IBRI 12:2 - AMÜSÜH HÜM CL Bible (BSI)

² Isanü isa akin putungpuh tüsho khiukchimshihbuh Jisu kheak mük kheahkihanü. Api müngüh asühpü lakhi hode sangkim kheak shepü mungchih ah de mülüm, tüsho kheakü Thrünpuh kiulongthsübinkiu tsülim binlah.

IBRI 12:2 Iomraidhean Croise

MUNGSHIKHÜN 110:1

Atungpuhnü I tungpuh ki tha, “Inü nü riribo nü jing-dubopung müthsüshihyi khiungde, I khah tsülim binang.”

MUNGSHIKHÜN 138:8

Atungpuhnü I thsungkheak apinü alokhikhi dünjishihbah; O Atungpuh , nü amüthsüm lünnü rünkhiungde lah; nü khah rhimobo dübahyuk.

ISAIA 31:1

Aha, sherünü arung thsungkheak Ijip ching yükicho tüsho shenü khorabo kheak düthsün angücho, shenü khora-lolungbe kheak kincho tümütüsho arü ahihdo lah tüsho khoraberü kheak kincho tümütüsho arü khide sühmüh lah, tüshe Israel Amüsüh Thrünpuh kheak mükheah yungsho Atungpuh ki mükeokhi!

ISAIA 45:22

I kilim rholoang tüsho khümkhitang, alomi alala akheambo! Tümüde I Thrünpuh ah, tüsho püpü müla.

ISAIA 53:3

Api ju mihtsürübonü mükhemükim tüsho bahyuk; mulong tukthsü mihtsürü tüsho thsünümih lakheah; tüshe mihtsürübonü api kheaknü miro ramabah, api mükhemükim thsü, tüsho isanü api mükheyuk.

ISAIA 8:17

Inü Atungpuh aleangbah, shepü miro Jakob yamkhün kheaknü jikla, tüsho inü api kheak mulonglambah.

MIKA 7:7

Tüshe I a, inü Atungpuh kheahbah, inü I khümkhitbuh Thrünpuh aleangbah; I Thrünpuhnü I ki anijihbah.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

WÜHKHE 21:9

Jumonü Mosanü müwayinchi phuruto thsübah sangkhrih kheak yihkih; junangde phurutonü khürü nguhbah ju kheak kheahsho rhangdung la.

MATHI 16:21

Ju kim chingnü Jisunü api jingyanrübo ki api Jirusalem ching yübah tüsho azothsürübo, amükeam putungrübo tüsho yakzan thsangyurü khah ching hihde athsünübah tüsho api alaksahbah tüsho mahsam nipü arhang kamlobah de ahuhpü tankih.

MATHI 20:28

Mihtsürü Tsührü she tankihshihpü yung tüshe tankihpü tüsho ahihdo rhokhitpü api rhangdung jihpü arükheah!”

MARK 14:36

Tüsho apinü tha, “Abuh, Abuh, nü thsungkheaknü alala akukbe lah. I kheaknü ha pung luakhinjang; judüalalashe, I lümkhi yung, tüshe nü lümkhi ah.”

MARK 15:28

Junangde amüsühyunü athakhi dünji, “Tüsho api ju athsümünimrü lung kheyuk.”

MARK 16:19

Atungpuhnü arü ki asukachih dunglim, api yinmi ching yükih, tüsho Thrünpuh khah tsülim bin,

MARK 9:12

Judüki apinü arü ki alo, “Elija akhuhde arüchoh tüsho alala tsanglungbah. Dale tümü thsükhi Mihtsürü Tsührü khide thsünüpü tüsho abahyukpü thrüta la?

MARK 9:24

Judüchokinü azürü abuhnü zhi tüsho chike akhiukde tha, “Atungpuh, inü kinlah; I akin musuhdahkhi rungang!”

LUKNÜ ATHRÜTKHI THIYUSHEAK-ATSÜ HUHTANYU 17:5

Amüsüh-thsangyurübonü Atungpuh ki tha, “Isa akin tode kamshang.”

