IBRI 11:6 - AMÜSÜH HÜM CL Bible (BSI)

⁶ Tüsho akin mübedüa Thrünpuh asühshihpü mukuk. Tümütüsho shepünü Thrünpuh thüninde yüchonü api lah tüsho api yimrü thsambahbo jihchoh de akin labeah.

IBRI 11:6 Iomraidhean Croise

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

JOB HU H T ANYU 21:14

Arünü Thrünpuh ki thachoh, “Isa zangrü zojang! Isanü nü limrobo mükheahpü mükün.

MUNGSHIKHÜN 106:24

Judüki arünü alo atsü bahyuk; arünü api yu mükin,

MUNGSHIKHÜN 119:10

I mulong athrünkhinü inü nü yimdo; O, I nü yukhümbo chingnü dakhinshih!

MUNGSHIKHÜN 58:11

Mihtsürübonü athabah, “Tsükjide thiyuro-lungkirü thsungkheak thsambah khülang lah; tsükjide alomi ching mahkhaprü Thrünpuh khülang lah.”

MUNGSHIKHÜN 73:28

Tüshe I thsungkheak a Thrünpuh thüninde ayüpü tsülah; inü Atungpuh T HRÜNPU H kheak kinlah, junangde inü nü rhimo alala khipkhitbah.

MUNGSHIKHÜN 78:22

tümütüsho arünü Thrünpuh kheak mükin, tüsho api akhümkhit ching akin müla.

MUNGSHIKHÜN 78:32

Hade thsüthsü she arünü neak yihbeak; tüsho api amüyinsahbe rhimobo arünü mükin.

MÜCHITMUDU 11:18

Mihbukmuyuk mihtsürünü mülapmüji rhimo thsüchoh, tüshe shepünü thiyuro-lungki hiuchonü atsütsü thsambah ngüchoh.

MÜCHITMUDU 8:17

Sherünü I muzhochonü inü muzhochoh, tüsho sherünü düshihde I yimchonü I ngübah.

ISAIA 55:3

Nü nükhün muphoang, tüsho I kilim arang; aniang, junangde nü labah. Inü nü kheak akheam mülakhi tangzüng, inü muzhodakkhi, David thsungkheak tsükjide muzhokhi labah.

ISAIA 7:9

Ephraim ku ju Samaria, tüsho Samaria ku ju Remalia tsührü. Nünü akin ching düküngde müzhipsho, nü judü lang müzhip.

JEREMIA 2:31

Tüsho nü, O ha lün, Atungpuh yu aniang! Israel kilim I sunglo yungsho khide amiting lakhea de? Dale, “ Isa zuzu lah, kheaküa isa nü kilim marü” de küde thsah I mihtsürünü thacho?

WÜHKHE 14:11

Tüsho Atungpuhnü Mosa ki tha, “ Harü mihtsürübonü külokhüh I bahyukba? Tüsho inü arü bolung khinthiyinbe huhhuh she, arünü külokhüh I kheak mükinba?

WÜHKHE 20:12

Tüshe Atungpuhnü Mosa tüsho Aron ki tha, “ Tümütüsho nükenü Israelrü mük ki I amüsüh de akin jihde muhuh, jumonü nükenü harü boto inü arü kilim jihpü alokhikhi lomi ching bebah müyü.”

MATHI 11:26

Am, Abuh ha nü miki atsü lakheah.

MATHI 5:12

Asühachihang tüsho asühang, tümütüsho yinmi ching nüsa thsambah ato lah, tümüde nüsa müngüh larü wukihrübo arünü hanangde thsümüchikheah.

MATHI 6:16

“Küyimki nünü khümkeak thsübanü, yiuhkhaprübo nangde jak mitinga dühuh tümüde arünü mihtsürübo ki arü khümkeak thsükhi huhpü arü mirobo müneanchoh. Inü nüsa ki thiyuro thachoh, arü thsambah ngüabahdo.

MATHI 6:33

Tüshe nünü akhuhde api kiulongthsü tüsho api thiyuro-lungki yimang, tüsho harü alala nü kilim jihbah.

