IBRI 10:7 - AMÜSÜH HÜM CL Bible (BSI)

⁷ Judüki inü tha, ‘Kheahang, I dünkheak küpqiu ching thrüta lakhi nangde nü lümkhi rhimopü I arüdo, O Thrünpuh.’ ”

IBRI 10:7 Iomraidhean Croise

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

EZRA 6:2

Tüshe ju Ekbatana kiuto Midia lomi ching küpqiu kheak harü thrüta ngü:

MÜCHITMUDU 8:31

api lakhi lomiküp ching asühachihde, tüsho I asühkhi ju mihtsürü tsührübo lung lakheah.

ISAIA 50:5

Atungpuh Thrünpuhnü I nükhün khimshuhjih, tüsho inü mazhih, inü mutsolo.

JEREMIA 36:2

Küpqiu khülang luang tüsho inü Israel le Juda tüsho trükshih alala azhihde, Josia kiulongthsüchoki inü nü ki asukpü tankihkhinü kheakü khiungde nü ki asukkhi yubo ju kheak thrütang.

EZEKIEL 2:9

Judüki inü kheah, tüsho I ki khah chunghuhkhi inü ngü, tüsho ju ching küpqiu khülang lakheah.

EZEKIEL 3:1

Tüsho apinü I ki tha, “Mihtsürü tsührü, nü miki tümü lanü tsühang, küpqiu ha tsühang; jushu yüang tüsho Israel yamkhün ki asukang.”

JOHAN 4:34

Jisunü arü ki tha, “I tsühyungbe ju I thiyibuh lümkhi rhimopü, tüsho api rhimo banpü lah.

JOHAN 5:30

“I küdahnü tümü müthsükhuk. Inü asokhinü mahkhapchoh; tüsho I mahkhapkhi ju thiyuro-lungki, tümütüsho inü I lümkhi müyim tüshe I thiyibuh I Buh lümkhi yimchoh.

JOHAN 6:38

Tümüde I lümkhi yungde I thiyibuh lümkhi rhimopü I yinmi chingnü akikheah.