LUKNÜ ATHRÜTKHI THIYUSHEAK-ATSÜ HUHTANYU 23:11

Judüki Herod tüsho api bonungrübonü api luhmünede mükhemükim thsü; tüsho api kheak khimmih atsü yihkihjihbah Pilat kilim yüloshih.

LUKNÜ ATHRÜTKHI THIYUSHEAK-ATSÜ HUHTANYU 24:26

Khristanü harü thsünübah api müretahkhi ching müyüzahbea de?”

JOHAN 1:29

Ashidopü Johannü api kilim Jisu arüde ngü, tüsho tha, “Kheahang, alomi neak hande atsokhi Thrünpuh namfimihnunu!

JOHAN 12:24

Atsütsü inü nüsa ki thachoh, wheat hi ju alo ching ayobah müshikhitsho, ju ruk lang lachoh; tüshe ju shikhitsho, junü hi ahihdo mukhuhshihchoh.

JOHAN 12:32

Tüsho alomi chingnü I bekihsho, mihtsürü alala I kilim bea lubah.”

JOHAN 13:3

Jisunü api khah ching Abuhnü lüpdükhi jihdo tüsho api Thrünpuh kilimnü arükheah tüsho Thrünpuh kilim yüchoh de mükheahbah,

JOHAN 6:40

Tüsho ha I thiyibuh lümkhi ah, junangde atsührü ngübah api kheak kinrü aban akheam müla rhangdung labah; tüsho inü akheam nimung ching api arhang kamloshihbah.”

JOHAN 8:56

Nüsa abuh Abrahamnü I nimung kheahpü asüh, tüsho apinü ngübah asüh.”

YUNIRÜBO RHIMO 2:36

“Jumonü nüsanü ayümkihbuh Jisu ha, Thrünpuhnü api Atungpuh tüsho Khrista kamshihkheah de Israel yamkhün alalanü mütsande mükheahshang.”

YUNIRÜBO RHIMO 3:15

tüsho Thrünpuhnü ashe chingnü arhang kamloshihbuh, rhangdung Putungpuh laksah. Ha thsungkheak isa thiyumütsanbo ah.

YUNIRÜBO RHIMO 5:31

Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih.

YUNIRÜBO RHIMO 5:41

Judüki Jisu dünkheak mükhemükimpü thülünlah de arünü asühachihde kiuthsü-binkiu kinü tso.

1 KORINT 1:18

Tümütüsho dükheakde alarü ki sangkim yusheak ju makhakhi, tüshe isa khümkhita larü ki a Thrünpuh wu ah.

1 KORINT 1:23

tüshe isanü a Jihudarü ki jingmükhebe tüsho khiungkerü ki makhakhi, Khrista yümkihkhi thsangyuthsangrachoh,

EFISIA 2:16

tüsho isa chido sangkim hode pang khülang ching Thrünpuh kheak tsüarihlode mükthsükhi akheam thsüshihpü lakheah.

EFISIA 5:2

Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.

FILIPI 1:6

Tüsho shepünü nüsa lung rhimo atsü tankihkheanü Jisu Khrista nimung khiungde akhik thsüde arhimobah de inü mütsanlah.

FILIPI 3:20

Tüshe isa mihkhung jua yinmi ching lah, tüsho ju chingnü isanü akhümkhitrü, Atungpuh Jisu Khrista aleangchoh.

2 TIMOTHI 4:8

Kheakü Atungpuh, thiyuro-lungki mahkhapbuhnü ju nimung I kilim thsambah jihpü zowupung ching thiyuro-lungki kuthranbo zojihlah–I kilim lang yung tüshe api arüpü lakhi muzhode aleangrü alala kilim she ah.

IBRI 1:13

Tüshe Thrünpuhnü yunirü ki küyimkishe mütha, “Inü nü riribo nü jing jungpung mükamshihyi khiungde I khah tsülim binang.”

