IBRI 2:10 - AMÜSÜH HÜM CL Bible (BSI)

¹⁰ Tsührübo ahihdo kilim müretah handarüpü thsüde, shepü thsungkheak tüsho shepü hode lüpdükhi lakhea, thsünükhi hode arü akhümkhit putungrü khiukdahshihkhi api athülün lah.

IBRI 2:10 Iomraidhean Croise

THRÜNTAN 18:25

Thiyuro-lungkirü ju mihbukmuyukrü lungnü alaksahpü nü kheaknü limshuang, jude thsüsho thiyurolungkirü ju mihbukmuyukrü nangde akambah; ju nü kheaknü limshuang! Alomi alala mahkhaprünü alim mürhimobea de?”

MÜCHITMUDU 16:4

Atungpuhnü lüpdükhi api thsungkheak thsü, am, thsümütsü nimung thsungkheak mihbukmuyuk she ah.

ISAIA 43:21

mihtsürü sherü I thsungkheak kamshihkhea, junangde arünü I mung shikhi khipkhitbah.

ISAIA 55:4

Kheahang, inü api ki mihtsürübo thiyumütsan thsüjihdo, limberü khülang tüsho mihtsürübo thsungkheak limthorü lah.

HOSEA 8:10

Arünü nihbuh zangrü trükshihbo lung mulolo she, inü arübo nahde bemukhungbah. Arünü nahde kiulongthsürübo tüsho yakzanshuhrü hahmülang khüp kolahbah.

MIKA 2:13

Shepünü lakashungchonü arü müngüh yübah; arünü lakashungbah tüsho chipiripit hode junü awukhiukbah. Arü kiulongthsüpuh arü müngüh yübah, Atungpuhnü arü limbebah.

WÜHKHE 7:15

taka kingaünpü moshipung nunu 1, namfimihnupung 1, kam khülang bankhi namfimihnunu pung 1;

LUKNÜ ATHRÜTKHI THIYUSHEAK-ATSÜ HUHTANYU 13:32

Tüsho apinü arü ki tha, “Yübah shirung ki thaang, ‘Kheahang, inü khihni le shido amünean mebo yankhitde athsüngube rhimopü lah, tüsho asam nipü I rhimo akhik thsübah.’

LUKNÜ ATHRÜTKHI THIYUSHEAK-ATSÜ HUHTANYU 2:14

“Achangbe ching Thrünpuh müretahshang, tüshe shepü kheak apinü mulong keamchonü alomi ching mihtsürü bolung mungtsü lashang!”

LUKNÜ ATHRÜTKHI THIYUSHEAK-ATSÜ HUHTANYU 24:26

Khristanü harü thsünübah api müretahkhi ching müyüzahbea de?”

LUKNÜ ATHRÜTKHI THIYUSHEAK-ATSÜ HUHTANYU 24:46

Judüki apinü arü ki tha, “Ha thrüta lah, tüsho junangde Khrista ju thsünübah nimung asampü ching arhang kamlopü lakheah,

JOHAN 11:52

tüsho ju trükshih thsungkheak lang yung tüshe Thrünpuh tsührübo hiumüzüta larü khülang kamde bemukhungpü lakheah.

JOHAN 19:30

Jumonü küyimki Jisunü asan ke leangkhikheanü, apinü tha, “ Ha bando!” Tüsho aku mükhümbah sheabah.

YUNIRÜBO RHIMO 3:15

tüsho Thrünpuhnü ashe chingnü arhang kamloshihbuh, rhangdung Putungpuh laksah. Ha thsungkheak isa thiyumütsanbo ah.

YUNIRÜBO RHIMO 5:31

Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih.

ROMRÜ KILIM PAULNÜ ATHRÜTKHI KIHÜM HUHTANYU 11:36

Tümüde lüpdükhi api kilimnü, api hode tüsho api kilim lah. Lünnü api müretahshang. Amen.

ROMRÜ KILIM PAULNÜ ATHRÜTKHI KIHÜM HUHTANYU 9:23

Tüsho apinü api müretah leangkhipü thsakhamkhi api mihmüthsüm kukruk ju apinü isa kheak dungkihkhi muzhomopungkhi api müretah akhiuka huhpü mulong.

1 KORINT 2:7

Tüshe isanü aramyu tüsho rama lakhi Thrünpuh lümlung, isa müretahpü lünbo müngüh Thrünpuhnü athsakhamkhi isanü tha.

