IBRI 12:23 - AMÜSÜH HÜM CL Bible (BSI)

²³ tüsho yinmi ching adüjirü mung thrüta lakhi mukhungpung, tüsho alala Thrünpuh mahkhaprü tüsho thiyurolungkirü khiukdahde akamshihkhi mebo kilim,

IBRI 12:23 Iomraidhean Croise

THRÜNTAN 18:25

Thiyuro-lungkirü ju mihbukmuyukrü lungnü alaksahpü nü kheaknü limshuang, jude thsüsho thiyurolungkirü ju mihbukmuyukrü nangde akambah; ju nü kheaknü limshuang! Alomi alala mahkhaprünü alim mürhimobea de?”

MUNGSHIKHÜN 111:1

Atungpuh shiang! Inü alungkirü mukhungkhi tüsho mukhungmüdan ching I mulong athrünkhinü Atungpuh shibah.

MUNGSHIKHÜN 69:28

Arübo rhangdung hüm chingnü nankhita bahshang tüsho thiyuro-lungkirü lung düthrütshih.

MUNGSHIKHÜN 89:27

Inü api I tsührü adüjirü, alomi kiulongthsürübo kheaknü achangbe thsüshihbah.

MUNGSHIKHÜN 89:7

Thrünpuh ju amüsührü mukhungkhi ching tode atrepü lah, tüsho api mükamde alarü alalanü wüntre jihpü lah.

MUNGSHIKHÜN 94:2

Asürang, O alomi mahkhapang; kükheangküyangrü thsümüchiang.

MUNGSHIKHÜN 96:13

Tümüde api arüchoh, tümüde api alomi mahkhappü arüchoh. Apinü alomiküp thiyuro-lungkinü, tüsho mihtsürü api thiyuronü mahkhapbah.

MUNGSHIKHÜN 98:9

tümüde api alomi mahkhappü arüchoh. Hiyuro-lungkinü apinü alomiküp, tüsho alungkinü mihtsürübo mahkhapbah.

ABEKHIT 13:2

“Israelrü lung akhuhde azübekhi athrürü tüsho akhuhde anukhi shiwüh I kilim müsühkhitang; ju I yo ah.”

ABEKHIT 32:32

Kheakü muzhobah arü neak bahjang; jude yungsho, nünü athrütkhi hüm chingnü I nankhita bahang.”

ABEKHIT 4:22

Judüki nünü Pharao ki thabah, Atungpuhnü ha thachoh, Israel I tsührü adüjibuh ah.

T H S AN GYU T H S AN GR ARÜ 12:7

tüsho atan nangde pang ju alo asungthulung kamlobah, tüsho sheak ju ajihbuh Thrünpuh kilim alode ayübah.

JEREMIA 31:9

Tripde arübo arübah tüsho shukheamde inü arü belodarübah, inü arübo yungzü ke yeande atsahshihbah, limro mukhiungkhi ching arü jing mümükhe; tümüde I Israel abuh kamdo tüsho Ephraim ju I tsührü adüjibuh.

LUKNÜ ATHRÜTKHI THIYUSHEAK-ATSÜ HUHTANYU 10:20

Judüalalashe mebonü nüsa ki anikhi dünkheaknü dasühachih, tüshe yinmi ching nüsa mungbo thrütkhi dünkheaknü asühachihang.”

JOHAN 5:27

tüsho api kilim mahkhappü she thiyukhüm-sühmüh jihdo, tümütüsho api ju Mihtsürü Tsührü ah.

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

1 KORINT 13:12

Tümüde kheakü isanü meayinpung ching thrimthrimde ngüchoh, tüshe judüki isanü mironü miro ngübah. Kheakü inü chama lang mükheahlah; judüki I mükheahrama lakhi nangde inü mükheahramde amükheahbah.

1 KORINT 15:49

Isanü asungthulung mihtsürü kiphahde alakhi nangde, isanü yinmi mihtsürü she kiphahde alabah.