IBRI 1:3

Atsührü ju Thrünpuh müretah tahkihlokhi tüsho wulakhi api yu hode lüpdükhi lashihde, dükde api mihtsürüpang huhkhi lah. Apinü neak tsangkhitpü jih dunglim yinmi ching wüntremüretah khah tsülim bin.

IBRI 10:14

Tümüde khülangki kingaünkhinü kim alala thsungkheak tsangkhita larü khiukdahde kamshihdo.

IBRI 10:33

Kim khürü ching a nüsa ju boto mikinü mükhemükim tüsho thsümüchi; kim khürü ching a jude arhimorü lung atruachih.

IBRI 11:36

Püpübo kheah-a münejih tüsho rhap, tüsho rihyam ching rhüka yukde thsünü.

IBRI 12:3

Aneak mihtsürünü api azhihde mukthsükhi apinü arümkheamkhi lümakheahang, junangde nüsa müyiuhyiuh tüsho mulong müdükheak.

IBRI 13:13

Jumonü isanü binpung aleanglim api kilim yüanü, tüsho apinü arümkheamkhi mungchih hananü.

IBRI 5:9

tüsho khiukdahkhi kamde api ju anihbuh ki mihyuanirü alala yo lünnü akhümkhit limro kam,

IBRI 7:19

Tümüde Mosa yakzannü tümü she khiukdahde mükamshih. Tüsho kheakü mulonglam atsübe jihkhi hode isanü Thrünpuh thüninde arükhukchoh.

IBRI 8:1

Isanü athakhi yu ju ha ah: Yinmi ching wüntre-müretah kiulongthsü-binkiu tsülim binkhi isa hadürü amükeamrü lah.

IBRI 9:28

ahihkhüh neak hanpü Khrista khülangki jihkhi ju, neak phüpü yung tüshe mulong dukde api aleangrü khümkhitpü mahne kipü arübah.

JAKOB 2:1

I keoniorübo, isa Atungpuh Jisu Khrista, müretahkhi Atungpuh kheak nüsanü kinla le, jakkheahkhi dühuh.

1 PETER 1:11

Khrista thsünüpü tüsho jushu müretah lapü müchitchoki, arü kheak lakhi Khrista Menü ahuhkhi yande küdürü mihtsürü yungsho tümü kim labaki de arünü yimakheah.

1 PETER 3:18

Tümüde Khrista she neakbo dünkheaknü thiyuro-mülungkirü dünkheak thiyuro-lungkirü khülangkinü lang ashekheah, junangde shih ching ashekhi kamshihbah me ching arhang lashihde apinü isa ju Thrünpuh kilim bede arüpü lakheah;

1 PETER 3:22

shepü yinmi ching yü tüsho Thrünpuh khah tsülim la–yunirübo lungnü, thiyukhüm-sühmüh tüsho wubonü api ki anide lah.

JUDNÜ ATHRÜTKHI KIHÜM HUHTANYU 1:21

nüsabo Thrünpuh amuzho ching lang; lün rhangdung lim isa Atungpuh Jisu Khrista mihmüthsüm thsungkheak aleangang.

AMIKHEAKAKHIUKKHI 1:11

hade tha, “Nünü tümü ngülanü hüm kheak thrütang tüsho borü thüne, Efisia, Symrna, Pergamum, Thyatira, Sardis, Philadelphia, tüsho Ladokia lim mühahang.”

AMIKHEAKAKHIUKKHI 1:17

Küyimki inü api ngükhea, I ashekhi nangde api jing ki lunga yap. Tüshe api khah tsülimnü I kheak qiude tha, “Dütre, I atankih tüsho akheam,

AMIKHEAKAKHIUKKHI 1:8

Shepü la tüsho shepü lakhea tüsho shepü arüpü la, Atungpuh Thrünpuh, Wutonü thachoh, “I atankih tüsho akheam.”

AMIKHEAKAKHIUKKHI 2:8

“Tüsho Smyrna borü ching yunirü kilim thrütang: ‘Atankih tüsho akheam, shebah arhang kambuh yubo.