IBRI 12:3 - AMÜSÜH HÜM CL Bible (BSI)

³ Aneak mihtsürünü api azhihde mukthsükhi apinü arümkheamkhi lümakheahang, junangde nüsa müyiuhyiuh tüsho mulong müdükheak.

IBRI 12:3 Iomraidhean Croise

MÜCHITMUDU 24:10

Küpkhuk kim ching nü heamde kamsho, nü sühmüh ninilah.

ISAIA 50:4

Atungpuh Thrünpuhnü I kilim thsangyupü mulo khülang jih, junangde inü keaksahrü thiyu khülangnü reangzahshihpü mükheahbah. Yapsu aban apinü I yihmusuchoh– khürükhüh thsangyukhi anipü nangde I nükhün dukoshih.

MATHI 11:19

Mihtsürü Tsührü tsühyungde arü, tüsho arünü thachoh, ‘Kheahang, ha ching bukchihrü tüsho amüshangrü, ruk-threrü tüsho aneakrübo müyamrü khülang lah.’ Tüshe Thrünpuh lümlung ju arhimonü alim mütsanchoh.”

MATHI 12:24

Tüshe Pharisirünü ju sobah tha, “Amünean me yakzanshuhbuh Beelzebub hodü lang habuhnü amünean me yankhita bahchoh.”

MATHI 15:2

“Tümü thsükhi nü jingyanrübonü jipü yakli thsümünimcho? Tümütüsho arünü yikhap tsühchoki arü khah mümütsak.”

MATHI 21:23

Küyimki api arüngyam ching yüzahkhea, amükeam putungrübo tüsho mihtsürü azothsürübo api thsangyude alachoki arü tüsho tha, “Tümü thiyukhüm-sühmüh hode nünü harü alala rhimocho? Tüsho ha thiyukhüm-sühmüh nü kilim shenü ajihkhea?”

MATHI 21:46

Tüshe arünü api rampü mürangchoki, arünü botobo tre, tümütüsho arünü api ju wukihrü khülang khejih.

MATHI 22:15

Judüki Pharisirübonü yü tüsho anihbuh yubo chingnü api phuhpü lümkhibo thsü.

LUKNÜ ATHRÜTKHI THIYUSHEAK-ATSÜ HUHTANYU 14:1

Küyimki Amuni Jisunü Pharisi yakzanshuhrü yam ching tsühyungpü yükhea, api ju tsüde kheahyukde alakheah.

LUKNÜ ATHRÜTKHI THIYUSHEAK-ATSÜ HUHTANYU 15:2

Tüsho Pharisirü le yakzan thsangyurübonü neangneangde tha, “Ha mihtsürünü aneakrübo leangkhichoh tüsho arü lung yimtsühchoh.”

LUKNÜ ATHRÜTKHI THIYUSHEAK-ATSÜ HUHTANYU 16:14

Kheakü sho muzhorü Pharisirübonü she harü alala so, tüsho arünü api kheah-a münejih.

LUKNÜ ATHRÜTKHI THIYUSHEAK-ATSÜ HUHTANYU 2:34

Simeonnü arü müngühjih tüsho abe Mari ki tha, “Khungarü ha Israel ching ahihkhüh thsümünimpü tüsho khümkhitpü Thrünpuhnü amokhitkhi lah, tüsho azhihde athapü amütsan khülang labah,

LUKNÜ ATHRÜTKHI THIYUSHEAK-ATSÜ HUHTANYU 5:21

Tüsho yakzan thsangyurübo le Pharisirübonü keokhide athapü tankih, “Mükhemükimbo thakhi ha shepü a? Thrünpuh kheak hode shenü neak bahjihpü kukla?”

JOHAN 10:20

Tüsho arü ahihkhühnü tha, “Api amünean me lah tüsho bünchoh. Tümüde nüsanü api ki anicho?”