MATHI 6:5

“Küyimki nüsanü tamkhüntamnübanü yiuhkhaprübo nangde düthsü, tümüde arünü mihtsürübonü angüshihpü sinagogbo ching le kiudunglimrobo kheak zhipbah tamkhüntamnüpü mürühchoh. Inü nüsa ki thiyuro thachoh, arü thsambah ngüabahdo.

MARK 16:17

Tüsho sherünü akinbanü amütsan harü labah: I mung chingnü arünü amünean mebo yankhitbah; arünü püpürü yuthabo thabah;

LUKNÜ ATHRÜTKHI THIYUSHEAK-ATSÜ HUHTANYU 12:31

Tüshe Thrünpuh kiulongthsü yimang, tüsho harü alala nüsa kilim jihbah.

LUKNÜ ATHRÜTKHI THIYUSHEAK-ATSÜ HUHTANYU 6:35

Tüshe nü riribo muzhoang, atsü rhimoang, tüsho angülopü mükkin dülade nipjang; tüsho nü thsambah ato labah, tüsho nüsa ju Khide Achang tsührübo thsübah; tümüde apinü makshe-müjihrü tüsho mihbukmuyuk ki muzholah.

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

JOHAN 8:24

Jumonü nüsa neakbo ching nüsa shebah de inü nüsa ki thakheah; tümütüsho I api ah de nüsanü mükinsho, nüsa neakbo ching nüsa shebah.”

ROMRÜ KILIM PAULNÜ ATHRÜTKHI KIHÜM HUHTANYU 10:14

Tüshe arünü mükinkhi ki mihtsürübonü küde ajiba? Tüsho arünü küyimkishe musobuh ki küde akinba? Tüsho thsangyuthsangrarü mülade arünü küde asoba?

GALATIA 5:6

Tümüde Jisu Khrista ching tsütabahkhi yungsho tsütamübahkhi thsüthsü tümü büthsüde müla, tüshe amuzho hode akinnü rhimochoh.

IBRI 11:26

Apinü Ijip rahpungbo kheaknü alü thsüde Khrista dünkheaknü mungchih ngüpü muzho, tümütüsho apinü nihbuh thsambah mikhuh kheahde alakheah.

IBRI 3:12

Keoniorübo, kümkangang, jude yungsho nüsa bolung mükinkhi mulong khürünü nüsa arhang Thrünpuh kheaknü bekhide atsobah.

IBRI 4:2

Tümüde arü kilim nangde thiyusheak atsü isa kilim arü tüshe arünü asokhi yusheaknü arü alü müthsü, tümütüsho arünü akin bede musokhit.

IBRI 4:6

Jumonü ju sühakhim ching khürü yüzahpü kheaküshe aninga lah, tüsho sherünü akhuhlim thiyusheakatsü leangkhikheanü arü mihyumanikhi hode müyüzah,

IBRI 7:19

Tümüde Mosa yakzannü tümü she khiukdahde mükamshih. Tüsho kheakü mulonglam atsübe jihkhi hode isanü Thrünpuh thüninde arükhukchoh.

IBRI 7:25

Jumonü api hode Thrünpuh thüninde arürü apinü kim alala ching arü khümkhitpü kuklah, tümütüsho arü thsungkheak mushujihpü api kamruhroro lah.

2 PETER 1:10

Jumonü keoniorübo, nü jikhi tüsho mokhitkhi mütsanpü alü künang, tümüde nünü ha rhimosho küyimkishe nü mülakphah.

2 PETER 1:5

Ha dünkheaknü nüsanü akin ching atsü yukajakpü mürangang; tüsho atsü ching mükheahmudu;

2 PETER 3:14

Jumonü amuzho müyamrübo, tümütüsho nüsanü ha kheahde lale, areak mükihde, amudopü mülade tüsho mungtsü lade apinü angüshihpü mürangang.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

RUTH 2:12

Atungpuh Israel Thrünpuh shepü ghidükeang bukkhüp nü tsoyukpü arükheanü, apinü nü rhimo tüsho nü mihkhah mode thsambah jihshang!”