IBRI 11:36 - AMÜSÜH HÜM CL Bible (BSI)

³⁶ Püpübo kheah-a münejih tüsho rhap, tüsho rihyam ching rhüka yukde thsünü.

IBRI 11:36 Iomraidhean Croise

THRÜNTAN 39:20

Judüki Josep putungrünü api bea lubah kiulongthsürü yo aramrü zopung rihyam ching api yuk. Tüsho api rihyam ching lakheah.

1 KIULONG THSÜRÜ 22:24

Judüki Kenaana tsührü Zedekianü Mikaia kilim atubah, api müchip kheak dam tüsho tha, “Nü ki thapü Atungpuh me küpü limronü I hokhea?”

1 KIULONG THSÜRÜ 22:27

tüsho thaang, ‘ Kiulongthsüpuhnü ha tha: Ha buh ha rihyam ching yukang, tüsho I mungtsü chingnü marüchoki, api ki yikhap tüsho ke lang kipduhang.’”

2 KIULONG THSÜRÜ 2:23

Ju chingnü api Bethel ching wutu; tüsho api limro ching yüde alachoki, athrürü nunubo khürü kiuto chingnü akhiukbah api ki münejihde tha, “Tsoabahang, kurakrak! Tsoabahang, kurakrak!”

2 KIUTHSÜYUKHEAN 16:10

Judüki Asanü wukihbuh kheak bukakhiuk, tüsho api rihyam ching yuka zo, tümüde ha dünkheaknü api kheak abukakhiuk. Tüsho judüchoki Asanü mihtsürü khürü kheak bukakhiukde rhimo.

2 KIUTHSÜYUKHEAN 18:26

tüsho thaang, ‘ Kiulongthsüpuhnü ha thachoh: Ha buh ha rihyam ching yukang, tüsho I mungtsü ching malodarüchoki yikhap tüsho ke anüknük kipduhang.’”

2 KIUTHSÜYUKHEAN 30:10

Jumonü yunithsürübonü kiuto chingnü kiuto yüde Ephraim tüsho Manase lomi hode tüsho Zebulun khiungde yü; tüshe arünü arü kheak akinashu mülade keangrümünejih.

2 KIUTHSÜYUKHEAN 36:16

tüshe api mihtsürübo kheak Atungpuh bukakhiukkhi khide tode kambah mutsokhitpü khiungde, arünü Thrünpuh yunithsürübo ki keangrümüne, api yubo mükhemükim thsü, tüsho api yo wukihrübo ki münejih.

JEREMIA 20:2

Judüki Pashhurnü wukihbuh Jeremia shik, tüsho Atungpuh yam Benjamin Chipiripit akube ching lakhi rihyam ching zo.

JEREMIA 20:7

O Atungpuh , nünü I mülapyukdo tüsho I mülapyuka lakheah, nünü I zhihodo tüsho nünü kukdo. I nimung amuyung münedung kamdo; alalanü I ki münejihchoh.

JEREMIA 29:26

Atungpuhnü aküdah thsüde amükeambuh Jehoiada müthri nü amükeambuh kamshih, junangde makharü mihtsürünü wukihrü nangde ahorichoki, anihbuh yinchiliu ching yukde, yinchi-hunghingbe yukjihpü Atungpuh yam ching atorü labah.

JEREMIA 32:8

Judüki Atungpuh yu yande I buhdo tsührü Hanamel I kilim aheangpung rihyam ching arü, tüsho I ki tha, “Benjamin lomi Anathoth ching lakhi I lu thuloang, tümüde alakukruk tüsho rhokhitpü alim nü yo ah; ju nü thsungkheak thuloang.” Judüki ha Atungpuh yu ah de inü mükheah.

JEREMIA 36:6

jumonü nü yüang, tüsho khümkeak thsü nimung inü thade nünü athrütkhi Atungpuh yu küpqiu chingnü mihtsürübonü sode kheang. Nünü jurübo Juda mihtsürü arü kiutobo chingnü arürünü she sode kheang.

JEREMIA 38:28

Tüsho Jeremia ju Jirusalem yankhi nimung khiungde aheangrü mahkhappung ching lakheah.

JEREMIA 39:15

Jeremia aheangrü mahkhappung ching lachoki Atungpuh yu arü:

DANIEL 11:33

Mihtsürü bolung lümlung larünü ahihdo kilim anikhitkhi jihbah; judüalalashe nimung anükhüh arübo nukshang tüsho motrunü tüsho yande aramkhinü akeambah.

MATHI 20:19

tüsho mükhemükimshihpü, arhapshihpü tüsho ayümkihshihpü khiungkerü kilim jihbah.”

