IBRI 12:11 - AMÜSÜH HÜM CL Bible (BSI)

¹¹ Adanyukkhi ju anükhühkheak asühpü yungde thsünükhi lah; ju dunglim judürünü adanyukrü kilim thiyuro-lungki mungtsü sangaso akhiukshihchoh.

IBRI 12:11 Iomraidhean Croise

THRÜNTAN 21:11

Tüsho atsührü dünkheaknü Abraham khide masühde alakheah.

MUNGSHIKHÜN 118:18

Atungpuhnü I khitode thsümüchido, tüshe apinü I müsheshih.

MUNGSHIKHÜN 119:165

Sherünü nü yakzan muzholanü mungtsü ato lah, tümünü she arü jing mümükheshih.

MUNGSHIKHÜN 89:32

inü arü neakbo dün thsümüchibah; arünü amülimbo rhimokhi dün inü arü thsünüshihbah.

MÜCHITMUDU 15:10

Müküpde adanyukkhi ju limro bahyukrü thsungkheak lah, tüsho shepünü athsülangkhi thraneanchonü ashebah.

MÜCHITMUDU 19:18

Nü tsührü danyukang, tümüde ju ching mulonglam lah; api thsümünimpü kheak nü mulong düzojih.

ISAIA 19:22

Atungpuhnü Ijip shikbah tüsho athsüngubah; arünü Atungpuh kilim rholobah tüsho apinü arünü mushukhibo anibah tüsho arü thsüngujihbah.

ISAIA 32:17

Thiyurolungki rhimokhi ching mungtsü labah, tüsho thiyuro-lungki hode akhiukkhi ju lünnü keamram tüsho akinashu labah.

ROMRÜ KILIM PAULNÜ ATHRÜTKHI KIHÜM HUHTANYU 14:17

Tümüde Thrünpuh kiulongthsü ju jim tüsho ayungbe yung tüshe Amüsüh Me ching thiyuro-lungki, mungtsü tüsho asühachihkhi lah;

2 KORINT 4:17

Tümüde ha anükhühkheak thsünükhi junü makekhukkhi akheam müla müretah isa thsungkheak thsakhamde lah.

2 TIMOTHI 4:8

Kheakü Atungpuh, thiyuro-lungki mahkhapbuhnü ju nimung I kilim thsambah jihpü zowupung ching thiyuro-lungki kuthranbo zojihlah–I kilim lang yung tüshe api arüpü lakhi muzhode aleangrü alala kilim she ah.

IBRI 12:10

Tümüde arünü kim akhihkhüh thsungkheak arü künkhinü isa danchoh, tüshe isanü api amüsüh ching shihcham lupü thsüde apinü atsü thsungkheak isa danchoh.

IBRI 5:14

Tüshe tsühyungbe amüküp ju azorü thsungkheak ah, tümüde sherünü athsükhukpü lanü amütsü chingnü atsü mütsankhitpü rhimoakheahde yeanzamdo.

1 PETER 1:6

Anükhüh labah rükaki aphuaphu ching nüsa thsünüpü laa lalashe, ha dünkheak nüsanü asühachihang,

2 PETER 2:14

Mükbo yüliyüranü mide, neak yihbeakpü mutuklo; reangmüzahkhi mihtsürübo arünü münityukchoh. Arü mulongbo mükhütmürapü thsükhita lah. Arübo muthrumünean khüp lah!