IBRI 2:17 - AMÜSÜH HÜM CL Bible (BSI)

¹⁷ Jumonü mihtsürübo neak dün shaklopü thsüde, api ju mihmüthsüm tüsho Thrünpuh tankihpü ching thiyuro achangbe amükeamrü kampü lüpdükhi ching keoniorübo nangde apinü kam.

IBRI 2:17 Iomraidhean Croise

2 KIUTHSÜYUKHEAN 29:24

tüsho amükeamrübonü jurübo laksah tüsho athiyih bede Israel alala thsungkheak dünthsükhipü kingaün sadam kheak neak kingaün jih. Tümüde taka kingaünkhi le neak kingaünkhi ju Israel alala thsungkheak jihbeah de kiulongthsüpuhnü thiyukhüm jih.

ISAIA 11:5

Thiyuro-lungki api shahmo-rümbe thsübah, tüsho athülünkhinü api chimrümbe thsübah.

EZEKIEL 45:15

tüsho Israel rimlopung chingnü, namfimihnu 200 aban chingnü namfimihnu 1 labah. Ha kingaünbo ju arü dünthsükhipü hi kingaün, taka kingaün, tüsho mungtsü kingaün labah, Atungpuh Thrünpuhnü thachoh.

EZEKIEL 45:17

Tüshe taka kingaün, hi kingaün, tüsho ayungbe kingaün, thüniobo, khinu aso, amunibo, Israel yamkhün yo akhukhitkhi thünio alala ching thsungkheaknü kiulongthsüpuh rhimo ha labah: apinü neak kingaün, hi kingaün, taka kingaün tüsho mungtsü kingaünbo Israel dünthsükhipü jihbah.

EZEKIEL 45:20

Nüsanü ju ruk khinu ching nimung thüne ni müreanglimnü alakmihkhi yungsho makhakhi hode neak yihbeakrü thsungkheak rhimobah; junangde nüsanü arüngyam thsungkheak dünthsükhibah.

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

LEVI 14:18

Apinü aningkhi müdangke amüyi ching yo lubahle müsühkhitpü lakhi mihtsürü ku kheak yihkihbah, hanangde apinü Atungpuh miki dünthsükhia bahjihbah.

LEVI 16:16

Hanangde apinü Israel mihtsürü mümüsühkhi tüsho arü neak chingnü amüsüh dangpung dünthsükhibah, junangde apinü arü mümüsühkhi bolung ching lakhi ashorupung khimyam thsungkheak rhimobah.

LEVI 6:30

Tüshe neak kingaünkhi yo thiyih amüsüh dangpung dünthsükhipü ashorupung khimyam ching handarüsho, ju shih mütsüh; hoju takabahbah.

LEVI 8:15

Mosanü ju laksahbahle athiyih khürü lu tüsho müsühkhitde ayingkhing kheaknü kingaünpung juhbo kheak yihkih. Tüsho apinü aningkhi thiyih ju kingaünpung jing kheak bukkih. Hanangde apinü dünthsükhide müsühkhit.

WÜHKHE 15:25

Jumonü amükeambuhnü Israelrü tsührü boto dünthsükhide neak bahjihbah tümüde ju müreanglimnü yihbeak; arübonü taka kingaünkhi tüsho müreanglimnü ayihbeakkhi neak kingaün Atungpuh miki handarübah.

ROMRÜ KILIM PAULNÜ ATHRÜTKHI KIHÜM HUHTANYU 15:17

Jisu Khrista ching, Thrünpuh thsungkheaknü I rhimo dünkheak kükheangpü amütsan lah.

ROMRÜ KILIM PAULNÜ ATHRÜTKHI KIHÜM HUHTANYU 5:10

Tümütüsho thiriri lachoki api tsührü shekhinü Thrünpuh kheak isa tsüarihshih-a lasho, alü thsüde kheakü tsüarih-a lale, api rhangdungnü isa khümkhitbah.

EFISIA 2:16

tüsho isa chido sangkim hode pang khülang ching Thrünpuh kheak tsüarihlode mükthsükhi akheam thsüshihpü lakheah.

