IBRI 2:8 - AMÜSÜH HÜM CL Bible (BSI)

⁸ lüpdükhi api jing khüp yüzahshih.” Kheakü apinü tümü she maningshihde lüpdükhi api bukkhüp kamshih. Tütüshe kheakü lüpdükhi api bukkhüp lakhi isanü müngüchoh.

IBRI 2:8 Iomraidhean Croise

MUNGSHIKHÜN 2:6

“I amüsüh wung, Zion kheak inü I kiulongthsüpuh zolah.”

MUNGSHIKHÜN 8:6

Nünü nü khah rhimo kurung yakzan shuhpü api kilim jih; nünü lüpdükhi api jing khüp zojih,

DANIEL 7:14

Api kilim wu, müretah tüsho kiulongthsüpü jih-a lakheah, junangde mihtsürü alala, trükshihbo, tüsho thiyuthabonü api tankihpü lakheah. Api yakzan shuhpü ju akheam müla, hode mütsopü yakzan shuhpü, tüsho api kiulongthsüpü ju küyimkishe müthsümünimbe khülang ah.

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

JOHAN 13:3

Jisunü api khah ching Abuhnü lüpdükhi jihdo tüsho api Thrünpuh kilimnü arükheah tüsho Thrünpuh kilim yüchoh de mükheahbah,

JOHAN 3:35

Abuhnü atsührü muzhochoh, tüsho lüpdükhi api khah ching jihdo.

1 KORINT 15:27

“Tümüde Thrünpuhnü lüpdükhi api jing khüp yüzahshih.” Tüshe küyimki “Lüpdükhi api king khüp yüzahshihdo” de athabanü, lüpdükhi api jing khüp yüzahshihbuh ju a mübe.

IBRI 1:13

Tüshe Thrünpuhnü yunirü ki küyimkishe mütha, “Inü nü riribo nü jing jungpung mükamshihyi khiungde I khah tsülim binang.”

IBRI 1:2

tüshe harü akheam nimungbo ching a api hode alomi thrünbah alala yamrüplurüp lubuh kamshihkhi atsührü hode isa ki asuk.

IBRI 2:5

Tümüde Thrünpuhnü, isanü athakhi arüpü lakhi alomi ju yunirübo bukkhüp mükamshih.

1 PETER 3:22

shepü yinmi ching yü tüsho Thrünpuh khah tsülim la–yunirübo lungnü, thiyukhüm-sühmüh tüsho wubonü api ki anide lah.

AMIKHEAKAKHIUKKHI 1:18

tüsho arhang labuh ah; I ashekheah, tüsho kheahang, lün thsungkheak lah, tüsho Ashe tüsho athsümüchi mükhipbebo inü zhimlah.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi