HOSEA 9:9 - AMÜSÜH HÜM CL Bible (BSI)

⁹ Arünü Gibea nimungbo ching nangde arü zangrü sükde thsümünimdo; apinü arü amülim-rhimobo lümkhitbah, apinü arü neakbo dün thsümüchibah.

HOSEA 9:9 Iomraidhean Croise

ABEKHIT 32:7

Tüsho Atungpuhnü Mosa ki tha, “Yükiang, tümütüsho nünü Ijip lomi chingnü bekhitkhi nü mihtsürü müneana lah.

ISAIA 24:5

Mihtsürübonü alomi müneando; tümüde arünü yakzanbo lakmihdo, thiyuzüngbo thsümünimdo, akheam mülakhi tangzüng yihshakdo.

ISAIA 31:6

Nüsanü tode azhihbuh kilim rholoang, O Israel mihtsürü.

JEREMIA 14:10

Ha mihtsürü dünkheaknü Atungpuhnü ha thachoh: Tsükjide arünü rümde atsahpü muzhodo, arünü arü jing mutuklo; jumonü Atungpuhnü arü müleangkhi, kheakü apinü arü mülimkhibo lümkhitbah tüsho arü neakbo dünkheak thsümüchibah.

EZEKIEL 21:28

Tüsho nü, mihtsürü tsührü, müchitang tüsho thaang, Amonrü tüsho arü mükhemükimrü dünkheak, Wuto Atungpuhnü ha thachoh: Nukshang khülang, nukshang khülang, alaksahpü dukkhitdo, amuyupü phekhita tüsho chinchobe nangde phürappü lah!

HOSEA 10:9

Gibea nimungbo chingnü nünü neak yihbeakdo, O Israel; ju ching arünü mutuklode la. Gibea ching amütsü-rhimorü thirithsünü akukkhi yung de?

HOSEA 4:9

Tüsho mihtsürübo nangde amükeamrübo she alabah; inü arü limrobo thsungkheak arü thsümüchibah, tüsho arü rhimobo dün jihlobah.

HOSEA 5:8

Gibea ching shihjuh mütang, Rama ching hulipungpung mütang. Beth-aven ching arhunganim düsheak thsang; nü dunglim mürüngang, Benjamin!

HOSEA 7:2

Tüshe inü arü mihbukmuyuk alala lümkhitlah de arünü mülüm. Kheakü arü rhimobonü arü mükamdolah, arü I miki lah.

HOSEA 8:13

Arünü I kilim laksah-a kingaünkhi jihchoh tüsho arünü shih tsühchoh, tüshe Atungpuhnü jurü müleangkhi. Kheakü apinü arü amülim-rhimo lümkhitbah tüsho arü thsümüchibah; arü Ijip lim yülobah.

HOSEA 9:8

Wukihrü ju Ephraim aheangrü I Thrünpuh lung lah, tütüshe wukihrü limrobo alala ching qimürip lah, tüsho api Thrünpuh yam ching mükthsü lah.

ZEPHANIA 3:7

Inü tha, “Tsükjide kiutonü I trebah, hanü athsülangkhi lubah; inü arü ki thsangyukhi yumük küyimkishe mümih.” Tüshe arü rhimobo thsümünimpü arünü alü künde kam.

MAHKHAPRÜ 19:12

Api putungrünü alo, “Yung, Israel mihtsürü yungkhi khiungkerü kiuto ching isa müyüzah. Isa Gibea lim yübah.”

MAHKHAPRÜ 19:16

Kheakü ashinbuhrü khülang arelim thulu rhimo chingnü alungde alakheah; mihtsürü ju Ephraim awung lomi chingnü ah, tüsho api Gibea ching lakheah; ju dangpung ching larü ju Benjaminrü lakheah.

MAHKHAPRÜ 19:22

Arübo mulong asühde alachoki, zukleangnü kiuto ching müzammüramrü mihtsürübonü arübah khimdopü kheak yüm. Arünü thüyam putungrü, ashinbuh ki tha, “Nü yam ching arürü mihtsürü bede akhiukang, junangde isanü api kheak müzammürambah!”

MAHKHAPRÜ 20:43

Arünü Benjaminrü zündobah yande müsham tüsho aniakhiuklim Gibea mikhuh khiungde laksahde yü.