IBRI 1:14 - AMÜSÜH HÜM CL Bible (BSI)

¹⁴ Arü alala ju akhümkhit yamrüplurüp lurü tankihrü thsüde tankihpü mebo thiyikhi yung de?

IBRI 1:14 Iomraidhean Croise

THRÜNTAN 32:24

Judüki Jakob alangzü aninga lakheah; tüsho mihtsürü khülangnü ayinkhi khiungde api bede shochih.

1 KIULONG THSÜRÜ 22:19

Judüki Mikaianü tha, “Jumonü Atungpuh yu aniang: Inü Atungpuh api kiulongthsü-binkiu kheak, tsülim tüsho huzulim yinmi aputungrü alala zhipbah abinkhi ngü.

JOB HU H T ANYU 1:6

Nimung khülang yinmi mihtsürübo Atungpuh miki arü, tüsho Arimri she arü bolung arü.

MUNGSHIKHÜN 104:4

Nünü apungbo nü yunithsürübo, tüsho chinchobe phürapkhi nü yamlarübo thsü.

MUNGSHIKHÜN 34:7

Atungpuh wüntrerü api yunirünü aheangchoh tüsho arü bekhitchoh.

DANIEL 3:28

Judüki Nebukednezarnü tha, “Shadrak, Meshak tüsho Abednego Thrünpuh shiang, shepünü Api yunirü thiyi tüsho api yamlarübo khümkhit! Arünü api kheak kin tüsho kiulongthsüpuh yukhüm mani tüsho arü Thrünpuh kheak hobah püpü thrünpuhbo tankihde mükingaünpü rhangdung shuhmülanga jih.

DANIEL 6:22

I Thrünpuhnü api yunirü arüshihbah kekhüzübo mün khimdoshih, junangde arünü I muyuri, tümütüsho I api miki amülim mülade ngü; tüsho nü miki she, O kiulongthsüpuh, inü amülim tümü mürhimo.”

DANIEL 7:10

Mo ayung khülang bukde la tüsho api kinü bukkhit. Chithürü kheak chithürübonü api tankih, tüsho chithürü thürü kinü chithürü thürü api ki zhip. Mahkhappü kim tankih, tüsho hümbo khimshuh-a lakheah.

MATHI 1:20

Tüshe api harü lümde alachoki, Atungpuh yunirü khülang milim ching api ki akhiukbah tha, “David tsührü Josep, nü niube thsüpü Mari lupü dütre, tümüde Amüsüh Me hode alibe mübünkeangde lah.

MATHI 13:41

Mihtsürü Tsührünü api yunirübo thiyibah, tüsho arünü api kiulongthsü chingnü neak yihbeakshihrü tüsho amütsü rhimorü alala bemukhungbah,

MATHI 18:10

“Harü anini bolung khülang she mükhemükim müthsüpü kümkangang, tümüde inü nüsa ki thachoh, yinmi ching arü yunirübonü yinmi ching labuh I Buh miro kamruhroro kheahde lah.

MATHI 2:13

Küyimki arü chamachihkhea, Atungpuh yunirü khülang milim ching Josep ki akhiukbah tha, “Asürang, azürü le abe büne bebah Ijip lim tsoang. Inü nü ki müthayi khiungde ju ching laang, tümüde Herodnü azübuh laksahpü yimbah.”

MATHI 24:31

Apinü api yunirübo hulipungpung düsheak atonü mütde ayüshihbah, tüsho arünü api yo amokhitrübo alomi akheamnü khülim khiungde thrip phüyi chingnü abemukhungbah.

MATHI 25:34

Judüki kiulongthsüpuhnü tsülim larü ki thabah, ‘Arang, nüsa I Buhnü müngühjihrübo, alomiküp thrüntanchokinü nüsa thsungkheak thsakhamkhi kiulongthsü yamrüplurüp luang:

MATHI 4:11

Judüki arimrinü api bahbah tso, tüsho yunirübo arübah api rung.

MARK 10:17

Jisu api limro ching yüde lachoki, mihtsürü khülang alihde arübah amiki khukning, tüsho keokhi, “Thsangyurü atsü, akheam müla rhangdung yamrüplurüp lupü inü tümü rhimobea?”

LUKNÜ ATHRÜTKHI THIYUSHEAK-ATSÜ HUHTANYU 1:19

Tüsho yunirünü api ki alojihde tha, “l Gabriel, Thrünpuh miki zhipbuh, tüsho ha thiyusheak atsü hanbah thiyia arüshihkhi ah.

LUKNÜ ATHRÜTKHI THIYUSHEAK-ATSÜ HUHTANYU 1:23

Küyimki api kingaünpü kim arün thsükhea, apinü thüyam lim yülo.

