IBRI 10:22 - AMÜSÜH HÜM CL Bible (BSI)

²² isanü amülim chingnü atsangkhitkhi mulong tüsho ke amüsühnü amüsühkhitkhi pangnü mulong jihde tüsho akin mütsankhinü Thrünpuh ki thüninde yüanü.

IBRI 10:22 Iomraidhean Croise

1 KIULONG THSÜRÜ 15:3

Anihbuh abuhnü api müngüh rhimokhi nangde apinü neak alala yihbeak; abuh David mulong nangde, api mulong ju Atungpuh api Thrünpuh kilim thiyuro mülakheah.

1 KIUTHSÜYUKHEAN 12:33

Zebulunrü banthsangkhi bonungrü thirithsü ching thsühnuk alala shuhkhukde lümkhi khülang thsübah David rungrü 50,000.

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

1 KIUTHSÜYUKHEAN 29:17

I Thrünpuh, nünü mulong yimchoh tüsho thiyuro lungki ching reangkeamchoh de inü mükheahlah; I mulong alungki chingnü inü ha kukrukbo alala akeangnü jihdo, tüsho kheakü nü mihtsürübonü ha ching nü kilim akeangnü tüsho asühde ajihkhi inü ngüdo.

MUNGSHIKHÜN 111:1

Atungpuh shiang! Inü alungkirü mukhungkhi tüsho mukhungmüdan ching I mulong athrünkhinü Atungpuh shibah.

MUNGSHIKHÜN 119:10

I mulong athrünkhinü inü nü yimdo; O, I nü yukhümbo chingnü dakhinshih!

MUNGSHIKHÜN 119:145

Inü I mulong athrünkhinü zhichoh; I ki aniang, O Atungpuh ! Inü nü yakzan thsükhibo zobah.

MUNGSHIKHÜN 119:2

Shepü api yukhümbo zocho, shepü mulong athrünkhinü api yimchonü müngühmühi!

MUNGSHIKHÜN 119:34

I kilim anikhitpü jihang, tüsho inü nü yakzan zobah; atsütsü, inü ju I mulong athrünkhinü aleangkhibah.

MUNGSHIKHÜN 119:58

Inü I mulong athrünkhinü nü muzho dünkheak mushu; nü yu yande I ki müthsümang.

MUNGSHIKHÜN 119:69

Kükheangküyang mihtsürübonü I dünkheak akeangyu thado, tüshe I mulong athrünkhinü inü nü yukhümbo anichoh.

MUNGSHIKHÜN 119:7

Küyimki inü nü thiyuro-lungki mahkhapkhibo anikhitbanü, inü mulong alungkinü nü shibah.

MUNGSHIKHÜN 119:80

Nü yakzan thsükhibo dünkheak I mulong mudomüra dülashih, junangde I achih müngüde alabah.

MUNGSHIKHÜN 32:11

Nüsa thiyuro-lungkirü, Atungpuh lung asühang tüsho asühachihang; nüsa mulong ching alungki larü asühde zhiang!

MUNGSHIKHÜN 51:10

O Thrünpuh, I kheak mulong amüsüh khülang thrünjang, tüsho I kheak thiyuro me aso kamshang.

MUNGSHIKHÜN 73:28

Tüshe I thsungkheak a Thrünpuh thüninde ayüpü tsülah; inü Atungpuh T HRÜNPU H kheak kinlah, junangde inü nü rhimo alala khipkhitbah.

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

MUNGSHIKHÜN 9:1

Inü I mulong athrünkhinü Atungpuh kilim makshe jihbah; inü amüyinsahbe rhimobo alala thabah.

MUNGSHIKHÜN 94:15

Tüshe mahkhapkhi ju thiyuro-lungki lim rholochoh, tüsho mulong ching lungkirü alalanü ju yanbah.

ABEKHIT 29:4

Tüsho Aron le atsührübo ashorupung khimyam limro ki bede arang tüsho kemüyihjang.