JOHAN 18:22

Küyimki apinü harü thakhea, ju ki zhiprü atorü bolung khülangnü amüyinü Jisu dambah tha, “Nünü achangbe amükeambuh ki ju ruk alobea de?”

JOHAN 5:16

Ha dünkheaknü Jihudarünü Jisu thsümüchipü tankih, tümütüsho apinü ju Amuni rhimo.

JOHAN 7:12

Tüsho mihtsürü bolung api dünkheak khide phiphirarakhi lakheah. Khürünü tha, “Api tsülah”; püpürünü tha, “Yung, apinü mihtsürü rükakichoh.”

JOHAN 8:13

Jumonü Pharisirübonü api ki tha, “Nünü nü küdah thsüde thiyumütsan thsüchoh; nü yo thiyumütsan thiyuro yung.”

JOHAN 8:52

Judüki Jihudarünü api ki tha, “Kheakü nü amünean me lah de isanü mükheahlah! Abraham tüsho wukihrübo shedo; tüsho nünü thachoh, ‘Khürünü I yu anisho apinü küyimkishe ashepü müngü.’

JOHAN 8:59

Judüki arünü lung thrüa lubah api kheak king; tüshe Jisunü jikabah tüsho arü bolungnü hode yübah arüngyam chingnü wukhiuk, tüsho tsoabah.

JOHAN 9:40

Judüki api lung larü Pharisirü khürünü harü yubo sobah api ki tha, “Isa she mük tuka la de?”

1 KORINT 15:58

Jumonü, amuzho I keoniorübo, düküngang, daphap, kamruhroro Atungpuh rhimo ching nüsanü biriang, tümütüsho Atungpuh lung nüsa rhimokhi akeangkeang yung de nüsanü mükheahlah.

2 KORINT 4:1

Jumonü Thrünpuh mihmüthsüm hode ha tankihpü lakhinü, isa mulong müninichoh.

2 KORINT 4:16

Jumonü isanü mulong müninichoh. Aleanglim isa keaksah-a lalashe, alunglim a nimung aban isa aso kamlochoh.

GALATIA 6:9

Tüsho isanü atsü rhimokhi ching mükeaksahnü, tümüde isanü mahiungsho kim dükdü ching yimlubah.

YUZÜNGTHALO 20:3

‘O Israel aniang: Khihni nüsa thiriri lung keochih ching lah; nüsa mulong dünini, dütre, tüsho dajan yungsho arü trede dümüyinsah;

2 TESALONIKA 3:13

Keoniorübo, atsü rhimopü ching dümukhiuk.

IBRI 12:2

Isanü isa akin putungpuh tüsho khiukchimshihbuh Jisu kheak mük kheahkihanü. Api müngüh asühpü lakhi hode sangkim kheak shepü mungchih ah de mülüm, tüsho kheakü Thrünpuh kiulongthsübinkiu tsülim binlah.

IBRI 12:5

Nüsa ki tsührübo jide atuthsukyu thakhi nüsanü mihdü de? “I tsah-a, Atungpuhnü adanyukkhi süpsüpde dülüm, yungsho apinü nü thsümüchichoki mulong dünini.

IBRI 3:1

Jumonü, yinmi limnü ajikhi ching shihcham lurü amüsüh keoniorübo, Jisu ju isanü alokhikhi amüsüh-thsangyurü tüsho achangbe amükeamrü de lümang.

1 PETER 2:23

Küyimki api luhkheanü, apinü muluhlo; küyimki api thsünükheanü, apinü mümüzün; tüsho thiyuro mahkhapbuh kheak apinü mulonglam la.

AMIKHEAKAKHIUKKHI 2:3

Nü arümkheamkhi, I mung dünkheak thsünükhi tüsho nü mükeaksahkhi inü mükheahlah.

1 SAMUEL 12:24

Atungpuh lang treang, tüsho nüsa mulong athrünkhinü api khiukde tankihang; tümüde apinü nüsa thsungkheak tümü ato rhimodünü lümakheahang.