LUKNÜ ATHRÜTKHI THIYUSHEAK-ATSÜ HUHTANYU 16:22

Kheangtsührü ju sheabah tüsho yunirübonü Abraham khüh ching bede yü. Alarü mihtsürü ju she shea kiuyukabah.

LUKNÜ ATHRÜTKHI THIYUSHEAK-ATSÜ HUHTANYU 2:13

Tüsho zukleangnü yinmirü boto yunirü lung Thrünpuh shide tüsho thade akhiuk:

LUKNÜ ATHRÜTKHI THIYUSHEAK-ATSÜ HUHTANYU 2:9

Atungpuh yunirü khülang arü ki akhiuk, tüsho Atungpuh müretahkhinü arü mükamde tah, tüsho arü trede kam.

YUNIRÜBO RHIMO 11:22

Ha yusheak Jirusalem borü ching arü tüsho arünü Barnaba Antiok ching yüshih.

YUNIRÜBO RHIMO 12:23

Zukleangnü Atungpuh yunirünü api shik, tümütüsho apinü Thrünpuh müremütah; api ju musonü ru tüsho sheabah.

YUNIRÜBO RHIMO 12:7

tüsho kheahang, Atungpuh yunirü khülang akhiuk, tüsho akhiungshak ching ayin tahyuk; tüsho apinü Peter ju adubuh kheaknü niukmusude tha, “Nahde asürang.” Tüsho wuhrünliubo akhahbo chingnü ayoabah.

YUNIRÜBO RHIMO 13:2

Arü Atungpuh kingaünde tüsho khümkeakde alachoki, Amüsüh Menü tha, “Inü arhimoshihpü arü jihkhi rhimo thsungkheak Barnaba le Saul büthsüang.”

YUNIRÜBO RHIMO 16:26

tüsho zukleangnü ju ching muliuyuk ato züng, junangde rihyam khimtan niuklaplap; tüsho zukleangnü khimdopü alala khimshuh tüsho aramrü wuhrünliubo atreakabah.

YUNIRÜBO RHIMO 27:23

Tümütüsho shepü yo I la tüsho inü tankihkhi Thrünpuh yunirü yishih I ki zhip,

YUNIRÜBO RHIMO 5:19

Tüshe azhing ching Atungpuh yunirünü rihyam khimdopübo yeahshungbah arü bekhit tüsho tha,

ROMRÜ KILIM PAULNÜ ATHRÜTKHI KIHÜM HUHTANYU 11:14

Junangde inü I mihtsürü Jihudarü mükthsüde akamshihbah, tüsho arü khürü khümkhitbah.

ROMRÜ KILIM PAULNÜ ATHRÜTKHI KIHÜM HUHTANYU 13:6

Hamonü nüsanü rukbo jihchoh, tümüde thiyukhüm-sühmüh larü ju ha rhimode Thrünpuh tankihrübo ah.

ROMRÜ KILIM PAULNÜ ATHRÜTKHI KIHÜM HUHTANYU 15:16

khiungkerü kilim Thrünpuh thiyusheak-atsü amükeamrü thsüde tankihpü ching Jisu Khrista tankihrü thsükhinü, junangde khiungkerü kingaünkhi ju Amüsüh Menü atsangkhitkhi, aleangkhikhukbe labah.

ROMRÜ KILIM PAULNÜ ATHRÜTKHI KIHÜM HUHTANYU 15:27

arünü ju rhimopü pungkhi, tüsho atsütsü, arübo kilim arü shozüng lah, tümüde khiungkerünü arü me müngühmühi ching shihcham lusho, arünü kukruk müngühmühi chingnü arü rungbeah.

ROMRÜ KILIM PAULNÜ ATHRÜTKHI KIHÜM HUHTANYU 8:17

tüsho isa ju tsührübo a sho, yamrüplurüp lurü ah–api müretahkhi ching isanü shihcham lupü thsüde isanü api thsünükhi shihcham lusho, Thrünpuh yamrüplurüp lurü tüsho Khrista lung rukhüh yamrüplurüp lurü thsübah.

1 KORINT 1:21

Tümütüsho Thrünpuh lümlung ching, alominü arü lümlung hode Thrünpuh mümükheah, tüshe akinrü khümkhitpü isanü thsangyuthsangrakhi makha yu hode Thrünpuh asühshih.

2 KORINT 9:12

tümüde ha tankih rhimokhinü akinrü yihnüpü lakhi lang müjih tüshe Thrünpuh kilim makshe jihpü hihde kamshihchoh.

GALATIA 3:29

Tüsho nüsa Khrista yo thsüsho, alokhikhi ayannü nüsa ju Abraham müjih tüsho yamrüplurüp lurü ah.

GALATIA 3:7

Jumonü sherünü kinchonü Abraham tsührübo ah de mükheahang.

