IBRI 11:32 - AMÜSÜH HÜM CL Bible (BSI)

³² Tüsho kheaküshe inü tümü thaba? Inü Gideon, Barak, Samson, Jephtha, David, Samuel tüsho wukihrübo dünkheak thapü kim müla,

IBRI 11:32 Iomraidhean Croise

MUNGSHIKHÜN 99:6

Mosa tüsho Aron api amükeamrübo lung lakheah, tüsho Samuel ju api mung jirü bolung lakheah; arünü Atungpuh ki ji, tüsho apinü arü ki alojih.

JEREMIA 15:1

Judüki Atungpuhnü I ki tha: Mosa tüsho Samuel I miki zhipzhip she, I mulong ha mihtsürü kilim murholo. I mikinü arü wukhiukshang, tüsho arübo tsoshang!

MATHI 5:12

Asühachihang tüsho asühang, tümütüsho yinmi ching nüsa thsambah ato lah, tümüde nüsa müngüh larü wukihrübo arünü hanangde thsümüchikheah.

LUKNÜ ATHRÜTKHI THIYUSHEAK-ATSÜ HUHTANYU 13:28

Nüsanü Abraham, Isak tüsho Jakob tüsho wukihrübo alala Thrünpuh kiulongthsü ching ngübah nüsa jipkhita bahchoki, ju ching atripkhi tüsho hü mütrütkhi labah.

LUKNÜ ATHRÜTKHI THIYUSHEAK-ATSÜ HUHTANYU 16:31

Tüshe apinü anihbuh ki tha, ‘Arünü Mosa tüsho wukihrübo yu manisho, ashekhi chingnü khürü arhang kamlolo she arünü mükinde alabah.’ ”

JOHAN 21:25

Jisunü püpü rhimokhi ahihdo lah. Jurü alala thrütkhülaa, athrütkhi hümnü alomiküp alala she mazühde alabah de inü lümchoh.

YUNIRÜBO RHIMO 10:43

Sherünü api kheak kinchonü api mung hode neak bahjihkhi leangkhichoh de wukihrübo alalanü api kilim thiyumütsan thsüchoh.”

YUNIRÜBO RHIMO 13:20

Ju dunglim apinü arü kilim kam 450 bande Samuel wukihrü khiungde mahkhaprübo jih.

YUNIRÜBO RHIMO 3:24

Tüsho wukihrü alala, Samuel tüsho ashulim arürünü harü nimungbo müchitdo.

ROMRÜ KILIM PAULNÜ ATHRÜTKHI KIHÜM HUHTANYU 3:5

Tüshe isa mihbukmuyukkhinü Thrünpuh thiyuro huhpü thsüsho, isanü tümü thaba? Apinü isa thsümüchichoki Thrünpuhnü amülim thsüchoh de isanü athakhukba de? (Inü mihtsürü ayannü thachoh.)

ROMRÜ KILIM PAULNÜ ATHRÜTKHI KIHÜM HUHTANYU 4:1

Dale tüsho isa jipürü Abraham dünkheak hadürü yimkhitkhi ching tümü thaba?

ROMRÜ KILIM PAULNÜ ATHRÜTKHI KIHÜM HUHTANYU 6:1

Dale tüsho isanü tümü thaba? Mihmüthsüm suhdahpü thsüde isanü neak ching mutuklode alabea shi?

ROMRÜ KILIM PAULNÜ ATHRÜTKHI KIHÜM HUHTANYU 7:7

Dale tüsho isanü tümü thaba? Yakzan ju neak a de? Jude yung! Tütüshe yakzan hode yungkhülaa inü neak mümükheah-a labah. Yakzannü, “Nünü düyihnelune,” de müthakhülaa inü mümükheahpü lakheah.

JAKOB 5:10

Keoniorübo, thsünü tüsho arümkheampü ching Atungpuh mung ching asukrü wukihrübo kheaknü amütsan luang.

2 PETER 1:21

tümütüsho müchitkhi tümü she mihtsürü lümkhi chingnü marü, tüshe Amüsüh Menü bede mihtsürübonü Thrünpuh kilimnü asuk.

2 PETER 3:2

junangde amüsüh wukihrübonü müchitkhi tüsho nüsa amüsühthsangyurübo hode Atungpuh tüsho akhümkhitbuh yukhüm nüsanü alümkhitbah.

MAHKHAPRÜ 13:24

Jumonü alibenü tsührü khülang zübe tüsho amung Samson de ji; khungarü ju zode asürü, tüsho Atungpuhnü api müngühjih.

MAHKHAPRÜ 15:20

Tüsho apinü Filistiarü nimungbo ching Israel kam muku mahkhap.

MAHKHAPRÜ 4:1

Ehud she dunglim Israel mihtsürübonü Atungpuh miki amütsü rhimolo.

MAHKHAPRÜ 6:1

Israel mihtsürünü Atungpuh miki amütsü rhimo; tüsho Atungpuhnü arübo kam thüne Midiarü khah ching jih.

MAHKHAPRÜ 6:11

Kheakü Atungpuh yunirü Ophra ching arü tüsho Abiezerrü Joash yo thülamdung khüp bin. Api tsührü Gideon yukhu-nitpung ching wheat hi nitde alakheah, junangde Midiarü kheaknü jik.

MAHKHAPRÜ 6:14

Judüki Atungpuhnü api kilim rholo tüsho tha, “ Ha nü sühmüh chingnü yüang, tüsho nünü Israel ju Midiarü khah chingnü khümkhitbah. Inü nü thiyikhi yung de?”

1 SAMUEL 1:20

Kim dükdü ching Hanna mübünkeangde kam tüsho athrürü khülang zübejih. Anihbenü api mung Samuel de ji, tümüde alibenü tha, “Inü api thsungkheak Atungpuh ki kheangkheah.”

1 SAMUEL 12:11

Tüsho Atungpuhnü Jerubbaal, Bedan, Jephtha, tüsho Samuel thiyibah nüsa mühi thiriribo khah chingnü nüsa khümkhit; tüsho nüsa akhümkhitkhi ching la.

1 SAMUEL 16:1

Atungpuhnü Samuel ki tha, “ Külokhüh nü Saul dünkheak tüzhoba? Inü api Israel kurungkheak kiulongthsüpü chingnü bahyukdo. Nü shihjuh ching oliv müdangke yukang tüsho tsahmusuang; inü nü Bethlehem ching Jesse kilim yüshihbah, tümüde api tsührü bolungnü inü kiulongthsürü khülang mokhitdo.”

1 SAMUEL 16:13

Judüki Samuelnü oliv müdangke pung lu, tüsho akhiungmungrü mikinü api mujude-mokhit; tüsho ju nimungnü Atungpuh me ju wu chingnü David kheak arü. Jushu Samuelnü tsahmusu tüsho Rama lim yü.

1 SAMUEL 17:45

Tüshe Davidnü Goliath ki tha, “Nünü nukshang, thsüh tüsho thsühshang shuhbah I kilim arang; tüshe I a nünü mükhemükimkhi Israel bonungrü Thrünpuh Wuto Atungpuh mung chingnü arübah.

1 SAMUEL 2:11

Judüki Elkananü Rama ching thüyam lim yü, tüshe azübuh a amükeambuh Eli miki Atungpuh tankih.

1 SAMUEL 2:18

Azübuh Samuelnü khim zhingzhing yihbah Atungpuh miki tankihde alakheah.

1 SAMUEL 2:4

Wuto sanglühbo zhakabahdo, tüshe sühmüh mülarübo reangzahchoh.