IBRI 1:11 - AMÜSÜH HÜM CL Bible (BSI)

¹¹ arü adükheakbah, tüshe nü a aninga labah; khimmih nangde arü alala amürhütbah,

IBRI 1:11 Iomraidhean Croise

MUNGSHIKHÜN 10:16

Atungpuh ju lünnü lün kiulongthsürü; api lomi chingnü trükshihbo dükheakbah.

MUNGSHIKHÜN 102:26

Arübo adükheakbah, tüshe nü a rünkhiungbah; arü alala khimmih nangde amürhütbah; khimmih nangde nünü arü müthribah, tüsho arübo amüthribah.

MUNGSHIKHÜN 29:10

Atungpuh kiulongthsü-binkiu keking kumung kheak lah; apinü lünnü kiulongthsürü thsüde yakzan shuhchoh.

MUNGSHIKHÜN 90:2

Müzüngbo müthrünkhityide, yungsho nünü alomi tüsho alomiküp mükamshihyide, akheam mülanü akheam müla khiungde, nü Thrünpuh ah.

ISAIA 34:4

Thüning kheak chiningbo alala niukrubah, tüsho thüningbo pheak nangde qiuabahbah. Chiningbo alala kurungaso yü yungsho khubaso aso nangde akeamkhibah.

ISAIA 41:4

Atankih chingnü lünbo lümkhitlode, shenü ha külüpkhea tüsho rhimokhea? I, Atungpuh , akhuhbuh tüsho akheam lung labah.

ISAIA 44:6

Atungpuhnü ha thachoh, Israel kiulongthsüpuh, tüsho api Rhokhitrü, Wuto Atungpuh : I atankih tüsho akheam; I hobah Thrünpuh she müla.

ISAIA 50:9

I rungbuh ju A TU N GPU H T H RÜ NPU H lah; shenü I amülim jihpü? Arü alala khim nangde amürhütbah; arinü tsühabahbah.

ISAIA 51:6

Nü mükbo thüning lim züngkihang tüsho abolim alomi kheak kheahang; tümüde mokhüh nangde thüningbo dükheakbah, khim khülang ruk alomi mürhütbah, tüsho ju ching larü somünakbo nangde ashebah; tüshe I akhümkhit lünnü alabah, tüsho I yo thiyuro-lungki küyimkishe mükheam.

ISAIA 51:8

Tümüde khim khülang ruk arinü arü tsühabahbah, tüsho shihnamkhim nangde arinü arü tsühbah; tüshe inü abekhitpü lünnü alabah, tüsho I akhümkhit lünnü lün labah.

ISAIA 65:17

Tümüde inü yinmibo aso tüsho alomi aso thrünpü thsüchoh; akhuhlim dünjikhibo mülümkhit yungsho lüm ching marü.

MATHI 24:35

Thüning tüsho alomi hode atsobah, tüshe I yubo a küyimkishe hode mutso.

MARK 13:31

Thüning tüsho alomi hode atsobah, tüshe I yubo a küyimkishe hode mutso.

LUKNÜ ATHRÜTKHI THIYUSHEAK-ATSÜ HUHTANYU 21:33

Thüning tüsho alomi hode atsobah, tüshe I yubo küyimkishe hode mutso.

IBRI 12:27

“Kheaküshe khülangki” de athakhi yubo amütsan thrüna lakhi ju aniukbah tüsho alahkhitbah, junangde müniukkhukkhi a aninga labah.

IBRI 8:13

Aso tangzüng thade apinü akhuhbe ju yihnüpü mülakhi kamshihchoh, tüsho küpü yihnüpü mülade kamcho tüsho awün kamchonü nahde dükheakabahbah.

AMIKHEAKAKHIUKKHI 1:11

hade tha, “Nünü tümü ngülanü hüm kheak thrütang tüsho borü thüne, Efisia, Symrna, Pergamum, Thyatira, Sardis, Philadelphia, tüsho Ladokia lim mühahang.”

AMIKHEAKAKHIUKKHI 2:8

“Tüsho Smyrna borü ching yunirü kilim thrütang: ‘Atankih tüsho akheam, shebah arhang kambuh yubo.

AMIKHEAKAKHIUKKHI 20:11

Judüki inü kiulongthsü-binkiu amüye tüsho ju kheak binbuh ngü; api mikinü alomi tüsho thüning tsoabah, tüsho jurü müngülode kam.

AMIKHEAKAKHIUKKHI 21:1

Judüki inü yinmi aso tüsho alomi aso ngü; tümüde akhuhbe thüning tüsho akhuhbe alomi hode tsoabah, tüsho keto müladebah.