IBRI 10:33 - AMÜSÜH HÜM CL Bible (BSI)

³³ Kim khürü ching a nüsa ju boto mikinü mükhemükim tüsho thsümüchi; kim khürü ching a jude arhimorü lung atruachih.

IBRI 10:33 Iomraidhean Croise

MUNGSHIKHÜN 69:9

Nü arüngyam mürheangkhinü I aniuabahdo, tüsho nü mükhemükimrünü mükhemükimkhi I kheak akihdo.

MUNGSHIKHÜN 71:7

I a ahihdo ki amütsan khülang kam, tüshe nü I tsoyukpung amüküp ah.

MUNGSHIKHÜN 74:22

Asürang, O Thrünpuh, nü dünkheak leangloang; makharü mihtsürünü nü nimung aban münejihkhi lümkhitang.

MUNGSHIKHÜN 79:12

Atungpuh , arünü nü mükhemükimkhi dünkheak püpürü trükshihbo ki thüne ki athrihloang.

MUNGSHIKHÜN 89:51

Nü riribonü nünü mujude-mokhitkhi kiulongthsüpuh mükhemükimchoh, O Atungpuh ; arünü api yüpung alala ching mükhemükimdo.

ISAIA 51:7

Nüsa sherü thiyuro-lungki mükheahlanü, nüsa mihtsürü sherü mulong ching I thsangyukhi lanü I ki aniang; püpürünü mükhemürangkhi dütre, tüsho arünü nü mükthsüchoki mulong dünini.

NAHUM 3:6

Inü müneanmuru nü kheak bahbah tüsho bahyukde nü jungbah, tüsho mükkheahdung kamshihbah.

ZEKARIA 3:8

Kheakü aniang, Jihusua, Achangbe Amükeambuh, nü tüsho nü miki binrü nü zhimzhurübo! Tümüde arübo ju arübe kuhi-atsü amütsan lah: Inü I yamlarü Akhah hande arübah.

1 KORINT 4:9

Tümüde mihtsürü sheshihkhi nangde akheam thsüde Thrünpuhnü isa amüsüh-thsangyurü ah de huhdo dükhi inü lümlah; tümütüsho isa ju alomi, yunirü tüsho mihtsürübo ki mükkheahdung kamdo.

2 KORINT 12:10

Jumonü Khrista dünkheaknü inü reangmüzahkhi, mükhemükim, küpkhuk, thsümüchi, tüsho thsümütsübo kheak reangkeamlah; tümüde küyimki I reangmüzahbanü, I sühmüh lah.

FILIPI 1:7

Inü nüsa alala thsungkheak lümpü alungki lah, tümütüsho inü nüsa I mulong ching hanlah, tümüde I rihyam ching lachoki tüsho thiyusheak-atsü chilopü le mütsanmükhipü ching I lung nüsa alala amüthsüm shihcham lurü ah.

FILIPI 4:14

Tüshe I küpkhukbo ching nüsanü arungkhi ju nüsa tsüdakkhi lakheah.

1 TESALONIKA 2:14

Keoniorübo, nüsa ju Judea ching Jisu Khrista lung Thrünpuh borübo kheahkhirü kamdo; tümüde Jihudarü hode arü thsünükhi nangde nüsa nihbuh lomi mihtsürü hode ju ruk thsünüdo,

2 TIMOTHI 1:8

Isa Atungpuh, yungsho api yo aramrü I dünkheak thiyumütsan thsüpü dachih, tüshe Thrünpuh wu ching thiyusheak-atsü thsungkheak thsünüpü ching shihcham luang,

IBRI 11:26

Apinü Ijip rahpungbo kheaknü alü thsüde Khrista dünkheaknü mungchih ngüpü muzho, tümütüsho apinü nihbuh thsambah mikhuh kheahde alakheah.

IBRI 11:36

Püpübo kheah-a münejih tüsho rhap, tüsho rihyam ching rhüka yukde thsünü.

IBRI 12:4

Neak bede shochihkhi ching nüsanü thiyih bukpü khiungde mazhihyi.

IBRI 13:13

Jumonü isanü binpung aleanglim api kilim yüanü, tüsho apinü arümkheamkhi mungchih hananü.