IBRI 11:25 - AMÜSÜH HÜM CL Bible (BSI)

²⁵ Apinü anükhühkheak neak asühakopü yungde Thrünpuh mihtsürü thsünükhi lung berung.

IBRI 11:25 Iomraidhean Croise

JOB HU H T ANYU 20:5

mihbukmuyuk asühpü khihlah, tüsho Thrünpuh mümükheahrü asühachihpü kim anükhüh lang ah?

JOB HU H T ANYU 36:21

Amütsü lim murholopü kümkangang; tümütüsho ju dünkheaknü nü thsünükheah.

MUNGSHIKHÜN 47:9

Abraham Thrünpuh mihtsürü yakzanshuhrübo rukhüh mukhunga lah. Tümüde alomi tsungbo ju Thrünpuh yo; api changde shuhkih-a lah.

MUNGSHIKHÜN 84:10

Nü arüngyam ching lakhi nimung khülang ju püpü lim chithürü kheaknü atsübe; mihbukmuyukrü khimyambo ching lapü dün a I a Thrünpuh yam ching ripit-neakrü thsübah.

ISAIA 21:4

I lümkhi heanchoh, atrebenü I müyinsahshihdo; inü mürheangde alakhi shuhyini I thsungkheaknü ajanpü kamdo.

DANIEL 3:18

Tüshe Apinü jude müthsüthsü she nünü ha mükheahang, O kiulongthsüpuh, junangde isanü nü thrünpuhbo mütankih yungsho nünü thsüa zhipshihkhi suna mejak mükingaün.”

MATHI 13:21

tütüshe api kheak aying mülakhinü anükhühkheak lang lachoh. Küyimki küpkhuk yungsho thsümüchi arübanü ju yu dünkheaknü api nahde lungabahchoh.

LUKNÜ ATHRÜTKHI THIYUSHEAK-ATSÜ HUHTANYU 16:25

Tüshe Abrahamnü alo, ‘I tsah-a, nü rhangdung atsü ngüdo tüsho Lazar amütsü ngüdo de lümkhitang, tüshe kheakü ha ching sühakhimde lah tüsho nü a thsümüchi ching lah.

YUNIRÜBO RHIMO 7:34

Tsükjide Ijip ching arü thsümüchikhi tüsho arü ashekhi inü sodo, tüsho arü bekhitpü I akikheah. Kheakü arang, inü nü Ijip lim yüshihanü.’

ROMRÜ KILIM PAULNÜ ATHRÜTKHI KIHÜM HUHTANYU 5:3

Ju lang yung, thsünükhinü arümkheam akhiukchoh de mükheahbah isanü isa thsünükhi ching asühachihchoh,

2 KORINT 5:17

Jumonü khürü Khrista ching lasho, api aso thrünlokhi ah; awünbe hode tsodo, kheahang, aso arüdo.

KOLOSI 1:24

Kheakü nüsa dünkheak thsünükhi ching I asühchoh, tüsho Khristanü api pang, ju borü dünkheak thsünükhi ching mübanthsangkhi I shih ching inü banthsangshihchoh.

2 TIMOTHI 1:8

Isa Atungpuh, yungsho api yo aramrü I dünkheak thiyumütsan thsüpü dachih, tüshe Thrünpuh wu ching thiyusheak-atsü thsungkheak thsünüpü ching shihcham luang,

IBRI 10:32

Tüshe adüso nimungbo ching nüsa ayin ngü dunglim thsümütsü amüküp arümkhi lümkhitang.

IBRI 11:37

Arübo lungnü rusah, arübo mahne thsüde rhütshak, arübo nukshangnü laksah; arübo zhochihde, thsümüchide, tüsho mükhemükimde namfimihnubo tüsho mihnubo küpbo phuyubah rümde yü.

IBRI 4:9

Junangde Thrünpuh mihtsürübo thsungkheak amuni sühakhim aninga lah;

JAKOB 1:20

tümüde mihtsürü bukakhiukkhinü Thrünpuh thiyuro-lungki mühandarüchoh.

JAKOB 5:5

Nüsanü alomi kheak müthangmüsünde tüsho asühakode lado; alaksahkhi nimung ching nüsa shihkih-a ludo.

1 PETER 2:10

Khülangki nüsa Thrünpuh mihtsürü yungde alakheah, tüshe kheaküa nüsa api mihtsürü ah; khülangki nüsanü mihmüthsüm müleangkhide alakheah tüshe kheaküa nüsanü mihmüthsüm leangkhido.

AMIKHEAKAKHIUKKHI 18:7

Anihbenü müretah-a lukhi tüsho müthangmüsün ahorikhi nangde, alibe kilim ju ruk adüna thsümüchi tüsho tüzhopü jihang. Tümütüsho anihbe mulong ching alibenü thachoh, ‘I kiulongthsüberü thsüde binlah; I a khimoberü yung, I küyimkishe mütüzho,’