IBRI 13:1 - AMÜSÜH HÜM CL Bible (BSI)

¹ Keoniorübo khülangnü khülang muzhoachihde laang.

IBRI 13:1 Iomraidhean Croise

MUNGSHIKHÜN 133:1

Keoniorü rukhüh arihako ching lachoki küdükhüh atsü tüsho asühachihpü la!

JOHAN 15:17

Nüsa khülangnü khülang muzhoachihpü thsüde inü nüsa ki thiyukhüm jihchoh.

YUNIRÜBO RHIMO 2:1

Küyimki thünimni-thünio nimung khiungkhea, arü alalanü rukhüh dangpung khülang ching mukhung.

YUNIRÜBO RHIMO 4:32

Kheakü akinrü borü ju mulong tüsho me khülang lakheah, tüsho shenü she nihbuh kukruk ju api yo ah de mütha, tüshe lüpdükhi rukhüh yo lakheah.

GALATIA 5:13

Tümüde keoniorübo, nüsa zuzu lim jido; shihkünkhi ching nüsa zuzu dahori, tüshe amuzho hode khülangnü khülang ki yamlarü thsang.

GALATIA 5:22

Tüsho Me sangaso ju amuzho, asühpü, mungtsü, arümkheam, tsüyihkhi, tsüde thiyuro lakhi,

GALATIA 5:6

Tümüde Jisu Khrista ching tsütabahkhi yungsho tsütamübahkhi thsüthsü tümü büthsüde müla, tüshe amuzho hode akinnü rhimochoh.

EFISIA 4:3

mungtsü shuründe Me arihako lapü mulong jihang.

EFISIA 5:2

Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.

2 TESALONIKA 1:3

Keoniorübo, isanü nüsa thsungkheak alungki lakhinü kamruhroro Thrünpuh ki makshe jihpü lah, tümütüsho nüsa akin alü thsüde zokihpü, tüsho nüsa khülangnü khülang muzhoachihkhi ching alü kamchoh.

IBRI 10:24

isanü muzhoachihpü tüsho rhimo atsü rhimopü khülangnü khülang thurumusuachihpü lümanü,

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

1 PETER 2:17

Mihtsürü alala wüntreang, keoniorü muzhoang, Thrünpuh treang, tüsho kiulongthsürü wüntreang.

1 PETER 3:8

Akheam ching, nüsa alalanü, me arihako, lümrhihachihkhi, keoniorü amuzho, mulong athünak tüsho azhihayih lümkhi laang.

1 PETER 4:8

Alala kheaknü, khülangnü khülang muzhoachihang, tümütüsho amuzhonü neak hihdakkhi yihdoabahchoh.

2 PETER 1:7

tüsho akinkhi ching keoniorü lümrhihkhi, tüsho keoniorü lümrhihkhi ching amuzho.

1 JOHAN 3:23

Isanü api tsührü Jisu Khrista mung ching kinpü tüsho apinü isa ki thiyukhüm jihkhi nangde khülangnü khülang muzhoachihpü api yuzüng lah.

1 JOHAN 4:20

Khürünü, “Inü Thrünpuh muzholah,” de thabah api keoniorü thraneansho, api akeangyu tharü ah; tümüde shepünü apinü angükhi keoniorü mümuzhonü apinü amüngükhi Thrünpuh mümuzhokhuk.

AMIKHEAKAKHIUKKHI 2:4

Tüshe inü ha nü azhihde alakhi ju, nünü akhuhde amuzho lakhi bahyukdo.