IBRI 11:7 - AMÜSÜH HÜM CL Bible (BSI)

⁷ Akin hode Noanü adünjipü lakhi müngüyia lalashe Thrünpuhnü athakhi yande api yamkhün khümkhitpü sangkung khülang thsü; ha hode apinü alomiküp bahyuk tüsho akin hode arükhi thiyuro-lungki yamrüplurüp lurü kam.

IBRI 11:7 Iomraidhean Croise

THRÜNTAN 19:14

Jumonü Lotnü wukhiuk tüsho atsührübebo lurü api tsühmeakrübo ki tha, “Asürang, ha dangpung chingnü wukhiukang; tümüde Atungpuhnü ha kiuto dükheakshihbah!” Tüshe apinü keangrüchoh de atsühmeakbonü lüm.

THRÜNTAN 6:13

Thrünpuhnü Noa ki tha, “Mihtsürü alala kheampü I miki arüdo, tümüde alomi ju arü hode athsümünimnü mia lah; tüsho kheahang, inü arübo alomi chingnü adükheakshihbah.

THRÜNTAN 6:22

Thrünpuhnü api ki thiyukhüm jihkhi nangde Noanü lüpdükhi rhimo.

THRÜNTAN 6:9

Ha Noa lün ah. Noa ju api lünbo ching thiyuro-lungki, khiukdahkhi mihtsürü lakheah, tüsho apinü Thrünpuh lung tsah.

THRÜNTAN 7:23

Junangde apinü alomi kheak rhangdung lakhi alala: mihtsürü tüsho shiwühbo, abüde atsahbe tüsho thüning wuhnu dükheakshih. Noa tüsho api lung sangkung ching larü lang aninga lakheah.

THRÜNTAN 7:5

Tüsho Atungpuhnü api ki thiyukhüm jihkhi yande Noanü lüpdükhi rhimo.

THRÜNTAN 8:16

Nü le nü niube, tüsho nü tsührübo le arü niuberübo sangkung chingnü wukhiukang.

2 KIULONG THSÜRÜ 4:5

Jumonü alibenü api bahbah anihbe le atsührübonü khimdopü rih, arünü pangjiphühbo anihbe kilim hande arü, tüsho alibenü dungyuk.

JOB HU H T ANYU 35:8

Nü mihbukmuyukkhinü nü nangde püpürü rheakchoh, tüsho nünü atsü rhimokhinü api rungchoh.

MÜCHITMUDU 22:3

Rük larünü atrebe ngübah jikchoh; tüshe lümlangrünü judü lang yüchoh tüsho thsünüa luchoh.

MÜCHITMUDU 27:12

Rük lakhi mihtsürünü amütsü ngüjungbah jikchoh; lümlangrünü yüchoh tüsho thsünüchoh.

EZEKIEL 14:14

harü mihtsürü mahsam– Noa, Daniel tüsho Job ju ching laa lalashe, arü thiyuro-lungki hode nihbuh lang khümkhitkhukbah, Wuto Atungpuhnü thachoh.

EZEKIEL 14:20

tsükjide I lale, Wuto Atungpuhnü thachoh, ju ching Noa, Daniel tüsho Job arü she lalashe, arünü arü tsührü yungsho tsührübebo mükhümkhitkhuk. Arü thiyuro-lungki hode arü nihbuh lang khümkhitbah.

EZEKIEL 33:5

Arünü hulipungpung düsheak sodo tüsho mukurhang; arü thiyih ju arü ku kheak labah. Tüshe arünü kurhangyu lukhülaa, arünü arü rhangdungbo khümkhita labah.

MATHI 2:12

Milim ching Herod kilim alode düyü de athakhi hode, arünü püpü limronü arü lomi lim alode yü.

MATHI 24:15

“Jumonü küyimki nüsanü, Daniel wukihrü hode athakhi athsümünimshihbe athraneanbe amüsüh dangpung ching zhipde angübanü–akherünü anikhitshang–

MATHI 24:25

Kheahang inü nüsa ki amüngühnü thado.

MATHI 24:38

Tümütüsho keking müngüh nimungbo ching arünü Noanü sangkung ching yüzahkhi nimung khiungde tsühyungde tüsho yamkhün thsüde alakheah;

MATHI 3:7

Tüshe küyimki apinü Pharisirü tüsho Sadukirü ahihdo baptipü arükhi ngükhea, apinü arü ki tha, “Phuruto tsührübo! Shepünü nüsa bukakhiuk arüpü lakhi chingnü thaa tsoshihkhea?

