IBRI 12:25 - AMÜSÜH HÜM CL Bible (BSI)

²⁵ Shepünü asukchonü, api ki müreanglopü atünadoang. Alomi ching akin yusheak jihrü ki sherünü reanglokheanü mutsokhide lado. Dale tüsho yinmi chingnü asukrü kheaknü isanü rholode tsosho isanü atsokhipü küdükhüh achak laba?

IBRI 12:25 Iomraidhean Croise

1 KIULONG THSÜRÜ 12:16

Küyimki kiulongthsüpuhnü arü ki mani de Israel alalanü angükhea, mihtsürübonü kiulongthsüpuh ki alo, “David lung isa tümü shihcham la? Jesse tsührü lung isa tümü yamrüplurüp müla. Nüsa khimyambo lim yüang, O Israel! Kheakü nüsa nihbuh yam lim kheahang, O David.” Jumonü Israelnü arü khimyam lim yüabah.

2 KIUTHSÜYUKHEAN 7:19

“Tüshe nünü anguhde I yakzanbo tüsho inü nü miki zojihkhi thiyukhümbo bahyuksho, tüsho tsobah püpürü thrünpuhbo tankihde arü kingaünsho,

ABEKHIT 16:29

Kheahang! Atungpuhnü nüsa kilim amuni jihdo; jumonü apinü nüsa kilim athuruk nipü nimung mahne thsungkheak yikhap jihchoh; mihtsürü sheshe nihbuh lapung chingnü athüne nipü duwukhiukshih.”

ABEKHIT 20:22

Judüki Atungpuhnü Mosa ki tha, “Nünü Israelrü ki ha thaang: ‘Inü yinmi chingnü nüsa ki asukachihkhi nüsanü ngüdo.

MÜCHITMUDU 1:24

Tümütüsho inü ji tüsho nünü reanglo, inü I khah chungkhit tüsho shenü manijih,

MÜCHITMUDU 1:32

Arükari mümükheahrü mihtsürü ju arünü lümlung bahyukkhi hode shechoh, tüsho makharü reangkeamkhinü arü dükheakbah;

MÜCHITMUDU 13:18

Shepünü adanyukkhi amümürang thsüchonü mükheakmürak tüsho achih ngükhi kamchoh, tüshe shepünü thsülangkhi anichonü wüntre jihchoh.

MÜCHITMUDU 15:32

Shepünü adanyukkhi amümürang thsüchonü nihbuh mükhemükimchoh, tüshe shepünü thsülangkhi anichonü anikhitkhi alü thsüchoh.

MÜCHITMUDU 8:33

Thsangdankhi aniang tüsho lümlung laang, tüsho ju dübahyuk.

ISAIA 48:6

Nünü sodo; kheakü ha alala kheahang tüsho nünü ha müleangkhiba de? Ha kimnü rünbah inü nü aso rhimobo, nünü mümükheahkhi rama lakhibo soshihbah.

ISAIA 64:9

Müshakde bukdakhiuk, O Atungpuh , tüsho lünnü amülim dülümkhit. Kheakü lümakheahang, isa alala nü mihtsürü.

JEREMIA 11:10

Arünü adüso arü jipürü I yu anipü reanglorü amülimbo lim rholode yüdo; arübonü püpürü thrünpuhbo dunglim tankihpü yüabahdo; Israel yamkhün tüsho Juda yamkhünnü inü arü jipürü ki tangzüngkhi thsümünimdo.

EZEKIEL 5:6

Tütüshe mihbukmuyukkhi ching anihbenü nihbe mükamde alakhi trükshihbo tüsho lomibo kheaknü alü I yakzanbo tüsho I yuzüngbo azhih. Anihbenü I yakzanbo bahyuk tüsho I yuzüngbo thsunglo.

ZEKARIA 7:11

Tüshe arünü anipü thsunglo, tüsho chungthülangdo arü düthsün anguh tüsho manipü arü nükhün yihdo.

WÜHKHE 32:15

Tümüde nüsanü api dunglim müyande rholosho, kheaküshe apinü sunglo ching arü bahjihbah, tüsho nüsanü harü mihtsürü thsümünimjihbah.”

