IBRI 13:17 - AMÜSÜH HÜM CL Bible (BSI)

¹⁷ Nüsa limberübo ki mihyuaniang tüsho arü yukhüm yanang; tümüde arünü me mütsanmüküh-a jihpü thsüde nüsa me kurungkheak aheangchoh. Arünü mulong tukthsüde yungde asühde rhimoshang, tümüde ju nüsa thsungkheak alü mülade akambah.

IBRI 13:17 Iomraidhean Croise

THRÜNTAN 16:9

Judüki Atungpuh yunirünü alibe ki tha, “Nü putungbe kilim alode yüang tüsho anihbe bukkhüp laang.”

ABEKHIT 32:31

Jumonü Mosanü Atungpuh kilim alode yü tüsho tha, “O, harü mihtsürünü tode neak yihbeakdo, tüsho arü thsungkheak suna thrünpuh thsüa lah!

MÜCHITMUDU 5:13

Inü I thsangyurübo düsheak mani, yungsho I thsangdanrü kilim I nükhünbo mümupho!

ISAIA 62:6

Nü rhübo kheak, O Jirusalem, inü aheangrü zojihlah; nimungroro tüsho tsüngreroro arünü zhikde müla. Nüsa sherü Atungpuh ki lümkhitloshihbanü zhikde düla,

JEREMIA 13:17

Tüshe nüsanü manisho, nüsa kükheangkhi thsungkheak I menü jikde atripbah; inü düsüknimde atripbah tüsho chikebo bukbah, tümütüsho Atungpuh namfimihnubo rammüzütdo.

EZEKIEL 33:2

O mihtsürü tsührü, nü mihtsürübo ki asukang tüsho arü ki thaang, Mürangkhüh inü lomi kheak thirithsü handarüsho tüsho lomi mihtsürünü arü bolung khülang arü aheangrü zosho;

LUKNÜ ATHRÜTKHI THIYUSHEAK-ATSÜ HUHTANYU 16:2

Jumonü apinü anihbuh jibah tha, ‘Inü nü dünkheak sokhi ha tümü a? Nü khinkihthsükhi khemütsana jihang, tümüde kheaküa nü khinkihthsürü müthsü.’

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

ROMRÜ KILIM PAULNÜ ATHRÜTKHI KIHÜM HUHTANYU 14:12

Jumonü isa abannü nihbuh dünkheak Thrünpuh kilim jihbah.

1 KORINT 16:16

harü mihtsürü tüsho rukhüh rhimorü le kimthsürü aban ki akinashu lapü nüsa ki tuthsukchoh.

EFISIA 5:21

Khrista ki wüntre jihkhi hode khülangnü khülang bukkhüp laang.

FILIPI 1:4

kamruhroro nüsa thsungkheak I tamkhüntamnü aban ching asühde tamkhüntamnüchoh,

FILIPI 2:12

Jumonü amuzho müyamrübo, nüsanü kamruhroro mihyuanikhi nangde kheaküshe I lachoki lang yung tüshe alü thsüde I mülachoki trede tüsho ajande nüsa akhümkhit rhimokhitang;

FILIPI 2:16

rhangdung yu kheak düngde aramrihbah, junangde Khrista nimung ching I akeangkeang ching malih yungsho akeangkeang ching mükhisah de inü akükheangbah.

FILIPI 2:29

Jumonü Atungpuh lung asühde api leangkhiang; tüsho hadürü mihtsürü ki wüntre jihang,

FILIPI 3:18

Püpüki inü alochode nüsa ki thado tüsho kheaküshe chike bukde thachoh, ahihkhühnü Khrista sangkim yo thiriri thsüde lachoh.

FILIPI 4:1

Jumonü inü muzhokhi tüsho lümrhihkhi, I asühkhi tüsho I kuthran, I keoniorü, inü muzhokhi müyamrübo Atungpuh lung düküngde zhipang.

2 TESALONIKA 3:14

Isanü ha kihüm ching thakhi anipü khürünü reanglosho, ju mihtsürü kheahyukang tüsho api achih ngüshihpü thsüde api ki tümü düthsü.

1 TIMOTHI 5:17

Azothsürü sherünü tsüde yakzan shuhcho, adungto thsüde thsangyuthsangra tüsho thsangyupü ching khisahrü alü wüntrepü thülünkhi thsüshang;

IBRI 13:24

Nüsa limberübo tüsho Thrünpuh mihtsürübo alala ki salüm jihang. Itali ching larünü nüsa kilim salüm mühahchoh.

IBRI 13:7

Nüsa ki Thrünpuh yu tharü nüsa limberübo lümkhitang; arü rhangdung ching akuk ngükhi lümakheahang, tüsho arü akin kheahkhiang.

JAKOB 4:7

Jumonü nüsanü Thrünpuh bukkhüp laang. Amünean yanloang tüsho api nü kheaknü atsobah.

1 PETER 5:5

Junangde nüsa athunurübonü azorü bukkhüp laang. Nüsa khülangnü khülang miki azhihayihde laang, tümüde “Thrünpuhnü akükheangrü zhipdochoh, tüshe azhihayihrü kilim amüthsüm jihchoh.”

1 SAMUEL 8:19

Tüshe mihtsürübonü Samuel yu anipü reanglo; arünü tha, “Yung! tüshe isa kurungkheak kiulongthsürü khülang zopü isanü mulongkhitdo,