IBRI 13:9 - AMÜSÜH HÜM CL Bible (BSI)

⁹ Aphuaphu tüsho aso thsüde thsangyukhibonü dübephülapshih; sherünü tsühchonü arü ki alü mülakhi arüngako tsühyungbenü yungde amüthsümnü isa mulong düküngshihkhi ju atsü ah.

IBRI 13:9 Iomraidhean Croise

MUNGSHIKHÜN 112:8

Api mulong murozhak yungsho mütre; api riribo kukkhi ngüpü lungdode lah.

MATHI 24:24

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she bede mülapyukpü amütsan atobe tüsho amüyinsahbebo rhimobah.

MATHI 24:4

Jisunü arü ki alo, “Shenü she nüsa mümülapyukshihpü kurhangang.

LUKNÜ ATHRÜTKHI THIYUSHEAK-ATSÜ HUHTANYU 5:38

Tüshe yukhu amühdo ju shihküpkeluh aso ching yukbeah.

YUNIRÜBO RHIMO 20:30

tüsho nüsa bolungnü she akeangyu thaa akinrübo arü dunglim yüshihpü mihtsürü akhiukbah.

YUNIRÜBO RHIMO 20:32

Kheakü inü nüsa zokihshihpü tüsho tsangkhita larü alala bolung yamrüplurüp lupü api amüthsüm kilim shuhmülanga jihchoh.

ROMRÜ KILIM PAULNÜ ATHRÜTKHI KIHÜM HUHTANYU 14:17

Tümüde Thrünpuh kiulongthsü ju jim tüsho ayungbe yung tüshe Amüsüh Me ching thiyuro-lungki, mungtsü tüsho asühachihkhi lah;

ROMRÜ KILIM PAULNÜ ATHRÜTKHI KIHÜM HUHTANYU 14:2

Khürü a tümütümü she atsühpü akin lah, tüshe akin ching reangmüzahkhi mihtsürünü wokephüyak lang tsühchoh.

ROMRÜ KILIM PAULNÜ ATHRÜTKHI KIHÜM HUHTANYU 14:6

Shepünü nimung leangkhichonü, Atungpuh wüntrekhi chingnü leangkhichoh. Shepünü tsühchonü Atungpuh wüntrekhi chingnü tsühchoh, tümütüsho apinü Thrünpuh kilim makshe jihchoh; shepünü mütsühnü Atungpuh wüntrekhi chingnü mütsühchoh tüsho Thrünpuh kilim makshe jihchoh.

1 KORINT 6:13

“Tsühyungbe ju buk thsungkheak tüsho buk ju tsühyungbe thsungkheak”–tüshe Thrünpuhnü ane chido dükheakshihbah. Pang ju müzammüram thsungkheak adungto yung, tüshe Atungpuh thsungkheak, tüsho Atungpuh ju pang thsungkheak.

1 KORINT 8:8

Tsühyungbenü isa Thrünpuh thüninde müyüshihchoh; isanü mütsühtsüh she isa amütsübe yung, tüsho isanü tsühtsüh she atsübe tümü müla.

2 KORINT 1:21

Tüshe Khrista ching nüsa lung isa arihshihkhi, tüsho isa mujude-müsühkhitkhi ju Thrünpuh ah;

GALATIA 6:1

Keoniorübo, mihtsürü khürü neak ramkhitsho, nüsa me-larünü me azhihayih chingnü api beloang. Nüsa she rükaki ching müyüzahpü thsüde kurhangang.

EFISIA 4:14

junangde kheaküa isa thsunga yüla arüla de tüsho kingaün-yakzan apungnü yünde, arü rük amütsü ching azürü nangde müla.

EFISIA 5:6

Shenü she thiyu akeangkeangnü nüsa dümülapyukshih, tümüde hadürü hode mihyumanirübo kheak Thrünpuh mulong zhipzhip arüchoh.

KOLOSI 2:4

Shenü she thiyu akenü nüsa mümülapyukshihpü inü ha thachoh.

2 TESALONIKA 2:17

nüsa mulong shukheamshang tüsho rhimo atsü aban tüsho thiyu ching düküngde kamshang.

2 TESALONIKA 2:2

müchityu yungsho thiyusheak, yungsho isa kilimnü kihüm thsüa la, Atungpuh nimung arüdo de athakhi hode nüsa nahde mulong dajan yungsho arhungangüm mülabeah.

1 TIMOTHI 6:20

O Timothi, inü nü ki tümü thiyidünü kümkangang. Amükinrü yu tüsho arükchihnü “Mükheahmudu” de ajikhi atsangachihkhibo bahkhiang,

1 JOHAN 4:1

Amuzho müyamrübo, me alala kheak dükin, tüshe mebo ju Thrünpuh kilimnü a shi yungnü rükakheahang; tümüde arükchih wukihrübo ahihdo alomi ching akhiukdo.

JUDNÜ ATHRÜTKHI KIHÜM HUHTANYU 1:12

Harü ha nüsanü amuzhokhi thüniobo ching areak kihkhi, mütrede arü nihbuh lang ahiuhakhiprübo lah; arübo tsüng mübede apungnü yünde ayükhi amobo ah; aso masokhi mumükin sangdungbo, mahne ki shekhi, aying rukkhitkhi ah;

JUDNÜ ATHRÜTKHI KIHÜM HUHTANYU 1:3

Amuzho müyamrübo, isa rukhüh akhümkhit dünkheak nüsa kilim thrütpü khide mulungkhinü, khülangkinü lang amüsührü kilim jihkhi akin dünkheak shochihpü tuthsukde nüsa kilim thrütpü yihnüpü lakheah.