IBRI 13:16 - AMÜSÜH HÜM CL Bible (BSI)

¹⁶ Atsü rhimopü tüsho nü lakhi chamachihpü amümürang düthsü, tümüde hadürü shuhmülanga jihkhinü Thrünpuh asühshihchoh.

IBRI 13:16 Iomraidhean Croise

MUNGSHIKHÜN 37:3

Atungpuh kheak kinang, tüsho atsü rhimoang; lomi ching khümkhita laang.

MUNGSHIKHÜN 51:19

Judüki thiyuro-lungki laksah-a kingaünkhi, nü asühshihpü abümnü taka kingaünkhi labah; tüsho moshipungbo nü kingaün sadambo kheak jihbah.

LUKNÜ ATHRÜTKHI THIYUSHEAK-ATSÜ HUHTANYU 18:22

Küyimki Jisunü harü sokhea, apinü anihbuh ki tha, “Nü kheaküshe khülangnü maban. Nü lakhi alala yinang tüsho zhochihrü kilim chama jihang, tüsho yinmi chingnü nü rahpung labah; tüsho arang, I dunglim yanang.”

YUNIRÜBO RHIMO 10:38

Nüsanü Nazarethrü Jisu kheak Thrünpuhnü Amüsüh Me tüsho wu dungkihkhi mükheahlah. Apinü lüpdükhi atsü rhimode tüsho Arimri wu bukkhüp lakhi alala thsüngude yü, tümüde api lung Thrünpuh lakheah.

YUNIRÜBO RHIMO 9:36

Joppa ching aliberü akinrü amung Tabitha (Greek yunü Dorka, amütsan shihmüchi) lakheah. Alibe ju rhimo atsü tüsho rungzürungdo rhimonü mide alakheah.

ROMRÜ KILIM PAULNÜ ATHRÜTKHI KIHÜM HUHTANYU 12:13

Amüsührü yihnüpü lakhi arung jihang, hanrü akamang.

GALATIA 6:10

Jumonü isa kim lakhi ching, isanü mihtsürü alala ki, adungto thsüde akinrü yamkhünbo ki atsü rhimoanü.

GALATIA 6:6

Shepü ki thiyu thsangyukhea, api kukruk atsü alala thsangyurü ki chamachihang.

EFISIA 4:28

Ahührünü kheaküa dahüh, tüshe apinü rhimoang, api khahnü thiyuro rhimo rhimoang, junangde apinü küpkhukrü kilim jihpü kukbah.

FILIPI 4:14

Tüshe I küpkhukbo ching nüsanü arungkhi ju nüsa tsüdakkhi lakheah.

FILIPI 4:18

Inü khiukde tüsho alü she leangkhido; nüsanü amühahkhi thsambahbo rhümthünea kingaün aleangkhikhukbe, shuhmülanga jihbe tüsho Thrünpuh asühshihbe Epaphrodita kilimnü leangkhibah I suhdahde lah.

1 TESALONIKA 5:15

Nüsa shenü she amütsü müthri amütsü müjihlopü mütsanang, tüshe kamruhroro khülangnü khülang tüsho alala ki atsü rhimopü yimang.

2 TESALONIKA 3:13

Keoniorübo, atsü rhimopü ching dümukhiuk.

1 TIMOTHI 6:18

Arünü atsü rhimode, atsü rhimokhi ching lakhitde, salade tüsho jihchungpü künde alabeah,

PHILEMON 1:6

tüsho nü akin chamachihkhinü Khrista ching lakhi isa mükheahmudu atsü alala zokihshihpü inü tamkhüntamnüchoh.

IBRI 6:10

Thrünpuh ju mulungkirü yung; apinü nü rhimo, api mihtsürü rungkhi tüsho mutukzhakde arü rungkhinü api ki amuzho huhkhi mihamübah.

3 JOHAN 1:11

Amuzho müyambuh, amütsü dükheahkhi tüshe atsü kheahkhiang. Shepünü atsü rhimochonü Thrünpuh kilimnü ah; shepünü amütsü rhimochonü Thrünpuh müngü.