IBRI 13:7 - AMÜSÜH HÜM CL Bible (BSI)

⁷ Nüsa ki Thrünpuh yu tharü nüsa limberübo lümkhitang; arü rhangdung ching akuk ngükhi lümakheahang, tüsho arü akin kheahkhiang.

IBRI 13:7 Iomraidhean Croise

KHÜNBOLUNGKHÜN 1:8

Nünü mümükheahsho, O aliberü bolung atsübe, mihnu boto ru yanang, tüsho mihnu neakrü khimyambo rheang ki nü mihnu nunubo yimkipang.

MATHI 24:45

“Judüasho nihbuh putungrünü arü kilim kim dükdü ching tsühyungbe jihshihpü api yamlarübo kurungkheak zojihkhi akin-lakhi tüsho lümlung lakhi yamlarü ju she a?

LUKNÜ ATHRÜTKHI THIYUSHEAK-ATSÜ HUHTANYU 12:42

Tüsho Atungpuhnü tha, “Dale tüsho aputungrünü ayamkhün kurungkheak yakzanshuhrü thsüshihbah arü kilim kim dükdü ching tsühyungpü shihcham jihshihpü athülünkhi tüsho lümlung lakhi khinkihthsürü ju shepü a?

LUKNÜ ATHRÜTKHI THIYUSHEAK-ATSÜ HUHTANYU 5:1

Küyimki mihtsürübonü Thrünpuh yu anipü api kheak nimkihkheanü, api Gennesaret kechih ki zhipde alakheah.

LUKNÜ ATHRÜTKHI THIYUSHEAK-ATSÜ HUHTANYU 8:11

“Shihdanglimyu amütsan ha ah: Müjih ju Thrünpuh yu.

YUNIRÜBO RHIMO 13:46

Tüsho Paul le Barnaba anenü mulong tode tha, “Isanü nüsa ki akhuhde Thrünpuh yu thapü yihnüpü lakheah. Tüshe nüsanü ju bahyuk tüsho nüsa küdah thsüde lün rhangdung müthülünkhi khea lu, kheakü isanü khiungkerü kilim rholochoh.

YUNIRÜBO RHIMO 14:23

Tüsho küyimki arünü borü aban ching azothsürübo tamkhüntamnüde tüsho khümkeak thsüde amokhitkhea, arünü kinde alakhi Atungpuh kilim arübo shuhmülanga jih.

YUNIRÜBO RHIMO 4:31

Küyimki arünü tamkhüntamnükhea, arü rukhüh mukhungkhi dangpung ju niuk; tüsho arü alala Amüsüh Menü mide kambah Thrünpuh yu thapü mulong tode tha.

ROMRÜ KILIM PAULNÜ ATHRÜTKHI KIHÜM HUHTANYU 10:17

Junangde akin ju asokhi chingnü arüchoh, tüsho Khrista dünkheak thsangyuthsangrakhi chingnü asokhi arüchoh.

1 KORINT 10:13

Mihtsürü kheak müdünjikhi nüsa kilim tümü rükaki marü. Thrünpuh ju thiyuro, tüsho apinü nüsa sühmüh kheak hode rükmakishih, tüshe rükaki lungnü she atsokhitpü jihbah, junangde nüsanü ju arümkhukbah.

1 KORINT 11:1

Inü Khrista kheahkhikhi nangde, I kheahkhiang.

1 KORINT 4:16

I kheahkhirü kamang de inü nüsa ki tuthsukchoh.

FILIPI 3:17

Keoniorübo, I kheahkhiang, tüsho isanü nüsa kilim jihkhi yakli yande sherünü lachonü mütsanang.

1 TESALONIKA 1:6

Nüsa ju isa tüsho Atungpuh kheahkhirü kamdo, tümüde nüsa thsünü ching lachoki Amüsüh Menü asühshihde thiyusheak leangkhi;

1 TESALONIKA 2:13

Tüsho küyimki isa kheaknü nüsanü asokhi yu leangkhikhea, nüsanü ju mihtsürü yu nangde yung, tüshe kheakü nüsa akinrübo kheak rhimode alakhi, atsütsü Thrünpuh yu de aleangkhikhi thsungkheak isanü mutukzhakde Thrünpuh ki makshe jihchoh.

2 TESALONIKA 3:7

Künangde isa kheahkhibanü nüsa küdah thsüde mükheahlah; nüsa lung isa lachoki yomuhde alakhi yung,

2 TESALONIKA 3:9

Ju isa alim müla dükhinü yung, tüshe akheahkhishihpü isa rhimo ching nüsa kilim amütsan khülang jihpü thsükheah.

1 TIMOTHI 3:5

tümüde mihtsürü khülangnü nihbuh yambuk mükümkhuksho apinü küde thsah Thrünpuh borü kümkhukba?

IBRI 13:17

Nüsa limberübo ki mihyuaniang tüsho arü yukhüm yanang; tümüde arünü me mütsanmüküh-a jihpü thsüde nüsa me kurungkheak aheangchoh. Arünü mulong tukthsüde yungde asühde rhimoshang, tümüde ju nüsa thsungkheak alü mülade akambah.

IBRI 13:24

Nüsa limberübo tüsho Thrünpuh mihtsürübo alala ki salüm jihang. Itali ching larünü nüsa kilim salüm mühahchoh.

IBRI 6:12

junangde nüsa sühdukde mükam, tüshe akin tüsho arümkheam hode alokhikhi yamrüplurüp lurü kheahkhirü thsübah.

1 PETER 4:11

Shepünü thachonü Thrünpuh yu thabeah; shepünü tankihchonü, Thrünpuhnü api kilim jihkhi sühmühnü atankihbeah, junangde lüpdükhi ching Jisu Khrista hode Thrünpuh müretahbah. Müretah tüsho wu lünnü lün api yo ah. Amen.

AMIKHEAKAKHIUKKHI 1:9

I Johan, nüsa keoniorü, shepünü Khrista ching nüsa lung thsümütsü, kiulongthsü tüsho arümkheamkhi chamachihchonü, Thrünpuh yu tüsho Jisu thiyumütsan dünkheak I Patmos kekung-lo kheak lakheah.

AMIKHEAKAKHIUKKHI 20:4

Judüki inü kiulongthsü-binkiubo ngü, tüsho jurü kheak binrü ju mahkhappü wu jih-a lakheah. Kheaküshe arünü Jisu tüsho Thrünpuh yu kinmo, tüsho shiwüh yungsho mejak mükingaünrü tüsho arü kingkangbo le arü khahbo kheak amütsan yümkihkhi mülarü laksahkhi mebo inü ngü. Arü arhang kamlo, tüsho Khrista lung kam chithürü kiulongthsü.

AMIKHEAKAKHIUKKHI 6:9

Küyimki apinü ayümdokhi aphüngüpü khimshuhkhea, Thrünpuh yu dünkheak tüsho arünü thiyumütsan thsükhi dünkheak laksahkhi mebo kingaün sadam khüp inü ngü;