MATHI 21:35

Thulu-mücherünü api yamlarübo ram; arünü khülang lak, püpü laksah, tüsho asampü ju lungnü king.

MATHI 23:34

Jumonü inü nüsa kilim wukihrübo, lümlung larü mihtsürübo, tüsho yakzan thsangyurübo thiyibah: nüsanü khürü laksahbah tüsho ayümkihbah, tüsho khürü nüsa yo sinagogbo ching rhapbah tüsho kiuto chingnü kiuto khiungde athsümüchibah,

MATHI 27:26

Judüki apinü arü kilim Baraba dükhe; tüsho apinü Jisu ju rhapbah ayümkihshihpü shuhmülanga jih.

MARK 10:34

arünü api mükhemükimbah, api kheak rhapde mukhiukkihbah, tüsho api laksahbah. Tüsho mahsam nipü api arhang kamlobah.”

LUKNÜ ATHRÜTKHI THIYUSHEAK-ATSÜ HUHTANYU 18:32

Tümüde api ju khiungkerü kilim jihbah tüsho luhmünede mükhemükimbah, tüsho amukhiukkihbah.

LUKNÜ ATHRÜTKHI THIYUSHEAK-ATSÜ HUHTANYU 23:11

Judüki Herod tüsho api bonungrübonü api luhmünede mükhemükim thsü; tüsho api kheak khimmih atsü yihkihjihbah Pilat kilim yüloshih.

LUKNÜ ATHRÜTKHI THIYUSHEAK-ATSÜ HUHTANYU 23:36

Tüsho bonungrübonü she api mükhemükimde arübah asan ke duh,

YUNIRÜBO RHIMO 21:33

Limthobuhnü thüninde arübah api bea lu tüsho wuhrünliu mahnenü api rhükpü thiyukhüm jih; tüsho api she a tüsho anihbuhnü tümü rhimokheanü apinü keokhi.

YUNIRÜBO RHIMO 24:27

Tüshe küyimki kam mahne hokhea, Felix ju Porcia Festanü müthri; tüsho Jihudarü asühshihpü Felixnü Paul ju rihyam ching zo.

YUNIRÜBO RHIMO 4:3

Tüsho ane rambah zhinga lamonü ashido khiungde rihyam ching zo.

YUNIRÜBO RHIMO 5:18

arünü amüsüh-thsangyurübo rambah boto rihyam ching zo.

YUNIRÜBO RHIMO 5:40

Jumonü arünü ha athsunganahkhi lu, tüsho amüsüh-thsangyurübo jiyukbah lak tüsho Jisu mung chingnü müthapü thürühbah tsoshih.

YUNIRÜBO RHIMO 8:3

Tüsho Saulnü borü thsümünimpü tankih. Athrürü tüsho aliberübo thüyam chingnü yankhita rihyam ching jih.

EFISIA 3:1

Ha thsungkheaknü, I Paul, nüsa khiungkerü dünkheak Jisu Khrista aramrü–

EFISIA 4:1

Jumonü I Atungpuh thsungkheaknü aramrünü nüsa küpü ching jia lanü ju thülünde rhangdung lapü nüsa ki tuthsukchoh,

2 TIMOTHI 1:16

I alochode reangzahshihkhi thsungkheak Onesiphora yamkhün kilim Thrünpuhnü mihmüthsüm jihshang; I rihyam ching lakhi apinü machih,

2 TIMOTHI 2:9

tümüde ha dünkheak I thsünüchoh tüsho khukshikrü nangde rhüka lah, tüshe Thrünpuh yu a mürhük.

IBRI 10:34

Nüsanü aramrü lung thsünürung, tüsho küyimki nüsa kukruk alala yankhia luabahjihkhea, nüsanü asühde adükheakkhi arüm, tümütüsho kheaküshe lünnü tsüpde alabe atsübe lakhi nüsanü mükheah-a lakheah,

AMIKHEAKAKHIUKKHI 2:10

Nü thsünüpü lakhi dünkheak dütre. Inü nü ki thachoh, arimrinü nüsa khürü rükakipü rihyam ching yukbah, tüsho nüsa thsümüchikhi nimung thürü rünkhitbah. Ashepü she khiungde thiyuro laang, tüsho inü nü kilim rhangdung kuthran jihbah.

MAHKHAPRÜ 16:25

Junangde küyimki arü mulong asühde alakheanü, arünü tha, “Samson jiang, junangde apinü isa ki kithsükilangbah.” Jumonü arünü rihyam chingnü Samson ji, tüsho apinü arü ki kithsükilang. Arünü api dungjing mahne dükeak zhipshih.