LUKNÜ ATHRÜTKHI THIYUSHEAK-ATSÜ HUHTANYU 17:26

Noa nimungbo ching nangde, Mihtsürü Tsührü nimungbo ching labah:

ROMRÜ KILIM PAULNÜ ATHRÜTKHI KIHÜM HUHTANYU 1:17

Tümüde ju ching Thrünpuh thiyuro-lungki ju akin chingnü akin hode akhiuka lah; ha thrüta lah, “Shepü thiyurolungkianü akin hode arhang alabah.”

ROMRÜ KILIM PAULNÜ ATHRÜTKHI KIHÜM HUHTANYU 10:6

Tüshe akin kheak ningkihkhi thiyuro-lungkinü, “Shepü yinmi ching yükihba?” (ju, Khrista bekhipü) de nüsa mulong ching dütha de thachoh.

ROMRÜ KILIM PAULNÜ ATHRÜTKHI KIHÜM HUHTANYU 3:22

Ha thiyuro-lungki ju Jisu Khrista ching akin hode akinrü alala kilim Thrünpuh kilimnü arüchoh. Ju ching büthsüde tümü müla,

ROMRÜ KILIM PAULNÜ ATHRÜTKHI KIHÜM HUHTANYU 4:11

Apinü tsütabahkhi ju api tsütamübahyichoki akin hode alakhi thiyuro-lungki amütsan yungsho mütsanyüm khülang nangde leangkhi. Jumonü api ju tsütamübahde akinrü alala abuh ah, junangde arü ki thiyurolungki khejihbah.

ROMRÜ KILIM PAULNÜ ATHRÜTKHI KIHÜM HUHTANYU 4:13

Abraham tüsho api tsühsoniusobo ki alomi yamrüplurüp arünü alubah de alokhikhi ju yakzan hode yung tüshe akin thiyuro-lungki hode arü.

ROMRÜ KILIM PAULNÜ ATHRÜTKHI KIHÜM HUHTANYU 9:30

Dale tüsho isanü tümü thaba? Junangde thiyuro-lungki mümüshamrü khiungkerünü akin hode thiyuro-lungki ngüdo;

GALATIA 5:5

Tüshe akinnü, Me hode thiyuro-lungki mulonglam isanü aleangchoh.

FILIPI 3:9

tüsho yakzan yande I küdahnü thiyuro-lungki kamkhi yung tüshe Khrista ching akin hode akin kheak ningkihkhi Thrünpuh kilimnü arükhi thiyuro-lungkinü I api kheak ngübah;

IBRI 11:1

Kheakü akin ju mulonglamde alakhi mütsankhi, müngüde alakhi mütsandakkhi ah.

IBRI 12:25

Shepünü asukchonü, api ki müreanglopü atünadoang. Alomi ching akin yusheak jihrü ki sherünü reanglokheanü mutsokhide lado. Dale tüsho yinmi chingnü asukrü kheaknü isanü rholode tsosho isanü atsokhipü küdükhüh achak laba?

IBRI 5:7

Jisunü api rhangdung lachoki achangnü zhide tüsho chike bukde api khümkhitkhukpü labuh ki tamkhüntamnüde amushukhibo lakheah, tüsho apinü wüntre lade amushukhinü api ki sojih.

IBRI 8:5

Arünü yinmi ching lakhi arüngakopung kiphahkhi tüsho ame ching tankihchoh; tümüde Mosanü khimyam thsüpü lachoki Thrünpuhnü api ki thsangdande tha, “Inü müzüng kheak nü ki huhkhi nangde lüpdükhi rhimopü thsang.”

1 PETER 3:20

harünü Noanü sangkung thsüde alachoki adüso nimungbo ching Thrünpuhnü arümkheamde aleangchoki mihyumanikheah. Ju ching anükbe, mihtsürü 8 lang ke chingnü khümkhit,

2 PETER 1:1

Jisu Khrista tankihrü tüsho amüsüh-thsangyurü Simon Peter kilimnü, Isa Thrünpuh tüsho akhümkhitrü Jisu Khrista thiyuro-lungki ching isa thülünde akin larübo kilim:

2 PETER 2:5

Thrünpuhnü jipü lomi maningshih, tüshe amükinrü mihtsürü lomi kheak keking hande arü; apinü akhümkhitkhi ju thiyuro-lungki thsangyuthsangrabuh Noa, tüsho püpürü mihtsürü 7 lang alakheah;

2 PETER 3:6

Ke harünü judüki alomi she kingdoabah tüsho dükheakshih.