KOLOSI 1:21

Tüsho nüsa sherü khülangki limshude tüsho amütsü rhimode lüm ching thiriri lakhea,

IBRI 10:21

tüsho Thrünpuh yam kurungkheak isa amükeamrü ato lale,

IBRI 2:11

Tümüde shepünü tsangkhitcho tüsho sherü tsangkhita lanü alala Abuh rukhüh lah. Jumonü apinü arü ki keoniorü de ajipü machihde

IBRI 2:14

Jumonü tsührübonü shih tüsho thiyih ching shihcham luchoh, junangde apinü she ashe wu lakhi, ashekhi hode amünean dükheakshihpü mihtsürü yakli ching shihcham lu,

IBRI 2:16

Tümüde atsütsü apinü alümkhi ju yunirübo kheak yung tüshe Abraham tsühsoniusobo kheak ah.

IBRI 3:1

Jumonü, yinmi limnü ajikhi ching shihcham lurü amüsüh keoniorübo, Jisu ju isanü alokhikhi amüsüh-thsangyurü tüsho achangbe amükeamrü de lümang.

IBRI 3:2

Api ju Mosanü Thrünpuh yam ching thiyuro lakhi nangde alakheah.

IBRI 3:5

Kheakü Mosa a ashulim asukpü lakhi thiyumütsan thsüpü Thrünpuh yam ching tankihrü thsüde alala ching thiyuro larü lakheah,

IBRI 4:14

Jumonü yinmibo hode ayükhi Thrünpuh tsührü Jisu isa achangbe amükeamrü ato lale, isanü akinkhi kheak düküngde ramrihanü.

IBRI 4:15

Tümüde isa achangbe amükeamrü lakhi ju isa reangmüzahkhi ching mümuzhokhukbe yung, tüshe lüpdükhi ching isa nangde rükakikhi, tüshe neak mülakhi lah.

IBRI 5:1

Achangbe amükeamrü aban nihbuh mihtsürü bolungnü arü thsung thsüde Thrünpuh tankihde, neakbo dünkheak shuhmülanga jihkhibo tüsho kingaünkhibo jihpü mokhitchoh.

IBRI 5:10

tüsho Melkizedek kiphahde achangbe amükeamrü thsüpü Thrünpuhnü jia zojih.

IBRI 5:2

Apinü tümü yak mümükheahrü tüsho atsophülaprü ki aphuayaknü arhimopü kuklah, tümütüsho api she reangmüzahkhi bukkhüp lah.

IBRI 5:5

Junangde Khrista she achangbe amükeamrü thsüpü nihbuh küdahnü ashuhkihkhi yung, tüshe Thrünpuhnü api ki tha, “Nü I tsührü ah, khihni I nü Buh kamdo.”

IBRI 6:20

Isa thsung thsüde Jisunü isa müngühnü ju ching yüzah. Melkizedek kiphahde lün thsungkheaknü api achangbe amükeamrü kam.

IBRI 7:26

Hadürü amükeamrü amüsüh, jakreak mükihkhi, aneakrü kheaknü achamkhikhi, yinmibo kumung shuhkihkhi isa thsungkheak lapü ayedo.

IBRI 7:28

Tümüde yakzannü achangbe amükeamrü thsüpü müthülünkhi mihtsürübo mokhit; tüshe yakzan dunglim arükhi thiyuchihchimnü lün thsungkheak thülünde akamshihkhi atsührü mokhit.

IBRI 8:1

Isanü athakhi yu ju ha ah: Yinmi ching wüntre-müretah kiulongthsü-binkiu tsülim binkhi isa hadürü amükeamrü lah.

IBRI 8:3

Tümüde achangbe amükeamrü aban thsambahbo tüsho laksah-a kingaünkhi jihpü mokhita lah; jumonü ha amükeambuhnü she tümüanü ajihbeah.

IBRI 9:11

Tüshe ha ching lakhi atsübo dünkheaknü, atobe tüsho khide athülün, mihtsürü khahnü müthsükhi, ha thrüta lakhi ching mübekhi arüngkhimyam hode Khrista ju achangbe amükeamrü thsüde arü.