MATHI 17:5

Api thade alachoki, amo ayinatrüm khülangnü arü liudo, tüsho amo chingnü düsheak khülangnü tha, “Ha inü amuzhokhi I tsührü; api kheak inü mulong keamchoh. Api ki aniang!”

MATHI 8:4

Tüsho Jisunü api ki tha, “Aniang, nünü she ki dütha; tüshe nü limro ching yüang, amükeamrü ki nü huhang, tüsho Mosa yukhüm yande arü ki mütsan thsüpü thsambah jihang.”

YUNIRÜBO RHIMO 7:35

“Ha buh Mosa, shepü arünü, ‘Shepünü nü isa kurungkheak yakzanshuhrü tüsho mahkhaprü kamshihkhea?’ de reanglode athabuh thsü Thrünpuhnü api ki sangrung ching yunirü akhiukbuh khah hode yakzanshuhrü tüsho abekhitrü chido kamde thiyi.

YUZÜNGTHALO 18:19

Tüsho I mung ching apinü athakhi I yubo sherünü manibanü inü jurü thsümüchibah.

YUZÜNGTHALO 30:17

Tüshe nü mulong rholode tsobah nünü musode tsoabahsho, tüsho püpürü thrünpuhbo kingaünde tüsho tankihsho,

YUZÜNGTHALO 4:36

Apinü nüsa thsangdanpü thsüde thüning chingnü api düsheak soshihdo; alomi kheak apinü nüsa ki mo ato huhdo, tüsho nüsanü api yu mo phulungnü sodo.

1 TESALONIKA 5:15

Nüsa shenü she amütsü müthri amütsü müjihlopü mütsanang, tüshe kamruhroro khülangnü khülang tüsho alala ki atsü rhimopü yimang.

2 TIMOTHI 4:4

thiyuro anipü chingnü rholode atsobah, tüsho mümütsankhi yukhean ching mulong jihbah.

IBRI 1:1

Adüso kim tüsho limro ahihdo chingnü wukihrübo hode Thrünpuhnü isa jipürü ki asuk;

IBRI 11:7

Akin hode Noanü adünjipü lakhi müngüyia lalashe Thrünpuhnü athakhi yande api yamkhün khümkhitpü sangkung khülang thsü; ha hode apinü alomiküp bahyuk tüsho akin hode arükhi thiyuro-lungki yamrüplurüp lurü kam.

IBRI 12:19

hulipungpung lim yungsho asorünü mushubah arü ki müthalopü düsheak lim,

IBRI 3:12

Keoniorübo, kümkangang, jude yungsho nüsa bolung mükinkhi mulong khürünü nüsa arhang Thrünpuh kheaknü bekhide atsobah.

IBRI 3:17

Tüsho kam yirü apinü she ki bukakhiukkhea? Neak yihbeakkhi, pangbo sunglo ching keamrü ki yung de?

IBRI 8:5

Arünü yinmi ching lakhi arüngakopung kiphahkhi tüsho ame ching tankihchoh; tümüde Mosanü khimyam thsüpü lachoki Thrünpuhnü api ki thsangdande tha, “Inü müzüng kheak nü ki huhkhi nangde lüpdükhi rhimopü thsang.”

JIHUSUA 22:15

Arübo Reuben, Gad, tüsho aniyüzahlim Manase mihtsürübo yimde Gilead ching arü,

JIHUSUA 22:16

tüsho Atungpuh borü alala mung chingnü arü ki tha, “Nüsanü Atungpuh azhihde kingaün sadam thsübah khihni api yankhi chingnü tuklode Atungpuh Israel Thrünpuh azhihkhi rhimo amütsü ha tümüa?

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

AMIKHEAKAKHIUKKHI 19:10

Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.

AMIKHEAKAKHIUKKHI 22:9

tüshe apinü I ki tha, “Nünü jude düthsü! I a nü le nü keoniorü wukihrübo, tüsho ha hüm yubo zorü lung rukhüh tankihrü ah. Thrünpuh kingaünang.”