GALATIA 3:9

Jumonü sherü akin lanü, akin mihtsürü Abraham lungnü müngühmühia lah.

EFISIA 3:6

junangde khiungkerü ju rukhüh yamrüplurüp lurü, pang rukhüh ching kheyukrü, tüsho thiyusheak-atsü hode Jisu Khrista ching alokhikhi shihcham lurü ah.

FILIPI 2:17

Tüshe nüsa akinnü Thrünpuh kilim jihkhi shuhmülanga kingaünkhi kheak I thiyih bukkihkih she, inü nüsa alala kheak asühlah tüsho asühachihchoh.

FILIPI 2:25

I keoniorü rukhüh rhimorü tüsho rukhüh bonungrü, tüsho nüsa yunithsürü tüsho I yihnüpü ching tankihrü Epaphrodita nüsa kilim thiyipü yihnüpü lah de inü lüm,

2 TESALONIKA 1:7

tüsho thsünüde alarü nüsa le isa kilim sühakhim jihbah. Ha yinmi chingnü api yo wulakhi yunirübo lungnü mo trude Atungpuh Jisu amikheak akhiukchoki dünjibah.

TITA 3:7

junangde api amüthsüm hode isa alim kamshihpü tüsho lün rhangdung mulonglam ching yamrüplurüp lurü kampü lakheah.

IBRI 10:11

Tüsho amükeamrü abannü nimung aban api tankih rhimo ching küyimkishe neak hande mutsokhukbe ju ruk lang laksah-a kingaünkhi alochode jihchoh.

IBRI 2:3

isanü hadürü akhümkhit ato bahyuksho küde thsah isa tsokhiba? Ju akhuhde Atungpuhnü khipkhit, tüsho api sorünü isa ki mütsanloshih,

IBRI 5:9

tüsho khiukdahkhi kamde api ju anihbuh ki mihyuanirü alala yo lünnü akhümkhit limro kam,

IBRI 6:12

junangde nüsa sühdukde mükam, tüshe akin tüsho arümkheam hode alokhikhi yamrüplurüp lurü kheahkhirü thsübah.

IBRI 6:17

Tümütüsho Thrünpuhnü alokhia lakhi, yamrüplurüp lurü ki mümüthrikhi api lümkhi khide mütsande ahuhpü mulongkhinü, apinü ju thiyuchihchimnü adüngakhi thsüdo,

IBRI 8:6

Tüshe api tangzüng yo limburü thsükhi awünbe kheaknü atobe lakhi nangde Jisunü aleangkhikhi tankihpü ju arü yo kheaknü atobe ah, tüsho ju alokhikhibo atsübe kheak ningkihlah.

IBRI 9:28

ahihkhüh neak hanpü Khrista khülangki jihkhi ju, neak phüpü yung tüshe mulong dukde api aleangrü khümkhitpü mahne kipü arübah.

JAKOB 2:5

Aniang, inü muzhokhi keoniorübo. Akin ching alarü thsüpü tüsho apinü amuzhorü ki alokhikhi kiulongthsü yamrüplurüp lupü Thrünpuhnü zhochihrü mokhitkhi yung de?

1 PETER 1:12

Yinmi chingnü athiyikhi Amüsüh Me hode thiyusheak atsü zhiyukrü yunithsürü kilimnü nüsanü kheakü sokhi arünü harü dünkheak thakhi, Thrünpuhnü harü wukihrübo ki amikheak akhiukshihkhi, arü rhimo ju arü alü thsüpü thsungkheak yungde nüsa thsungkheak ah. Hadürü ching yunirübonü she akheahpü mulongchoh.

1 PETER 1:4

tüsho nüsa khilim yinmi zojihkhi müdükheakbe, mümüneanbe, tüsho müthsümünimbe yamrüplurüp kilim,

1 PETER 3:7

Niubuhrübo, junangde nüsa niuberü lung anikhitkhinü laang, tüsho reangmüzahkhi nüsa atrurü tüsho nüsa lung shoto rhangdung thsambah yamrüplurüp lurü nangde arü ki akin jiang, junangde nüsa tamkhüntamnü tümünü she müzhipdo.

JUDNÜ ATHRÜTKHI KIHÜM HUHTANYU 1:14

Adam kheaknü lün thünepü Enoknü harü dünkheak müchitde tha, “Kheahang, Atungpuh api amüsüh yunirü chithürübo bebah arü,

AMIKHEAKAKHIUKKHI 5:6

Tüsho kiulongthsü-binkiu le arhang shiwüh phüyi dükeak tüsho azothsürü bolung, Namfimihnunu khülang alaksahkhi nangde, tüsho Thrünpuh mebo thüne alomi alala ching thiyikhi, ajuh thüne tüsho amükji thüne kihbah zhipde inü ngü;