IBRI 11:5 - AMÜSÜH HÜM CL Bible (BSI)

⁵ Akin hode apinü ashekhi müngüde Enok bekih-a lu; tüsho api müngü, tümütüsho Thrünpuhnü api bea lu. Api bea muluyichoki api ju Thrünpuh asühshihrü khede alakheah.

IBRI 11:5 Iomraidhean Croise

2 KIULONG THSÜRÜ 2:1

Kheakü küyimki Atungpuhnü Elija ju chitmühean chingnü yinmi lim bede yükihpü lakhea, Elija tüsho Elisha büne Gilgal limnü ane limro ching lakheah.

2 KIULONG THSÜRÜ 2:11

Anenü mutuklode tsahde tüsho asukachihde alachoki, mo-lolungbe tüsho mo-khorabonü ane azüshih, tüsho Elija a chitmühean chingnü yinmi lim yükihabah.

MUNGSHIKHÜN 89:48

Tümü mihtsürünü ashepü müngüde lakhukla? Apinü kiuyuk wu chingnü nihbuh rhangdung bekhitkhukla de?

JEREMIA 36:26

Tüsho kiulongthsüpuhnü kiulongthsürü tsührü Jerameel, Azriel tsührü Seraia tüsho Abdeel tsührü Shelemia, athrütbuh Baruk tüsho wukihbuh Jeremia rampü thiyukhüm jih. Tüshe Atungpuhnü ane ramabah.

LUKNÜ ATHRÜTKHI THIYUSHEAK-ATSÜ HUHTANYU 2:26

Junangde apinü Atungpuhnü alokhikhi Messia arükhi müngüyikia ashepü müngü de Amüsüh Menü api ki akhiuka huh.

LUKNÜ ATHRÜTKHI THIYUSHEAK-ATSÜ HUHTANYU 3:37

Methusela tsührü, Enok tsührü, Jared tsührü, Mahalalel tsührü, Kenan tsührü,

1 TESALONIKA 2:4

tüshe isa kheak thiyusheakatsü reangkihjihpü Thrünpuhnü amulongkhi nangde mihtsürü asühshihpü yung tüshe isa mulong rükakheahbuh Thrünpuh asühshihpü isanü asukchoh.

IBRI 11:6

Tüsho akin mübedüa Thrünpuh asühshihpü mukuk. Tümütüsho shepünü Thrünpuh thüninde yüchonü api lah tüsho api yimrü thsambahbo jihchoh de akin labeah.

IBRI 2:9

Tüshe Thrünpuh amüthsüm hode alala thsung thsüde ashepü Jisu ju anükhühkheak yunirübo kheaknü abobe kamkhi, kheakü api thsünüde ashekhi hode müretah tüsho wüntre thranjihkhi isanü ngüchoh.

1 JOHAN 3:22

tüsho isanü tümüpürü kheangbanü isanü api kilimnü leangkhichoh, tümütüsho isanü api yuzüngbo zochoh tüsho api asühbe rhimochoh.

JUDNÜ ATHRÜTKHI KIHÜM HUHTANYU 1:14

Adam kheaknü lün thünepü Enoknü harü dünkheak müchitde tha, “Kheahang, Atungpuh api amüsüh yunirü chithürübo bebah arü,