IBRI 13:12 - AMÜSÜH HÜM CL Bible (BSI)

¹² Junangde Jisu she api thiyih hode mihtsürü tsangkhitpü thsüde chipiripit aleanglim thsünü.

IBRI 13:12 Iomraidhean Croise

LEVI 24:23

Mosanü Israel mihtsürübo ki tha; tüsho arünü athruajibuh ju binkheampung aleanglim bekhit, tüsho api rusahabah, Atungpuhnü Mosa ki thiyukhüm jihkhi nangde Israel mihtsürünü rhimo.

WÜHKHE 15:36

Jumonü Atungpuhnü Mosa ki thiyukhüm jihkhi nangde, boto alalanü api binkheampung aleanglim bede wukhiuk tüsho lungnü rusahabah.

LUKNÜ ATHRÜTKHI THIYUSHEAK-ATSÜ HUHTANYU 4:29

Arünü wusubah kiuto chingnü api yankhit, tüsho lungrhün ching api jipkhia bahpü thsüde arü kiuto thrüna lakhi awung mujuk kheak bede yü.

JOHAN 17:19

Tüsho arü dünkheaknü I tsangkhitchoh, junangde thiyuro hode arü she atsangkhitbah.

JOHAN 19:34

Tüshe bonungrü khülangnü api rheang ching thsühnü düchipashungjih, tüsho zukleangnü thiyih tüsho ke akhiuk.

YUNIRÜBO RHIMO 7:58

Jushu arünü api kiuto ching bekhit tüsho arupü tankih. Tüsho thiyumütsan thsürübonü arü khimmihbo athrününgtsüngbuh Saul jing ki zojih.

1 KORINT 6:11

Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.

EFISIA 5:26

junangde kenü amüsüh dunglim api yunü anihbe tsangkhitpü thsü,

IBRI 10:10

Tüsho ju lümkhinü Jisu Khrista pang rüpde khülangki lang ajihkhi hode isa tsangkhit.

IBRI 10:29

Shepünü Thrünpuh tsührü jing khüp jungde, api tsangkhitkhi tangzüng thiyih müneankhea, tüsho amüthsüm Me mükhemükimrü küdükhüh she athsümüchipü thülünba de nüsanü lümcho?

IBRI 2:11

Tümüde shepünü tsangkhitcho tüsho sherü tsangkhita lanü alala Abuh rukhüh lah. Jumonü apinü arü ki keoniorü de ajipü machihde

JIHUSUA 7:24

Jihusua le Israelrü alala rukhühnü Zera tsührü Akhan lung atsührü athrürü aliberübo tüsho ju lung shotoyinchi, khim, suna yinchi, mihnupungbo, donki, namfimihnu, khimyam, tüsho kukruk lüpdükhi lubahle Akor Dükhün lim yü.

AMIKHEAKAKHIUKKHI 14:20

kurungasobo ju kiuto aleanglim kurungaso nitpung chingnü nit, tüsho kurungaso nitpung chingnü thiyih ju ketode ayunglim kilomitir 300 tüsho asüklim limthrip 2 bande akhiuk.