MÜCHITMUDU 23:26

I tsah-a, nü mulong I kilim jihang tüsho nü mükbo I limrobo lim zoang,

ISAIA 29:13

Atungpuhnü tha: Tümütüsho harü mihtsürünü arü münnü phünide arüchoh tüsho arü münküpnü I wüntrechoh, tüshe arü mulong a I kheaknü limshulah, tüsho arü kingaünkhi ju mihtsürü yukhüm lümkangyunü anikhitkhi lah;

ISAIA 52:15

Junangde apinü trükshih ahihdo müyinnimshihbah; api dünkheaknü kiulongthsürübo arü mün yihdobah; tümütüsho arü ki müthakhi arünü angübah, tüsho arünü musokhi anikhitbah.

JEREMIA 24:7

Inü arü kilim I Atungpuh de mükheahpü mulong jihbah; tüsho arübo I mihtsürü thsübah tüsho I arü Thrünpuh thsübah, tümüde arü mulong athrünkhinü arübo I kilim rholobah.

JEREMIA 3:10

Tütüshe dükde mülakhi anihbe achi Judanü mulong athrünkhinü I kilim malodarü, tüshe rüklimnü lang ah, Atungpuhnü thachoh.

JEREMIA 30:21

Arü kovünor arü bolung chingnü alabah, arü yakzanshuhrü arü bolungnü arübah; inü api phünide bedarübah, tüsho api I ki arübah tümüde shepünü müjide I ki arükhukpü? Atungpuhnü thachoh.

EZEKIEL 16:9

Inü nü kemüyihjih tüsho nü kheaknü thiyih müsühjih tüsho nü kheak müdangke mujujih.

EZEKIEL 36:25

Inü nü kheak ke amüsüh rhakkihbah, tüsho mümüsühkhibo chingnü nü müsühbah, tüsho nü sangthsübo alala chingnü inü nü müsühbah.

LEVI 14:7

Apinü apham tukthsü chingnü amüsühkhitbuh mihtsürü kheak thiyih thüne ki rhakkihbah, jushu api müsühlah de athabah, tüsho rhangdung lakhi wuhnu ju kimtsüh ching phinde atsoshihbah.

LEVI 16:4

Tüsho Atungpuhnü thsangdankhibo harü jih. Aronnü khide Amüsüh Dangpung ching müyüyide, apinü kemüyihjungbeah tüsho amükeamrü khimmih yihbeah; shulünkhim zhingzhing tüsho khimmih akhihkhihbo, pangrümbe, tüsho kuhingbe lubeah.

LEVI 8:6

Mosanü Aron tüsho atsührübo khuhto ching bedarü tüsho arüngako kemüyihjih.

ZEKARIA 13:1

Ju nimung David yamkhün tüsho Jirusalem ching larü thsungkheak arü neak tüsho mümüsühkhi chingnü arü müsühkhitpü kenü khülang yahshungbah.

WÜHKHE 8:7

Tüsho nünü arü ki ha ruk müsühkhitang: arü kheak amüsühkhitbe ke rhakkihang tüsho arübo pang athrünkhi hütabahshang tüsho khimmihbo müsühshang, tüsho arübo amüsüh labah.

MATHI 3:11

Inü nüsa mulong müthrirü kenü baptijihchoh, tüshe shepü I dunglim arüchonü I kheaknü atobe, ajingkhümpübo inü ahanpü müthülün. Apinü Amüsüh Me tüsho monü nüsa baptijihbah.

LUKNÜ ATHRÜTKHI THIYUSHEAK-ATSÜ HUHTANYU 1:1

Isa bolung dünjikhi thrütpü ahihkhühnü mürang.

JOHAN 3:5

Jisunü alo, “Khide tsükjide inü nü ki thachoh, shepü ke tüsho me ching müzübephulobanü apinü Thrünpuh kiulongthsü ching müyüzahkhuk.

JOHAN 8:9

Judüki sherünü ju sokheanü, arü küdah thsüde lümkhiungbah azopünü akhuhbah khülang khülangnü tsoabah. Alibe ju ching zhipde Jisu zangrü aning.

YUNIRÜBO RHIMO 22:16

Kheakü tümüde nünü aleangcho? Asürübah baptiang, tüsho api mung jide nü neakbo müsüh-a bahang.’

YUNIRÜBO RHIMO 8:21

Nü ha ching bepü yungsho shihcham müla, tümüde nü mulong ju Thrünpuh miki alungki yung.

