IBRI 12:16 - AMÜSÜH HÜM CL Bible (BSI)

¹⁶ Sheshe müzammüram mülapü yungsho jim phuru khülang dün nihbuh adüjirü alim yinabahkhi amükinrü Esau nangde mülapü kurhangang.

IBRI 12:16 Iomraidhean Croise

THRÜNTAN 27:36

Tüsho Esaunü tha, “Api mung Jakob de lungkide jia lah yung de? Apinü I ha mahne ki mülapyukchoh: Apinü I zübekhi-alim ludo, tüsho kheakü apinü I müngühmühi ludo!” Apinü keo, “Nünü I thsungkheak müngühmühi khürü aninga muzojih de?”

MARK 7:21

Tümütüsho alunglim mihtsürü mulong chingnü amütsü lümkhi, yüliyüra, müzammüram, mihlaksah,

YUNIRÜBO RHIMO 15:20

ju müthri isanü arü ki sangthsübo kilim kingaünkhi amümüsüh mütsühpü, müzammüram müyihbeakpü, tüsho athünitsahkhi shiwüh yungsho thiyih mütsühpü thrütbeah.

YUNIRÜBO RHIMO 15:29

junangde nüsanü sangthsü kingaünkhi, thiyih, athünitsahkhi, tüsho müzammüram chingnü akümkangbah. Nüsanü harü chingnü tsokhide lasho tsüde arhimobah, tsüde laang.”

1 KORINT 10:8

Arü khürünü rhimobah nimung khülang chingnü 23,000 keamkhi nangde isanü müzammüram ching mümüneanbeah.

2 KORINT 12:21

Küyimki I nüsa kilim alode arübanü Thrünpuhnü I nüsa miki azhihayihshihpü tüsho mümüsühkhi, müzammüram, tüsho küpküprara rhimokhi chingnü mulong mümüthrirü ahihdo kurungkheak tüzhopü inü trejihlah.

EFISIA 5:3

Tüshe nüsa bolung müzammüram tüsho mümüsühkhi alala yungsho yihnelune athashe müthabeah, tümütüsho amüsührü bolung ju maye.

EFISIA 5:5

Müzammüram, amümüsüh mihtsürü, yihnelunerü (sangthsü kingaünrü) sheshe Khrista tüsho Thrünpuh kiulongthsü ching yamrüplurüp müla de mütsanang.

KOLOSI 3:5

Jumonü tümüpürü nü kheak alomi yakli lanü sheshang: müzammüram, mümüsühkhi, amürühkhi, amütsü künkhi tüsho küpü sangthsü kingaünkhibo la, ju yihnelune.

1 TIMOTHI 1:9

junangde ha anikhitpü ju, yakzan ha alungkirü thsungkheak müthsü tüshe yakzan thsümünimrü le mihyumanirü, amükinrü le aneakrü, mümüsühkhi le amüneankhi, berübuhrü laksahrü, mihkhukrü,

IBRI 13:4

Alalanü yamkhün thsükhi wüntre labeah, tüsho yamkhün thsükhi yappung amümüsüh dükamshih; tümüde Thrünpuhnü yüliyüra tüsho müzammüram mahkhapbah.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.