1 KORINT 15:54

Küyimki adükheakbenü amüdükheakbe, tüsho ashebenü amüshebe phuyubanü, thrüta lakhi müchit dünjibah: “Ashekhi ju akuk ngükhi ching muyuabahdo.”

2 KORINT 5:8

Isa mulong tode lah, tüsho isanü pang kheaknü chamkhibah Atungpuh lung thüyam ching lapü mulonglah.

EFISIA 1:22

tüsho apinü alala api jing khüp yüzahshih, tüsho borü thsungkheak alala kumung api aku kamshih.

YUZÜNGTHALO 21:17

Tüshe apinü mümuzhokhi niuberü kheak yo tsührü adüjibuh kilim api lakhi shihcham mahne kinü alü jihde mütsanmükhibeah, tümüde api ju anihbuh sühmüh atankih ah; adüjibuh yo alim ju api yo.

FILIPI 4:3

Tüsho harü liberübo rungpü nüsa rukhüh rhimorü ki she inü keokhichoh, tümüde arünü Klement tüsho rhangdung hüm ching mungbo thrüta lakhi püpürü I lung rukhüh rhimorü lung thiyusheak-atsü ching banthsangde rhimodo.

KOLOSI 1:12

ayinatrüm ching amüsührü yamrüplurüp shihcham ching isa thülünde kamshihbuh, Abuh ki makshe jihde laang.

KOLOSI 1:24

Kheakü nüsa dünkheak thsünükhi ching I asühchoh, tüsho Khristanü api pang, ju borü dünkheak thsünükhi ching mübanthsangkhi I shih ching inü banthsangshihchoh.

1 TIMOTHI 3:5

tümüde mihtsürü khülangnü nihbuh yambuk mükümkhuksho apinü küde thsah Thrünpuh borü kümkhukba?

IBRI 11:4

Akin hode Abelnü Kain kheaknü atsübe laksah-a kingaünkhi Thrünpuh kilim jih, ju hode Thrünpuhnü api thsambah leangkhikhinü thiyumütsan thsüde thiyuro-lungki mülükhi ngü; api shedo, tüshe api akin hode kheakü khiungde asukchoh.

IBRI 11:40

tümütüsho Thrünpuhnü tümüanü atsübe isa thsungkheak ngüjung, junangde isa rukhühnü lang arü khiukdahde akamshihpü lakheah.

IBRI 2:12

apinü thachoh, “Inü I keoniorübo ki nü mung zhiyukbah, amukhungrü bolung inü nü shijihbah.”

IBRI 9:27

Tüsho mihtsürübo khülangki shebah jushu thiyukhap arüpü lakhi nangde,

JAKOB 1:18

Isa ju thrüna lakhi alala lungnü akhuh sangaso mungji thsüpü thsüde thiyuro yu hode isa zübeshihpü apinü mokhit.

1 PETER 2:23

Küyimki api luhkheanü, apinü muluhlo; küyimki api thsünükheanü, apinü mümüzün; tüsho thiyuro mahkhapbuh kheak apinü mulonglam la.

AMIKHEAKAKHIUKKHI 13:8

Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.

AMIKHEAKAKHIUKKHI 14:4

Harübo aliberü kheaknü mümüneanrü ah, tümüde arünü tsangkhitde zo; arünü Namfimihnunu kürü ching yübanü adunglim yan; harü mihtsürübo kheaknü rhokhitbah adüji sangasobo thsüde Abuh tüsho Namfimihnunu kilim jih,

AMIKHEAKAKHIUKKHI 20:15

khürü mung rhangdung hüm ching thrüta müngüsho, api ju modüjim ching jipyuk.

AMIKHEAKAKHIUKKHI 6:11

Judüki arü aban kilim shulünkhim amüye jih, tüsho arü nangde arü rukhüh tankihrü tüsho keoniorübo laksahpü wühkhe mübanyi khiungde aleangpü tha.

AMIKHEAKAKHIUKKHI 6:9

Küyimki apinü ayümdokhi aphüngüpü khimshuhkhea, Thrünpuh yu dünkheak tüsho arünü thiyumütsan thsükhi dünkheak laksahkhi mebo kingaün sadam khüp inü ngü;