IBRI 11:17 - AMÜSÜH HÜM CL Bible (BSI)

¹⁷ Akin hode Abrahamnü api rükakheahchoki Isak jih, tüsho shepünü alokhikhibo leangkhikheanü api tsührü lapkhiung lakhi jihabahpü thsakhambah alakheah,

IBRI 11:17 Iomraidhean Croise

THRÜNTAN 22:16

tüsho tha: “Inü ha thiyuchihchimdo, Atungpuhnü thachoh, tümütüsho nünü nü tsührü khülang lang alakhi tukloa muzode rhimodo,

2 KIUTHSÜYUKHEAN 32:31

Kheaküshe, Babilonrü limburü, lomi ching amütsan rhimokhi dünkheak keokhikeorashihpü arünü athiyikhi she, api mulong ching lakhi alala apinü mükheahpü thsüde rükakiakheahpü Thrünpuhnü api kheaknü akhin.

MÜCHITMUDU 17:3

Suna tüsho shotoyinchi ju monü thsahakheahchoh, tüshe Atungpuhnü mulong rükakheahchoh.

DANIEL 11:35

Lümlung larü khürü akeambah, junangde mihtsürübo akheam kim khiungde changkhitbah, tsangkhitbah tüsho areak mükihde alabah, tümüde akhukhitkhi kim ching ju arübah.

ZEKARIA 13:9

Tüsho ha shihchamkhüh ju inü mo ching yukbah, khürünü shotoyinchi changkhitkhi nangde arü changkhitbah, tüsho suna taka kheahkhi nangde arü taka kheahbah. Arünü I mung jibah, tüsho inü arü ki alobah. Inü athabah, “Arü I mihtsürü ah;” tüsho arünü athabah, “Atungpuh ju isa Thrünpuh.”

JOHAN 3:16

“Tümütüsho Thrünpuhnü alomiküp muzhokhinü api tsührü lapkhiung jih, junangde shepünü api kheak kinbanü müdükheak tüshe akheam müla rhangdung labah.

2 KORINT 8:12

Tümüde thsakhama lasho, amülakhi yande yungde, mihtsürü ju tümü lanü ju yande aleangkhikhukbe lah.

YUZÜNGTHALO 8:2

Tüsho Atungpuh nüsa Thrünpuhnü sunglo ching nimung yirü bedarükhi nüsanü alümkhitbah, junangde apinü nüsa azhihayihshihde, nüsanü api yuzüng anidüshi yungnü nüsa mulong ching lakhi mükheahpü rükakibah.

IBRI 11:13

Harü mihtsürü alala akin ching lade she. Alokhia lakhi arünü müleangkhi; arünü limshu chingnü lang ngü tüsho leangkhi. Tüsho arübo alomi kheak khiungkerü tüsho hanrü ah de mütsan.

IBRI 7:6

Tüshe trükji yungde alakhi ha mihtsürünü Abraham kheaknü thürü shihcham leangkhi tüsho alokhikhi labuh müngühjih.

JAKOB 5:11

Kheahang, arümkheamrü isanü asühpü de jichoh. Jobnü arümkheamkhi nüsanü sodo, tüsho nüsanü Atungpuh lümkhi, Atungpuh amuzho tüsho mihmüthsüm ngüdo.

1 PETER 4:12

Amuzho müyamrübo, nüsa rükaki thsünü lachoki nüsa ki tümükhüh aso dünjikhi nangde dümüyinsah.

AMIKHEAKAKHIUKKHI 3:10

Tümütüsho nünü arümkheamde I yu zodo, alomi kheak larü rükakheahpü alomiküp athrünkhi kheak arüpü lakhi rükakipü kim chingnü inü nü küma zobah.