IBRI 10:29 - AMÜSÜH HÜM CL Bible (BSI)

²⁹ Shepünü Thrünpuh tsührü jing khüp jungde, api tsangkhitkhi tangzüng thiyih müneankhea, tüsho amüthsüm Me mükhemükimrü küdükhüh she athsümüchipü thülünba de nüsanü lümcho?

IBRI 10:29 Iomraidhean Croise

2 KIULONG THSÜRÜ 9:33

Apinü tha, “Alibe jipkhiang.” Jumonü arünü alibe jipkhia bah; anihbe thiyih khürü rhü kheak tüsho anihbe kheak jungkhi khorabo kheak rhakkih.

MUNGSHIKHÜN 143:10

Nü lümkhi rhimopü I ki thsangyuang, tümüde nü I Thrünpuh ah; nü me atsünü alungki limro ching I beshang.

MUNGSHIKHÜN 91:13

Nünü kekhüzü tüsho jingto kheak nitbah, kekhüzü nunu tüsho phuruto nü müphü khüp jungbah.

ABEKHIT 24:8

Tüsho Mosanü athiyih lubah mihtsürübo kheak rhakkih tüsho tha, “Ha Atungpuhnü nüsa kheak harü yubo alala yande tangzüngkhi thiyih ah.”

ISAIA 14:19

tüshe nü a nü kiuyuk chingnü jipkhita bahlah, abahyukkhi sangkhah nangde, ashenü muhiudobahle, küpü nukshangnü düchipashungkhea, shepü Lungkhün ching yüzahkhea, ashemi khülang müphü khüp jungkhi nangde.

ISAIA 28:3

Ephraim amüshangrü kükheangkhi kuthran ju müphü khüp junakbah.

ISAIA 63:10

Tüshe arünü azhih tüsho api memüsüh mulong rozhakshih; jumonü api ju arü riri kam; anihbuhnü arü azhihde keochih.

JEREMIA 1:5

“ Inü nü nuyam ching müthrünchokinü inü nü mükheahlah, tüsho nü müzübeyide inü nü müsühkhit; inü nü trükshihbo kilim wukihrü khülang thsüpü mokhit.”

TÜZHOKHI 1:15

Atungpuhnü I lung lakhi thirithsürübo alala bahyuk; apinü I azhihde I mihtsürü athunubo zünakpü kim khülang zhiyuk; Atungpuhnü yukhu nitpung nangde atsangkhit Juda tsührübe jungnakdo.

EZEKIEL 16:6

Judüki I hode yü tüsho nü thiyih ching nünü mükhede ngü, tüsho nü thiyih ching nü yapde lachoki nü ki inü tha, “ Laang!”

DANIEL 8:13

Judüki amüsühbuhnü asukkhi inü so, tüsho püpü amüsühbuhnü khülang ki ju asuk, “Taka kingaünkhi, zhikabahshihde neak yihbeakkhi, arüngyam tüsho yinmi bonungrü jungpü michih ha külokhüh laba?”

MIKA 7:10

Judüki I ririnü angübah, tüsho achihnü anihbe lüpdobah, shepünü I ki tha, “Atungpuh nü Thrünpuh küching la?” I mükbonü anihbe lungkhi ngübah; kheakü anihbe ju kiudunglimro akhimniuhniuh nangde athrümyukbah.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

MATHI 26:28

Tümüde ha aso tangzüngkhi, ahihkhüh neak bahjihpü bukkhi I thiyih ah.

MATHI 7:6

“Tümü amüsühanü khihnubo kilim düjih; yungsho nü yo sünsobo kheaknu miki düzojih, jude thsüsho arünü jurü arü jing khüp jungbah tüsho rholobah nü adütre kamde ayihthünakbah.

MARK 7:2

Arünü api jingyanrü khürü khah mümütsakde yimtsühkhi ngü.

LUKNÜ ATHRÜTKHI THIYUSHEAK-ATSÜ HUHTANYU 12:10

Tüshe khürünü Mihtsürü Tsührü azhihde athakhi api neak bahjihbah; tüshe Amüsüh Me azhihde athakhi a neak mübahjih.