1 KORINT 8:6

isa thsungkheak a isa api thsungkheak lakhi Thrünpuh khülang, Abuh lah; tüsho api hode lüpdükhi arükhi tüsho api hode isa lakhi, Atungpuh khülang, Jisu Khrista lah.

2 KORINT 3:18

Tüsho isa miro müyihdode Atungpuh müretah tahkihlode, Me lakhi Atungpuh kilimnü arükhi lünnü rünkihde ayükhi müretah lade api kiphahkhi ching müthriloa lah.

2 KORINT 4:17

Tümüde ha anükhühkheak thsünükhi junü makekhukkhi akheam müla müretah isa thsungkheak thsakhamde lah.

2 KORINT 5:18

Ha alala Khrista hode isa api lung tsüarihkhi tüsho tsüarihkhi tankih rhimo isa kilim jihbuh Thrünpuh kilimnü lah;

2 KORINT 6:18

I nüsa abuh thsübah, tüsho nüsa I tsührübo le tsührübebo thsübah, Wuto Atungpuhnü thachoh.”

GALATIA 3:26

tümüde nüsa alala Jisu Khrista ching akin hode Thrünpuh tsührübo ah.

EFISIA 2:7

junangde arübe lün ching Jisu Khrista ching isa muzhokhi makekhukbe api amüthsüm lakhitbo huhbah.

EFISIA 3:10

junangde borü hode yinmi kiulongthsübo ching yakzanshuhrübo tüsho thiyukhümsühmühbo ki Thrünpuh lümlung aphuaphu mükheahshihpü,

KOLOSI 3:4

Küyimki isa rhangdung lakhi, Khrista akhiukbanü, nü she müretahkhi ching api lung akhiukbah.

2 TIMOTHI 2:10

Jumonü amokhitrü dünkheaknü inü lüpdükhi arümchoh, junangde arünü she Jisu Khrista ching lün müretah akhümkhit ngübah.

IBRI 12:2

Isanü isa akin putungpuh tüsho khiukchimshihbuh Jisu kheak mük kheahkihanü. Api müngüh asühpü lakhi hode sangkim kheak shepü mungchih ah de mülüm, tüsho kheakü Thrünpuh kiulongthsübinkiu tsülim binlah.

IBRI 6:20

Isa thsung thsüde Jisunü isa müngühnü ju ching yüzah. Melkizedek kiphahde lün thsungkheaknü api achangbe amükeamrü kam.

IBRI 7:26

Hadürü amükeamrü amüsüh, jakreak mükihkhi, aneakrü kheaknü achamkhikhi, yinmibo kumung shuhkihkhi isa thsungkheak lapü ayedo.

IBRI 7:28

Tümüde yakzannü achangbe amükeamrü thsüpü müthülünkhi mihtsürübo mokhit; tüshe yakzan dunglim arükhi thiyuchihchimnü lün thsungkheak thülünde akamshihkhi atsührü mokhit.

1 PETER 1:12

Yinmi chingnü athiyikhi Amüsüh Me hode thiyusheak atsü zhiyukrü yunithsürü kilimnü nüsanü kheakü sokhi arünü harü dünkheak thakhi, Thrünpuhnü harü wukihrübo ki amikheak akhiukshihkhi, arü rhimo ju arü alü thsüpü thsungkheak yungde nüsa thsungkheak ah. Hadürü ching yunirübonü she akheahpü mulongchoh.

1 PETER 5:1

I azothsürü, Khrista thsünükhi thiyumütsan jihrü tüsho amikheak akhiukpü lakhi müretahkhi ching shihcham lubuhnü nüsa bolung azothsürübo ki tuthsukchoh.

1 PETER 5:10

Tüsho nüsa thsünübah anükhüh dunglim, alala amüthsüm Thrünpuh, Khrista ching api lünnü müretah lim nüsa jibuhnü nüsa laloshihbah, arünkihshihbah tüsho düküngshihbah.

AMIKHEAKAKHIUKKHI 4:11

“Isa Atungpuh tüsho Thrünpuh, müretah, wüntre tüsho wu leangkhipü nü athülün ah, tümüde nünü alala thrün, tüsho nü lümkhinü arü thrün tüsho rhangdung lah.”

AMIKHEAKAKHIUKKHI 7:9

Ha dunglim inü kheah, tüsho mihtsürü shenü akhepü mukukkhi, trükshih aban, trük alala, mihtsürü tüsho thiyutha aban chingnü, shulünkhimbo amüye yihbah, arü khahbo ching ashisang düchibo shuhbah kiulongthsü-binkiu miki zhipde alakheah,