IBRI 10:39 - AMÜSÜH HÜM CL Bible (BSI)

³⁹ Tüshe isa a tuklode tsobah adükheakrü yung, tüshe akin lah tüsho khümkhita lah.

IBRI 10:39 Iomraidhean Croise

MUNGSHIKHÜN 44:18

Isa mulong murholo; isa jing nü limro chingnü makhin.

MÜCHITMUDU 1:32

Arükari mümükheahrü mihtsürü ju arünü lümlung bahyukkhi hode shechoh, tüsho makharü reangkeamkhinü arü dükheakbah;

MÜCHITMUDU 14:14

Mihtsürü amütsü ju arü thülünkhi ngübah, tüsho mihtsürü atsü a arü rhimobo dün thsambah ngübah.

MARK 16:16

Shepünü kinde baptibanü akhümkhitbah; tüshe shepünü mükinnü abahyukbah.

LUKNÜ ATHRÜTKHI THIYUSHEAK-ATSÜ HUHTANYU 11:26

Judüki apinü yübah api kheaknü amütsübe me thüne bebah arüchoh, tüsho arünü yüzahbah ju ching lachoh; tüsho mihtsürü ashube kuhi ju akhuhbe kheaknü amütsübe kamchoh.”

JOHAN 17:12

I alomi ching arü lung lachoki nü mung ching inü arü küma zo. Nünü I kilim jihkhibo inü neakdo; amüsühyu dünjipü thsüde adükheakpü akhua lakhi tsührü kheak hode arü sheshe müdükheak.

JOHAN 20:31

tüshe Jisu ju Khrista, Thrünpuh tsührü de nüsanü akinpü thsüde, tüsho akinkhi hode api mung ching nüsa rhangdung lapü thsüde harü thrüta lah.

JOHAN 5:24

Atsütsü inü nüsa ki thachoh, shepünü I yu anicho tüsho I thiyibuh kheak kinchonü akheam müla rhangdung lah, tüsho mahkhap ching marü, tüshe ashe chingnü hode rhangdung lim yüdo.

JOHAN 6:40

Tüsho ha I thiyibuh lümkhi ah, junangde atsührü ngübah api kheak kinrü aban akheam müla rhangdung labah; tüsho inü akheam nimung ching api arhang kamloshihbah.”

1 TESALONIKA 5:9

Tümüde Thrünpuhnü isa bukakhiukpü thsungkheak yung, tüshe isa Atungpuh Jisu khrista hode akhümkhit ngüpü mokhit.

2 TESALONIKA 2:3

Shenü she nüsa tümü ching she dümülapyukshih, tümüde azhihkhi makhiukyikia tüsho athsümünimpü akhua lakhi aneak mihtsürü makhiukyikia ju nimung marü.

1 TIMOTHI 6:9

Tüshe sherünü alarü kampü künchonü rükaki ching, azheang ching tüsho makhade mihtsürü thokheambe tüsho athsümünimbe ahihdo ching yüzahchoh.

IBRI 10:26

Thiyuro mükheahmudu leangkhi dunglim isanü khekhungde neak yihbeakde lasho neak dünkheak shuhmülanga jihpü aninga müla,

IBRI 10:38

tüshe I yo thiyuro-lungkirü akin hode alabah, tüsho apinü tuklode tsosho I menü api kheak masüh.”

IBRI 11:1

Kheakü akin ju mulonglamde alakhi mütsankhi, müngüde alakhi mütsandakkhi ah.

1 PETER 1:5

sherü akheam kim ching amikheak akhiukpü lakhi akhümkhit thsungkheak akin hode Thrünpuh wunü aheangde la.

2 PETER 3:7

Ju yunü kheakü lakhi thüningbo tüsho alomi, mahkhap nimung tüsho amükinrü mihtsürü dükheakshihpü khiungde mo thsungkheak akhua zolah.

1 JOHAN 5:16

Khürünü nihbuh keoniorü ashepü müthsüde neak yihbeakde ngüsho, apinü tamkhüntamnüjang tüsho Thrünpuhnü api kilim rhangdung jihbah. Inü ha amüshebe neak ki thachoh. Ashepü thsüde neak khülang lah. Ju dünkheak apinü tamkhüntamnübeah de inü thachoh yung.

1 JOHAN 5:5

Shepünü alomi kukpü la? Jisu ju Thrünpuh tsührü de akinrünü lang ah.

AMIKHEAKAKHIUKKHI 17:11

Shiwüh küpü labah, kheakü mülade lanü ju kiulongthsürü atizheahpü ah. Api thüne ching ju belah tüsho api dükheakpung ching yüchoh.

AMIKHEAKAKHIUKKHI 17:8

Khülangki nünü angükhi shiwüh ju, kheaküa jude müla, tüsho alokhünbit chingnü akhiukbah anihbuh dükheakpung ching yübah. Alomi ching larübo alomiküp thrünbah rhangdung hüm ching mung thrüta mülarünü shiwüh ngüchoki amüyinsahbah, tümütüsho api khülangki lakhi, kheaküa jude müla, tüshe arülobah.

1 SAMUEL 15:11

“Inü Saul kiulongthsürü kamshihkhi I mulong ashichoh, tümüde apinü I ru yankhi chingnü rholodo, tüsho I yukhümbo mürhimo.” Samuelnü bukakhiuk; tüsho tsüngreroro Atungpuh ki zhi.