IBRI 11:9 - AMÜSÜH HÜM CL Bible (BSI)

⁹ Akin hode apinü alokhikhi, khiungkerü lomi ching api ki ju rukhüh alokhikhi yamrüplurüp lurü Isak le Jakob büne lungnü khimyam ching la.

IBRI 11:9 Iomraidhean Croise

THRÜNTAN 12:8

Ju chingnü api aniyüzahlim Bethel tüsho aniakhiuklim Ai lakhi aniakhiuklim Bethel wungbo lim yü. Ju ching apinü Atungpuh kilim kingaün sadam khülang thsü tüsho Atungpuh mung ji.

THRÜNTAN 13:18

Jumonü Abramnü api khimyam akhin, tüsho yübah Hebron ching Mamre arüngako sangbo thüninde la, tüsho Atungpuh kilim kingaün sadam khülang thsü.

THRÜNTAN 13:3

Tüsho apinü Negeb chingnü hantsahmusubah Bethel le Ai dükeak akhuhlim anihbuh khimyam lapung Bethel khiungde yü,

THRÜNTAN 17:8

Kheakü nüsa hanrü thsüde alakhi Kanan lo alala nü tüsho nü dunglim nü tsühsoniusobo kilim akheam müla yamalo thsüpü jihbah; tüsho I ju arü Thrünpuh thsübah.”

THRÜNTAN 18:6

Jumonü Abrahamnü Sara kilim khimyam ching niokheamde yü tüsho tha, “Nahdang, ayikangkang atsüdak atüm 3 luang tüsho neambah yikhap nunga takjang.”

THRÜNTAN 18:9

Judüki arünü api ki tha, “Nü niube Sara küching la?” Apinü alo, “Khimyam ching lah.”

THRÜNTAN 21:34

Tüsho Abrahamnü Filistia lomi ching kim ashang tsotsahde la.

THRÜNTAN 23:4

“I khiungkerü ah tüsho nüsa bolung tsotsahrü ah. I kilim alo khürü yinjang, junangde inü I niube kiuyuka bahanü.”

THRÜNTAN 25:27

Azüne ju zode arü, tüsho Esau ju shihyanrü, rimshih mihtsürü lakheah, tüshe Jakob a azhihayih mihtsürü, khimyam ching larü lakheah.

THRÜNTAN 28:4

tüsho nü le nü tsühsoniusobo kilim Abraham müngühmühi jihchoh, junangde Thrünpuhnü Abraham kilim jihkhi, nüsa khiungkerü thsüde alakhi lomi nüsa kilim jihbah.”

THRÜNTAN 31:25

Junangde Labannü Jakob yanphuh. Kheakü Jakobnü awungbo ching api khimyambo thsü, tüsho Labannü api keoniorübo bebah Gilead awung-lomi ching thsü.

THRÜNTAN 35:27

Judüki Jakob ju Abram tüsho Isak lacholapung Mamre yungsho Kiriath-arba (ju Hebron) ching abuh Isak kilim arü.

THRÜNTAN 36:7

Tümüde arü rukhüh lapü thsüde arü lakhit tode alakheah, tüsho arü hanrü thsüde alakhi lonü arü shiwüh thsungkheak musuhdahde alakheah.

THRÜNTAN 47:9

Jakobnü Pharao ki alo, “I rümde atsahkhi kambo 130 ah; I kambo ju nüklah tüsho küpkhuk lado, tüsho jurünü I buh pürü rümde atsahkhi kambo mukhiung.”

MUNGSHIKHÜN 105:12

küyimki arübo akhekhi nükde alakhea, atsütsü ju ching khide nükde, tüsho jaksorü lakheah.

JEREMIA 35:7

yungsho nüsanü thüyam müthsü, yungsho müjih müyang; yungsho nüsanü kurungasolu müthsü, yungsho müla; tüshe nüsa nimungbo alala ching nüsabo khimyambo ching labah, junangde nüsa lakhi lo ching nüsa nimung hihde alabah.’

IBRI 6:17

Tümütüsho Thrünpuhnü alokhia lakhi, yamrüplurüp lurü ki mümüthrikhi api lümkhi khide mütsande ahuhpü mulongkhinü, apinü ju thiyuchihchimnü adüngakhi thsüdo,