IBRI 11:4 - AMÜSÜH HÜM CL Bible (BSI)

⁴ Akin hode Abelnü Kain kheaknü atsübe laksah-a kingaünkhi Thrünpuh kilim jih, ju hode Thrünpuhnü api thsambah leangkhikhinü thiyumütsan thsüde thiyuro-lungki mülükhi ngü; api shedo, tüshe api akin hode kheakü khiungde asukchoh.

IBRI 11:4 Iomraidhean Croise

THRÜNTAN 4:10

Tüsho Atungpuhnü tha, “Nünü tümü rhimokhea? Nü niurü thiyihnü alo chingnü I ki zhichoh.

THRÜNTAN 4:15

Tüshe Atungpuhnü api ki tha, “Jude yung, khürünü Kain laksahsho, api kheak thüne ki royimbah.” Tüsho khürünü api ngübah mülaksahshihpü thsüde Atungpuhnü Kain kheak mütsan khülang yihkihjih.

THRÜNTAN 4:25

Kheakü Adamnü aniube kheak nung, tüsho alibenü tsührü khülang zübe tüsho amung Seth de jide tha, “Thrünpuhnü Abel müthri tsührü khülang I kilim jihdo, tümütüsho Kainnü api laksah.”

THRÜNTAN 4:8

Kheakü Kainnü aniurü Abel ki tha, “Ike thulu ching yüanü.” Tüsho ane thulu ching lachoki Kainnü aniurü Abel azhihde wusu tüsho api laksah.

1 KIULONG THSÜRÜ 18:38

Judüki Atungpuh mo aki tüsho taka kingaünkhi sang, lung, asungthulung aniuabah, tüsho wungkeru kiukhi ching ke she kungabahshih.

JOB HU H T ANYU 8:10

Arünü nü ki müthsangyuba de tüsho müthaba de tüsho arü anikhitkhi chingnü thiyu müthaba de?

MÜCHITMUDU 15:8

Mihbukmuyuknü laksah-a kingaünkhi ju Atungpuh kilim athraneanbe lah, tüshe alungkirü tamkhüntamnü ju api asühpü lah.

MÜCHITMUDU 21:27

Mihbukmuyuknü shuhmülanga jihkhi ju athraneanbe; mihbukmuyuk lümkhi thsüde apinü hande arükhi a küdükhüh she alaba!

LEVI 9:24

Atungpuh kilimnü mo akhiuk tüsho kingaünpung kheak lakhi taka kingaünkhi tüsho müdangmurubo aniuabah. Küyimki mihtsürübonü ju ngükhea, arü alalanü zhi tüsho arü miro mükhümabah.

MATHI 23:35

junangde thiyuro-lungkirü Abel thiyih kheaknü nüsanü arüngyam le kingaün sadam dükeak laksahkhi Berekia tsührü Zekaria thiyih khiungde, alomi ching thiyuro-lungkirü thiyih bukkhi alala nüsa kheak arübah.

LUKNÜ ATHRÜTKHI THIYUSHEAK-ATSÜ HUHTANYU 11:51

Abel thiyih kheaknü kingaün sadam le arüngakopung dükeak bukkhi Zekaria thiyih khiungde. Am inü nüsa ki thachoh, ha lün thsümüchibah.

TITA 1:16

Arünü Thrünpuh mükheahlah de thaa luchoh, tüshe arü rhimobonü api reanglochoh; arübo athraneanbe mihyumanikhi, rhimo atsü tümü thsungkheak she müthülün.

IBRI 11:2

Tümüde ha hode adüso mihtsürübonü Thrünpuhnü amülüjihkhi leangkhi.

IBRI 12:1

Jumonü boto ato thiyumütsanbonü isa mükamdoa lale, isa kheak kapkihde arükhi limkhudo tüsho neak bahkhianü, tüsho mikhuh lümkihbah alihanü.

IBRI 12:24

tüsho aso tangzüng limburü Jisu kilim, tüsho Abel thiyih kheaknü alü muzhode athakhi arhakkihkhi thiyih kilim.

IBRI 5:1

Achangbe amükeamrü aban nihbuh mihtsürü bolungnü arü thsung thsüde Thrünpuh tankihde, neakbo dünkheak shuhmülanga jihkhibo tüsho kingaünkhibo jihpü mokhitchoh.

IBRI 9:22

Dükde, yakzan bukkhüp lüpdükhi thiyihnü atsangkhitpü lah, tüsho thiyih mübukkihdüa neak bahkhi müla.

2 PETER 2:8

(tümüde thiyuro-lungki mihtsürü ju arü bolung lade arü yakzan mülakhi rhimobo ngükhi tüsho asokhinü nimung aban api thiyuro-lungki me thsünü)–

JUDNÜ ATHRÜTKHI KIHÜM HUHTANYU 1:11

Arü are! Tümüde arünü Kain limro ching tsahchoh, tüsho Balaamnü alakmihkhi alü thsüpü lim arü küdahnü bahyukchoh, tüsho Kora azhihkhi ching dükheakchoh.