JOHAN 10:36

inü I Thrünpuh tsührü de athamonü, Abuhnü tsangkhitde alomi ching arüshihbuh ki, ‘Nünü mükhemükimchoh,’ de nüsanü thacho de?

JOHAN 17:19

Tüsho arü dünkheaknü I tsangkhitchoh, junangde thiyuro hode arü she atsangkhitbah.

YUNIRÜBO RHIMO 7:51

“Nüsa achungthülang mihtsürübo, mulong tüsho nükhün ching tsütamübahrü, nüsanü kamruhroro Amüsüh Me reanglochoh. Nüsa jipürübonü arhimokhi nangde nüsanü rhimochoh.

ROMRÜ KILIM PAULNÜ ATHRÜTKHI KIHÜM HUHTANYU 16:20

junangde mungtsü Thrünpuhnü nahde nüsa jing khüp Arimri zünakbah. Isa Atungpuh Jisu Khrista amüthsüm nüsa lung laang.

1 KORINT 11:27

Jumonü sherünü müthülünkhi yakli chingnü yikhap tsühba yungsho pung yungbanü Atungpuh pang tüsho thiyih azhihde neak yihbeakkhi amülim labah.

1 KORINT 11:29

Tümütüsho shepünü Atungpuh pang mümütsande tsühcho tüsho yungchonü nihbuh kheak thiyukhap hande arüchoh.

1 KORINT 15:25

Tümüde apinü anihbuh riribo alala ajing khüp müyüzahshihyi khiungde yakzan shuhbah.

1 KORINT 15:27

“Tümüde Thrünpuhnü lüpdükhi api jing khüp yüzahshih.” Tüshe küyimki “Lüpdükhi api king khüp yüzahshihdo” de athabanü, lüpdükhi api jing khüp yüzahshihbuh ju a mübe.

1 KORINT 6:11

Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.

EFISIA 4:30

Arhokhitpü nimung thsungkheak nüsa yümkih-a lakhi Thrünpuh Amüsüh Me mulong dütukthsüshih.

EFISIA 5:26

junangde kenü amüsüh dunglim api yunü anihbe tsangkhitpü thsü,

IBRI 10:10

Tüsho ju lümkhinü Jisu Khrista pang rüpde khülangki lang ajihkhi hode isa tsangkhit.

IBRI 12:25

Shepünü asukchonü, api ki müreanglopü atünadoang. Alomi ching akin yusheak jihrü ki sherünü reanglokheanü mutsokhide lado. Dale tüsho yinmi chingnü asukrü kheaknü isanü rholode tsosho isanü atsokhipü küdükhüh achak laba?

IBRI 13:20

Lün tangzüng thiyih hode namfimihnu neakrü ato, Atungpuh Jisu Khrista ashe chingnü arhang kamloshihbuh Thrünpuh mungtsünü,

IBRI 2:11

Tümüde shepünü tsangkhitcho tüsho sherü tsangkhita lanü alala Abuh rukhüh lah. Jumonü apinü arü ki keoniorü de ajipü machihde

IBRI 2:3

isanü hadürü akhümkhit ato bahyuksho küde thsah isa tsokhiba? Ju akhuhde Atungpuhnü khipkhit, tüsho api sorünü isa ki mütsanloshih,

IBRI 4:14

Jumonü yinmibo hode ayükhi Thrünpuh tsührü Jisu isa achangbe amükeamrü ato lale, isanü akinkhi kheak düküngde ramrihanü.

IBRI 6:4

Tümüde khülangki mulong müthribah, yinmi thsambah tsahkeakheahkhi, tüsho Amüsüh Me ching shihcham lurü thsungkheaknü amukukkhi lah;

IBRI 6:6

jumonü arünü chamkhide tsosho, arü mulong rholokhi ching belodarüpü mukuk, tümütüsho arünü kheaküshe Thrünpuh tsührü yümkihlochoh tüsho boto ki mungchih kipchoh.

IBRI 9:13

Mümüsühkhi mihtsürü kheak mihnubo le moshipungbo thiyih rhakkhi tüsho moshinunu takkhi wahbonü arü shih mümüsühkhi tsangkhitchosho,

IBRI 9:20

Apinü tha, “Ha Thrünpuhnü nüsa ki thiyukhüm jihkhi tangzüng thiyih ah.”

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi