsoabahde, junode tüsho azhihkhirhimo akeangyubo hankhi tüsho jurü mulong chingnü akhiukkhi lah.

JEREMIA 11:8

Tütüshe arünü mihyu mani yungsho arü nükhün manguh, tüshe mihbüm abannü amütsü lümkhi ching nihnihde tsahdo. Jumonü inü arü ki arhimoshihpü thiyukhüm jihkhi ha tangzüng yubo alala arü kheak handarü, tüshe arünü mürhimo.

JEREMIA 16:12

tüsho nüsanü jipürü kheaknü amütsübe yakli huh, tümüde nüsa mihbüm abannü I ki anipü thsunglode, nihbuh lümkhi anihnih amütsü yanchoh.

JEREMIA 17:5

Atungpuhnü ha thachoh: Shepünü mihtsürü kheak kinchonü muthrumünean, shepünü nihbuh sühmüh thsungkheak shih kheak angükihcho tüsho shepü mulong Atungpuh kheaknü chamkhicho.

JEREMIA 17:9

Mulong ju alala kheaknü mülapmüjikhi lah tüsho athsüngupü münchi holah, shepünü ju anikhitkhukba?

JEREMIA 18:12

Tüshe arünü tha, “Ju rhimo müla! Isanü isa nihbuh lümkhi yanbah, tüsho isa mihbüm abannü isa lümkhi amütsü yande arhimobah.”

JEREMIA 2:13

tümüde I mihtsürübonü amülim mahne yihbeakdo: arünü I, rhangdung kenü bahyukdo, tüsho arünü arü thsungkheak kekhip, ke mükinglokhukkhi atrükhi kekhip kiua lah.

JEREMIA 3:17

Ju kim ching Jirusalem ju Atungpuh kiulongthsü-binkiu de ajibah, tüsho trükshih alala Jirusalem ching Atungpuh miki mukhungbah, tüsho kheaküa arünü mulong müküpde nihbuh amütsü lümkhi ching müyan.

JEREMIA 7:24

Tütüshe arünü mihyu mani yungsho arü nükhün mumupho, tüshe arü amütsü lümkhi ching nihnihde, arü nihbuh lümrükbo ching tsah, tüsho mikhuhlim yungde dunglim peang tsah.

EZEKIEL 14:5

Junangde arü sangthsübo thsungkheaknü I bahkhirü, Israel mihtsürü mulong inü tholobah.

HOSEA 1:2

Küyimki akhuhde Atungpuhnü Hosea hode asukkhea, Atungpuhnü Hosea ki tha, “ Yüang, müzammüramberü nü niube thsüpü luang tüsho müzammüramrü tsührübo lashang, tümüde lominü Atungpuh bahyukde müzammüram ato yihbeakdo.”

MATHI 16:16

Simon Peternü alo, “Nü a arhang Thrünpuh tsührü Khrista ah.”

MATHI 24:4

Jisunü arü ki alo, “Shenü she nüsa mümülapyukshihpü kurhangang.

MARK 13:23

Tüshe kurhangang; inü amüngühnü alala nüsa ki thado.

MARK 13:33

Kurhangang, aheangang, tüsho tamkhüntamnüang; tümüde kim küyimkianü nüsanü mümükheah.

MARK 13:9

“Tüshe nüsa thsungkheaknü kurhangang, tümüde nüsabo kiuthsübinkiu kilim jihbah, tüsho sinagogbo ching nüsa lakbah. Tüsho arü ki thiyumütsan thsüde I dünkheaknü nüsabo yakzanshuhrübo le kiulongthsürübo miki bedarübah.

LUKNÜ ATHRÜTKHI THIYUSHEAK-ATSÜ HUHTANYU 21:8

Tüsho apinü tha: “Nüsa mümülapyukpü kümkangang. Tümüde ahihkhüh I mung chingnü thade arübah, ‘I api ah,’ tüsho, ‘Kim thünindo.’ Jumonü arü dunglim düyü.

ROMRÜ KILIM PAULNÜ ATHRÜTKHI KIHÜM HUHTANYU 11:21

Thrünpuhnü sangkhah tsütsü maningshihkhülaa, apinü nüsa aningshihbah de nüsanü lümcho de?

1 KORINT 10:12

Jumonü shepünü zhiplah de lümchonü mulungpü thsüde kümkangang.

KOLOSI 2:8

Khrista yungde mihtsürü lalim tüsho alomiküp yuzüng yande lümlung-yu akeangkeang tüsho mülapyukbe hode shenü she nüsa mümünityukpü kümkangang.

1 TESALONIKA 1:9

Künangde nüsanü isa leangkhikheanü, tüsho sangthsübo kilimnü arhang tüsho thiyuro Thrünpuh tankihpü rholokhi,

IBRI 10:31

Arhang Thrünpuh khah ching yüzahpü ju atrebe lah.

IBRI 10:38

tüshe I yo thiyuro-lungkirü akin hode alabah, tüsho apinü tuklode tsosho I menü api kheak masüh.”

IBRI 12:15

Sheshe Thrünpuh amüthsüm mülakphahpü tüsho akhüh sangrung asürübah ahihkhüh küpkhuk jihde amüneanjihpü lakhi atünadoang.

IBRI 12:22

Tüshe nüsa Zion Müzüng, yinmi Jirusalem arhang Thrünpuh kiuto ching, tüsho mükhebinkhi yunirü mukhungpung arüa lah,

IBRI 12:25

Shepünü asukchonü, api ki müreanglopü atünadoang. Alomi ching akin yusheak jihrü ki sherünü reanglokheanü mutsokhide lado. Dale tüsho yinmi chingnü asukrü kheaknü isanü rholode tsosho isanü atsokhipü küdükhüh achak laba?

IBRI 3:1

Jumonü, yinmi limnü ajikhi ching shihcham lurü amüsüh keoniorübo, Jisu ju isanü alokhikhi amüsüh-thsangyurü tüsho achangbe amükeamrü de lümang.

IBRI 3:10

Jumonü inü ju lün kheak I bukakhiuk, tüsho tha, ‘Arünü arü mulong ching kamruhroro tsophülapchoh; arünü I limrobo mümükheah.

IBRI 3:19

Jumonü mükinkhi hode arünü ayüzahpü mukukkheah de isanü ngüchoh.

IBRI 9:14

lün lakhi Me hode areak mükihde Thrünpuh kilim anihbuh jihkhi Khrista thiyihnü ashekhi rhimo chingnü arhang Thrünpuh tankihpü nüsa lümkhi küdükhüh she atsangkhitba!