IBRI 10:25 - AMÜSÜH HÜM CL Bible (BSI)

²⁵ khürünü susu thsüde alakhi nangde isanü rukhüh mukhungpü mutuklonü, tüshe Atungpuh nimung thüninde arükhi nüsanü ngülale khülangnü khülang tuthsukachihanü.

IBRI 10:25 Iomraidhean Croise

MATHI 10:15

Tsükjide inü nüsa ki thachoh, mahkhap nimung Thrünpuhnü ju kiuto kheaknü Sodom tüsho Gomorra mihtsürü ki alü amüthsüm huhbah!

MATHI 18:20

Tümütüsho küching I mung chingnü mahne yungsho mahsam mukhunga lanü, arü bolung I lah.”

JOHAN 12:48

Shepünü I bahyukcho tüsho I yubo müleangkhichonü mahkhap khülang lah; inü athakhi yu hode akheam nimung api mahkhapbah.

YUNIRÜBO RHIMO 16:16

Isa tamkhüntamnü dangpung lim yüde alachoki, menü müchitde aputungrü khide alü thsüshihde alakhi azhorü liberü khülangnü isa shoru.

YUNIRÜBO RHIMO 2:1

Küyimki thünimni-thünio nimung khiungkhea, arü alalanü rukhüh dangpung khülang ching mukhung.

YUNIRÜBO RHIMO 2:42

Tüsho arünü amüsühthsangyurübonü thsangyukhi le arihmukhung, yikhap yihnakkhi tüsho tamkhüntamnü ching mulong jih.

YUNIRÜBO RHIMO 20:7

Amu-khip akhuhbe nimung, yikhap yihnakpü isa rukhüh mukhungchoki, Paulnü ashidopü chamachihpü lümde arü ki asukachih; tüsho apinü tsüngphulung khiungde asukachih.

ROMRÜ KILIM PAULNÜ ATHRÜTKHI KIHÜM HUHTANYU 12:8

shepünü tuthsukchonü, apinü atuthsukkhi ching; shepünü rungzürungdochonü, salakhi ching; shepünü limbechonü, jinjihde; shepünü mihmüthsüm huhchonü, asühsahdo rhimoang.

1 KORINT 11:20

Küyimki nüsa rukhüh mukhungbanü, nüsanü atsühkhi ju Atungpuh thünio yung.

1 KORINT 14:23

Jumonü, borü abümnü mukhungbah alalanü thiyuthabo chingnü thasho, tüsho aleangkheakrü yungsho amükinrü azahsho, nüsa ju abünrü ah de arünü müthaba de?

1 KORINT 14:3

Tüshe shepünü müchityubo mihtsürübo ki thachonü arü shuhkihpü, mulong toyu tüsho mulong shukheampü lah.

1 KORINT 3:13

mihtsürü aban rhimo amikheak akhiukbah; nimungnü ju lahkhita huhbah, tümütüsho ju monü akhiuka huhbah, tüsho rhimokhi aban küdürüanü monü thsahakheahbah.

1 KORINT 5:4

Küyimki nüsa, isa Atungpuh Jisu Khrista mung chingnü mukhungbanü, tüsho isa Atungpuh Jisu wu bebanü,

FILIPI 4:5

Nüsa arümkheamachihkhi alalanü mükheahshang. Atungpuh thüninde lah.

1 TESALONIKA 4:18

Jumonü harü yubonü khülangnü khülang mulong shukheamachihang.

1 TESALONIKA 5:11

Jumonü nüsanü rhimode alakhi nangde khülangnü khülang tuthsukachihang tüsho shuhkihachihang.

IBRI 10:24

isanü muzhoachihpü tüsho rhimo atsü rhimopü khülangnü khülang thurumusuachihpü lümanü,

IBRI 10:37

Amüsühyunü thachoh, “Tümütüsho anükhühkheak labah, shepü arüde lanü mashude arübah;

IBRI 13:22

Keoniorübo, inü tuthsukde athakhi yu arümde anipü nüsa ki mushuchoh, tümüde inü nüsa kilim akhihkhühnü thrütdo.

IBRI 3:13

Tüshe neak rükakikhinü nüsa sheshe mulong mümüküpshihpü thsüde “Khihni” de ajikhi la khiungde nimung aban nüsa khülangnü khülang tuthsukachihang.

JAKOB 5:8

Nüsa she arümkheamang, mulong ayihyih thsang, tümüde Atungpuh arüpü thüninde lah.

1 PETER 4:7

Alala akheam thüninde lah; jumonü nüsanü tamkhüntamnüpü kukpü thsüde lümkhi amüsüh tüsho zangrü danyukde laang.

2 PETER 3:11

Tümütüsho lüpdükhi hanangde athsümünimpü lale, nüsa küdürü mihtsürü labea? Nüsanü müsühde tüsho kinde,

2 PETER 3:14

Jumonü amuzho müyamrübo, tümütüsho nüsanü ha kheahde lale, areak mükihde, amudopü mülade tüsho mungtsü lade apinü angüshihpü mürangang.

2 PETER 3:9

Khürünü ruhlah dükhi nangde, Atungpuhnü apinü alokhikhi muruhchoh. Apinü she lang she müdükheakshihne, tüshe mihbüm aban mulong müthrishihpü nüsa kheak arümkheamde lah.

JUDNÜ ATHRÜTKHI KIHÜM HUHTANYU 1:19

Achamnakrü, alomi mihtsürü, Me mülakhi ju harü ah.