IBRI 1:5 - AMÜSÜH HÜM CL Bible (BSI)

⁵ Tümüde Thrünpuhnü yunirü she ki she ha ruk mütha, “Nü I tsührü ah, khihni I nü Buh kamdo.” Yungsho kheaküshe, “I api Abuh thsübah, tüsho api I tsührü thsübah.”

IBRI 1:5 Iomraidhean Croise

2 SAMUEL 7:14

I api abuh thsübah, tüsho api I tsührü thsübah. Küyimki apinü amülim rhimobanü, mihtsürünü shuhbah arhapbe tsonü api thsümüchibah.

1 KIUTHSÜYUKHEAN 17:13

I api abuh thsübah, tüsho api I tsührü thsübah tüsho inü nü müngüh labuh kheaknü alukhi nangde I mihmüthsüm api kheaknü mulu,

1 KIUTHSÜYUKHEAN 22:10

Apinü I mung thsungkheaknü thüyam khülang thsübah. Api I tsührü thsübah, tüsho I anihbuh abuh thsübah, tüsho inü api kiulongthsü-binkiu Israel ching lünnü alashihbah.’

1 KIUTHSÜYUKHEAN 28:6

Apinü I ki tha, ‘Nü tsührü Solomonnü I yam tüsho I khikzhakpungbo thsübah, tümüde api I tsührü khülang thsüpü inü mokhit, tüsho I api abuh thsübah.

MUNGSHIKHÜN 2:7

Inü Atungpuh yakzan zhiyukbah: Apinü I ki tha, “Nü I tsührü ah. Khihni I nü buh kamdo.

YUNIRÜBO RHIMO 13:33

apinü ha ju arü tsührübo isa thsungkheak Jisu arhang kamloshihde dünjishih; ha mungshikhün mahnepü ching she thrüta lah, ‘Nü I tsührü, khihni I nü buh kamdo.’

IBRI 5:5

Junangde Khrista she achangbe amükeamrü thsüpü nihbuh küdahnü ashuhkihkhi yung, tüshe Thrünpuhnü api ki tha, “Nü I tsührü ah, khihni I nü Buh kamdo.”