1 KORINT 6:11

Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.

2 KORINT 7:1

Amuzho müyamrübo, tümütüsho isa harü alokhikhibo lah, pang tüsho me müneankhi lüpdükhi chingnü isanü müsühkhitanü, tüsho Thrünpuh trekhi ching banthsangkhi amüsüh kamanü.

EFISIA 3:12

api kheak isa akin hode thüninde ayüpü mulong tokhi, tüsho mulongram lakheah.

EFISIA 5:26

junangde kenü amüsüh dunglim api yunü anihbe tsangkhitpü thsü,

EFISIA 6:5

Yamlarübo, Khrista ki nangde trede tüsho ajande, mulong khülangnü nüsa alomi putungrübo ki mihyuaniang;

1 TIMOTHI 4:2

Hadürü thsangyukhibo ju yinchi takmürümkhinü athsahkhi nangde arü lümkhibo shekhirü akeangyu tharü hode bushihchoh.

TITA 3:5

isanü thiyuro-lungki rhimokhi dünkheaknü yung tüshe api amüthsüm hode, zübelode müsühkhitde tüsho Amüsüh Me ching aso kamlode apinü isa khümkhit,

IBRI 10:1

Yakzan ju atsütsü yungde arüpü lakhi atsü kukruk me lang ah. Jumonü kam abande ju ruk lang laksah-a jihkhinü kingaünpü thüninde arürü küyimkishe khiukdahde mükamshihchoh.

IBRI 10:19

Jumonü keoniorübo, Jisu thiyih hode arüngakopung ching isa yüzahpü lale,

IBRI 11:28

Akin hode apinü phungho-thünio tüsho thiyih rhakkihpü rhimo, junangde adüjirü thsümünimrünü Israelrü tsührü adüjirü müqiupü lakheah.

IBRI 12:24

tüsho aso tangzüng limburü Jisu kilim, tüsho Abel thiyih kheaknü alü muzhode athakhi arhakkihkhi thiyih kilim.

IBRI 4:16

Jumonü isanü yihnüpü kim ching mihmüthsüm leangkhipü tüsho mihmuzho ngüpü thsüde amüthsüm kiulongthsü-binkiu thüninde isanü mulongram lade yüanü.

IBRI 6:11

Nüsa mulonglam mütsanpü thsüde, nüsa mihbüm abannü ha ruk düshihde akheam khiungde huhshihnelah,

IBRI 7:19

Tümüde Mosa yakzannü tümü she khiukdahde mükamshih. Tüsho kheakü mulonglam atsübe jihkhi hode isanü Thrünpuh thüninde arükhukchoh.

IBRI 9:10

tümütüsho arünü jim, ayungbe, tüsho atsangkhitbe aphuaphu arüngako thsungkheak lang amüthrilokhi khiungde arhimokhukpü lakhi akhualokhi lah.

IBRI 9:19

Tümüde küyimki yakzan yukhüm Mosanü mihtsürü alala ki khipkhitkhea, apinü ke bede moshinunu le mihnubo thiyih lubah alamlam-hing mürüm tüsho monam sangkhah kheaknü küpqiu le mihtsürübo alala kheak rhakkih.

JAKOB 1:6

Tüshe apinü mudukiuhlode akinnü api ki kheangshang, tümüde shepünü dukiuhlochonü apungnü yüna abükshihkhi keto nangde lah.

JAKOB 4:8

Thrünpuh thüninang tüsho apinü nü thüninbah. Aneakrübo, nüsa khahbo tüsho mulongbo müsühang, nüsa lümtrüp mihtsürübo.

1 PETER 1:2

Abuh Thrünpuhnü akhujungde amokhitkhi tüsho Jisu Khrista ki mihyuanipü tüsho api thiyih rhakkihpü Menü atsangkhitkhi: Amüthsüm tüsho mungtsü nüsa kilim alü kamshang.

1 PETER 3:21

tüsho ha ke ju kheakü nüsa khümkhitkhi baptikhi amütsan lah–pang chingnü dükhüh throa bahkhi yung tüshe Thrünpuh kilim lümkhi atsünü thiyuchihchimkhi lah. Jisu Khrista arhang kamlokhi hode nüsa khümkhitchoh,

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi